مشروع مصبغه ما الذى على معرفته ؟؟

[سعمران]

السلام عليكم


أخوانى الكرام

ودى أفتح مصبغه ولكننى لا أعلم شنو الأشياء التى يجب على معرفتها أولا حتى أضمن ولو بنسبة 60 % بأن هذه المصبغه ستكون مشروع ناجح بأذن الله ؟؟

يعنى مثلا شنو المعدات المطلوبه وشنو صناعتها وتكلفتها وهل ينفع أنى أشترى معدات مستعمله وهل الموقع مهم كثيرا وشنو مخاطر المصبغه فى أسوأ الأحوال .. أقصد مخاطر خسارة رأس مالى ؟؟

يا ليت كل أخ يقدر يفيدنا ببعض المعلومات حول هذا الموضوع أنه يشارك .

والسلام ختام

 

[ALJAMAIKY]

اخوي برقمهم لك
1- كثافة سكانية بشرط عدم وجود مصبغة قريبة
2-موقع عالشارع مع مساحة تسمح للسيارات توقف عندك
3-دعاية قوية واعلانات تتوزع على كل البيوت والشقق المجاورة
4-عروض قوية ومغرية عشان تسحب زباين من اماكن بعيدة مثلا قطعتين والثالثة بلاش لمدة شهرين تحمل شوي بس راح يستمرون عندك
5-طبعا هذا اهم شي خدمة مميزه واهتمام بالغسيل والكوي عشان الزبون مايزعل
6-سيارة توصيل تكون نظيفة مع سايق لبق موتحطلى بنغالي
7- بعد كل هالامور تتوكل على الله وتطلب منه التوفيق واهو وحدة كفيل بان يجيبلك زباين من مدقشقر وبالتوفيق اخوي

 

[الت تي]

السلام عليكم
اخوي انصحك تظمنها على العمال وترتاح يعني اول شي تشوف العمال اللي بشتغلون في المصبغه وتقول لهم انا اجهز لكم المصبغه من جميع معداتها والسياره اذا هم يرغبون في التوصيل وتقول لهم على الاجار فرضا 200 انا ابي فوق الاجار 400 ومالي شغل في اي شي لا مواد ولا غيره قول لهم انا اجهز اول مره بس والباقي عليكم انا علي اخذ كل شهر 600 دينار بس تحط في جيبك 400 واجارك مدفوع واسف على الاطاله بس انا اخوي كان عنده مصبغه وكان يحاسبهم يومي وما قدر عليهم لانه راح يزهقونك في البوق والمشاكل مع الزباين علشان يطفشونك وانصحك اخوي انك تشتري الاجهزه مستعمله او تنزل اعلان وشكرا

 

[سعمران]

ما قصرتم أخوانى على هالمعلومات الطيبه والمفيده وعلى تجاوبكم الرائع

وأذا كان فيه أحد من الأخوه هم عنده أضافه أو معلومه مفيده بهالخصوص يا ليت يشارك وينورنى وأكون ممنون له .

شكرا مره أخرى