البنك المركزي يجري تعديلات جوهرية على تعليمات القروض الاستهلاكية والمقسطة 40 %

[Abdullah Alhajeri]

ابارك للمركزي بإتخاذ هذي الخطوه الشجاعه

وخل العالم تعيش عل قدها !

الى معاشه ألف يعيش بالالف لا يعيش بعشر الاف !

وخل البنوك تستريح شوي ذبحت الشعب بالاقساط !

بس الخطوه الاهم يا مركزي تطبيق كل هالقوانين الجديده ومراقبتها عن كثب واي بنك يخالف لازم عليه غرامه

 

[الوافي ابو محمد]

حاميها حراميها بعد مادبسوا الشعب بالقروض تقريباً75% من العاملين الكويتين متدبسيين بالقروض يبون جيل جديد الله مايبارك بالربا ولعن الرابي والمرتبي

 

[bnyder2002]

البنك المركزي توه قاعد من النوم


هالقرار حق منو !؟!؟!؟!؟!؟

اذا الشعب مدبس بقروض قديمه

القرار حق البنغاليه اللي راح يأخذون قروض على المعاش 20 دينار ويطلع قسطه 4 دنانير على 15 سنه......؟ بعد ماطاح الفاس براس

 

[بو لولوة]

ابارك للمركزي بإتخاذ هذي الخطوه الشجاعه

وخل العالم تعيش عل قدها !

الى معاشه ألف يعيش بالالف لا يعيش بعشر الاف !

وخل البنوك تستريح شوي ذبحت الشعب بالاقساط !

بس الخطوه الاهم يا مركزي تطبيق كل هالقوانين الجديده ومراقبتها عن كثب واي بنك يخالف لازم عليه غرامه

والله عدل كلاك بس المشكلة في الناس مو البنوك ... ولا في أحد صاحي ياخذ قرض و يسافر!! ولا ياخذ قرض و يشتري ساعة ولا سيارة و هالكماليات !!
البنوك ما قالت للناس انهم يصيرون سطحيين لي هالدرجه.

 

[ابوالحبايب]

أتوقع
وأتمنى أن يصدق التوقع

أن هذا القرار بداية لحل
مشكلة القروض وفوائدها

وذلك لحصر القروض ثم
ايجاد حل لها
ربما عن طريق مراسيم الضرورة
كصندوق المعسرين
أو انتظار المجلس القادم

 

[مضارب شجاع]

القرار حق البنغاليه اللي راح يأخذون قروض على المعاش 20 دينار ويطلع قسطه 4 دنانير على 15 سنه......؟ بعد ماطاح الفاس براس

تعجبنى
فعلا الحين البنك المركزى ما عنده ضحايا جدد كويتيين كلهم مدبسين ومتوهقين فى قروضهم بسبب ان الحكومه راح تطيح القروض ، حتى الشايب الى ما يفكر يأخذ قرض اخذ وانخدع فى الحكومه .

 

[IMSE]

محد دبس الكويتين، المركزي ما طق الناس على ايدهم و قالهم روحوا أخذوا قروض ! كل انسان يتحمل قراراته...

القرار على القروض الاستهلاكية فقط فبتالي ما يأثر على قروض البيوت أو على أسعار العقر...هذي حق قروض السيارات أو الي يبي يسافر أو تشتريلها طقم ألماس..

 

[Navigator]

محد دبس الكويتين، المركزي ما طق الناس على ايدهم و قالهم روحوا أخذوا قروض ! كل انسان يتحمل قراراته...

القرار على القروض الاستهلاكية فقط فبتالي ما يأثر على قروض البيوت أو على أسعار العقر...هذي حق قروض السيارات أو الي يبي يسافر أو تشتريلها طقم ألماس..

وواللي مودي مريض للعلاج اكثر من مره واضطر ياخذ قرض وزادوا الفوائد عليه وقيمة القسط طافت نص الراتب شتقول عنه يا فالح

واللي ارتفعت عليه مواد البناء ووقف ترميم بيته بنص السكه شتقول عنه

اللي إيده بالماي غير

 

[baselko]

والله عدل كلاك بس المشكلة في الناس مو البنوك ... ولا في أحد صاحي ياخذ قرض و يسافر!! ولا ياخذ قرض و يشتري ساعة ولا سيارة و هالكماليات !!
البنوك ما قالت للناس انهم يصيرون سطحيين لي هالدرجه.

الله يهداك السيارة من الكماليات

 

[بو لولوة]

الله يهداك السيارة من الكماليات

أنا أقصد أغلبية الناس تشتري فوق طاقتها ... صح السبارة شي ضروري بس ماهو ضروري انه الواحد يشتري BMW او lexus ... ماهو عيب انه الواحد يشتري سياره على قد قدرته المادية ...بالنهايه السياره وسيلة ماهي غايه.

الحين الناس كل شي تشتريه بأقساط حتى البخور أقساط !! وين قاعدين !!

 

[IMSE]

وواللي مودي مريض للعلاج اكثر من مره واضطر ياخذ قرض وزادوا الفوائد عليه وقيمة القسط طافت نص الراتب شتقول عنه يا فالح

واللي ارتفعت عليه مواد البناء ووقف ترميم بيته بنص السكه شتقول عنه

اللي إيده بالماي غير

أقوله عسى الله يشافي مرضاكم و مرضى المسلمين و الحمدالله احنا بديرة خير إن ما ساعدتك الديرة، الأياويد وايد الي مستعدين يساعدون...

