hannibal
عضو نشط
( أخواني في المنتدى
السلام عليكم ورحمة الله وبركاته
أبي رايكم في شغلة جت على بالي
عاجبتني , وأشوفها معقولة
بس يبي لها مشورة
ومن شاور ما ندم
وأعضاء المنتدى والنعم فيهم
كل واحد عقله يوزن بلد
ولا احد يتردد ما يبدي رايه
ويقول أخاف أوهقه
لا ابد يا حبايبي
القرار باتخذه عن قناعة شخصية وباتحمل المسؤولية كاملة
نرجع حق محور حديثنا
D الله يذكرك بالخير يا الصيرفي )هذا يا بعد كل الغالين عند محسوبكم في البنك مبلغا وقدره
خاشه حق شغلة بعد ستة أشهر - إن شاء الله -
-
( لا ..... ماهي اللي في بالكم )وصاحبكم داش سوق الاسهم من شي ستة شهور
بمبلغ بسيط
ومعين خير
وصاير خطير
والأهم تروه شاطر في الرياضيات
وطول عمره ( فل مارك )
عاد هو ما استخدم لا قطع مكافئ ولا قطع ناقص
استخدم الاحتمالات
وكبرت براسه
قولوا: شلون ؟
قلتوا شلون ؟
أنا اقول لكم :
ها المية وخمسين الف ريال ( قولوا ما شا الله ) اللي هي اربعين الف دولار
بدل ما هي نايمة في البنك
ليش ما أشغلها في الأسهم
وأضرب ضربتي
لاحظوا شيين مهمين :
راح أدخل بكل المبلغ
وراح انسحب من السوق بعد ستة أشهر
أو على الأقل أسحب ال 40 الف دولار ( على فرض يكون فيه أرباح )
طبعا عشان ما تعتبروني بزر والا مجنون اقول لكم استراتيجيتي :
واحد / ستوب لوز على 80 % من المبلغ ( يعني لو كل الأسهم اللي شريتها خسرت لا قدر الله راح اطلع بما يقارب 30 الف دولار ) وأنا متقبل خسارة عشرة الاف لا قدر الله .
اثنين / تتقسم الاربعين الف على عشرين شركة بواقع الفين دولار لكل شركة وذلك عشان يكون البيض في عشرين سلة
ثلاثة / اختيار الشركات العشرين راح يراعي التحليل الأساسي وراح تكون مدروسة بعناية فائقة.
اربعة / الشركات الموصى عليها من قبل المواقع المتخصصة راح يكون لها اولوية.
خمسة / احتمال خسارة عشرين شركة من الفئة أعلاه يكاد يكون 0.00% طبعا هذا كله بإذن الله وإرادته
ستة / سلامتكم
ابي رايكم ومشورتكم
والا تدرون ؟ :
احسن شي نخلي السؤال :
لو كنت مكاني تسويها والا تعقل وتلعن ابليس وتخلي قريشاتك بالبنك لين يجي يومها ؟
شكلي كاميكازي والله
وسلامتكم ,,,