أما الثاني فأقوله مد ريلك على قد لحافك...و أقوله بعد ادرس الأمور قبل لا تجدم عليها...مو بس تاخذ قرض و بس...افهم شسالفة القرض و شلي لك و شلي عليك...

 

[المؤشراتي2]

سبب أزمة الرهن العقاري :

تضخم اسعار العقارات

ممارسات الاقراض غير السليم من قبل البنوك

القرار سوف يمنع ازمة رهن عقاري كويتيه بدات بوادرها من نظام الاجاره الذي يقدمه شركات التمويل الاسلامي

 

[CENTRALBANK]

- سيتواجد السيد / خالد عبد الحميد الزامل بمبنى خدمات التقاضي بقصر العدل يومي 25 و 26 /3/2008 من الساعة 10 ولغاية 12 ظهراً لمساعدة إخوانه المقترضين من الراغبين برفع قضايا على البنوك والرد على استفساراتهم ، كما سيتواجد المحامي الشيخ / داوود الصباح متطوعاً للتوقيع على صحف الدعاوي خدمة منه لإخوانه المواطنيين ، فله منا كل الشكر والتقدير http://www.chakbom.com

 

[frozen]

40% خلاص محد ياخذ قرض

 

[makandari]

اتوقع راح يصير هجوم على البنوك للاقتراض من اصحاب الرواتب العاليه للحصول على قرض و استقطاع 50% من الراتب قبل ال 30 من الشهر لانها اوفر لهم.

 

[Gray-Matter]

بدون تعليق ....




تحياتي ....

 

[خالد.]

القروض بلوي اصابت معظم الشباب الكويتي و المصيبة حتي النساء لدرجة ان الاحكام القضائية بكم كبير الي درجو ان تفيذ الاحكام لو يقوم بواجبها بالقاء القيض علي جميع المطلوبين لتم تحويل المدارس الي سجون

المسؤبية شخصية لكن البنك المركزي مشارك بالاسباب
و لازالت البنوك تقدم كافة التسبهلات و التحايلات

البنك قدم خطوة طيبة لو هي متاخرة

القرار حق البنغاليه اللي راح يأخذون قروض على المعاش 20 دينار ويطلع قسطه 4 دنانير على 15 سنه......؟ بعد ماطاح الفاس براس

الله
انزين اذا البنقالي انتهت اقامته او بسافر لازم يقعد 15 سنه
ابي خبير يرد علي شلون مالقيتلها حل

 

[العربي77]

والله عدل كلاك بس المشكلة في الناس مو البنوك ... ولا في أحد صاحي ياخذ قرض و يسافر!! ولا ياخذ قرض و يشتري ساعة ولا سيارة و هالكماليات !!
البنوك ما قالت للناس انهم يصيرون سطحيين لي هالدرجه.

صحيح كلامك بس اخي اللي اقترض بسعر فائده معين وتم رفع الفائده من المركزي عندما امريكا رفعت الفائده ولان هم ينزلون وحنا ثبتنا الفائده
راح تقول ان البنك فك الارتباط مع الدولار صحيح بس لم يعلن عن سلة العملات ونسبة كم عملة
وهذا علية علامات استفهام كثيرة
اعتقد القرار الجديد لايصب الا بمصلحة التجار

 

[البواردي]

السلام عليكم
الحين حتى اللي بياخذ قرض اذا كان راتبه فوق الـ600 دينار ما يقدر ياخذ اكثر من 15 ضعف الراتب
يعني لو معاشك 600 اكثر شي تقدر تاخذه 9000 دينار والفايده 9.75% لمدة 5 سنوات =13387.5 دينار يعني فايدتهم 4387.5 دينار قسطك يصير 223 دينار

شدعوه شدعوه شدعوه
يعني لا طبنا ولا غدا الشر

المفروض يشوفون حل جذري للفايده اول شي وبعدين يصير خير بتخبطهم بسالفة القروض

 

[CENTRALBANK]

- سيتواجد السيد / خالد عبد الحميد الزامل بمبنى خدمات التقاضي بقصر العدل يومي 25 و 26 /3/2008 من الساعة 10 ولغاية 12 ظهراً لمساعدة إخوانه المقترضين من الراغبين برفع قضايا على البنوك والرد على استفساراتهم ، كما سيتواجد المحامي الشيخ / داوود الصباح متطوعاً للتوقيع على صحف الدعاوي خدمة منه لإخوانه المواطنيين ، فله منا كل الشكر والتقدير http://www.chakbom.com

يا جماعة اليوم رحت وكان متواجد الاخ الزامل بيض الله ويهه..ما يحتاج اي ورقة من البنك لان كاتب بصحيفة الدعوى ان البنك رفض يعطيني اي مستند..تشجعوا روحوا وشجعوا ربعكم ولا تخلونهم واهو موجود باجر..راح تلقون الموضوع سهل..والريال جزاه الله خير موفر محامي ,,يعني بس طابع بو 5 دنانير ..واي مساعدة حاضر..بس المطلوب انك تعرف حجم قرضك وعدد اقساطك يوم خذيت ..وانا كتبت تقريبي لان الخبير راح يبين معاه كل شي