اقتراح بوضع عقوبات

[bo hamd]

السلام عليكم ورحمة الله وبركاته

هذا طبعا مجرد اقتراح للساده ادارة المنتدى الموقرين واعضاء المنتدى الكرام

لقد الت الامور بالفتره الاخيره الى كثر ابطال البيعات و التدخل بالسومات والتهرب منها بغير نية الشراء والتعليق والتدخل بالمواضيع لمجرد كسر وقت الفراغ والعبث بأرزاق الناس فانى اقترح وضع نضام نقط يكلف به احد الساده من اعضاء المنتدى ممن نثق بشخصه ورزانته بمراقبة عمليات البيع وانذار المتلاعبين
والغير جادين بحيث ينذر العضو بحالة الخطأ ويعطى نقطه فاذا تكررت الاخطاء اكثر من 5 نقاط يتم مراسلة الاداره والابلاغ عن نية ايقاف العضو لتكرار اخطائه وعدم جديته وتحدد ادارة المنتدى مدة الايقاف مع اعلان الاسم المستعار

والله مانرتجى من وراء هذا الكلام شى خاص انما لمجرد ايقاف العبث الذى يحصل واعطاء المنتدى قيمته الحقيقه وجعله من ابرز المواقع المعروفه بجدية عمليات البيع والشراء .

والسلام ختام اوسامحونى على الاطاله
اخوكم بوحمد

 

[Bo-Shhab]

أتفق معاك و يعطيك العافيه

 

[عازف الجيتار]

معاك اخوي بوحمد كل شي صرنه انحطه بالمنتدى ماينباع يتم البيع خارج المنتدى وفي ناس بعد البيع تزعل لمن نكتب تم البيع خارج المنتدى شنسوي اذا صار لعب سالفة السومه
والموضوع صارله اكثر من سبوع وسبوعين اكيد ببيعه خارج المنتدى الحين صرنه نكتب تم البيع بكل اختصار عشان لاحد يزعل

----------

وعندك الي يقول سعر السلعه عندك يسوى مثلا 50 يقولك بالسومه 85 ويروح والي يبي يشتري 50 شنو ذنبه والمشكله مو جاد بعد

بس لازم نتجاهل وانتهى الموضوع

 

[boyousif]

كلامك كله صح

 

[عزوز الكويت]

@@


بو حمد والله سياسي

كلنا معاك

 

[جاك الفرج]

بوحمد تصلح عضو مجلس امه اقتراح جيد الله يعطيك العافيه

 

[buz126]

والله ياريت لان نزيد بالسومه وآخر شي لا حياه لمن تنادي

 

[سهم استراتيجى]

تفضل يابوحمد


عينه من هالنوعيه اللى مادرى شنسميهااااا


عندى تلفون سعره بالشركه 188 احد الاخوه يسومه ب 150 لحد اهنيه مافيه مشكله بس شوف الاخ شيقول !!!!!!

سعؤة جديد الحين 165 بالشرق انا دافع فية 145

ومنا للمراقبين مع احلى تحيه وشكرااا بوحمد

 

[finaltouch]

الله يعطيك العافيه اخونا بوحمد على هذا الاقتراح الطيب

 

[ابو بندر2000]

انا مع هذا الاقتراح وانا مع السومات الجااده بدون مبالغه فرائنا في المنتدي ناس يسومون سلعه قيمتها بالسوق 35 دينار مستعمله بقيمة 34 دينار هل هذا صحيح ورائنا في المنتدي ناس يسومون سلعه بقيمة 300 دينار يسومونها 120 دينار ويطلعون الف عيب عليها لكي لايشترونها او يسومها غيره ...................

 

[ولد^الكويت]

خوووووووش فكره

 

[أحمد ظاهر]

وأناا ايضا معك اخي الحبيب .. من مدة قد دعوت لوضع عقوبات لكل المستهترين ولكل من لا يخاف الله وليس لديه مهمة غير تضييع الوقت والتضييق على الناس بأرزاقهاا .. وانا شخصيا عانيت من هذه الامور كثيرا جدا .. واسألوا الادارة والاخ قاروه تحديدا

الله المستعان .. الله يوفقك ويوفق الجميع

 

[الخبير بوناصر]

خوش إقتراح

علشان تصير هيبه حق المنتدى ونردع الحبايب اللي مايخافوش ربنا

 

[هامور 2000]

أنا معاك يا بو حمد بالاقتراح بس الصراحة أنا ما أشوف بيعات أو بيعات قليلة كله عرض والسالفة مطولة والسعر ما يعجبة ويروح الموضوع بالصفحات الاخيرة و صاحبنا يرد نفس الموضوع إلى الصفحة الاولى
شكرا

 

[minon]

اخوي انا مستغرب من شي
تطلب عقوبات على الناس وماتراقب ردك على مشاركاتهم

هذا رد منك على احد المشاركات لاحد الاعضاء:

بالله عليكم هذا طلب ينطلب بالمنتدى والله استغرب

هذا عنوان المشاركة http://www.indexsignal.com/vb/showpost.php?p=1125102&postcount=5

 

[خسران جداً]

لا ليش نقاط.........اللي يضيع وقت فنقر من المنتدى ما نبيه.....ملينا كل ما تسوملك شغله ثاني يوم يقولك تم البيع خارج المنتدى يقص علينا والا شنو؟..........على العموم انا ارشحك تدير هالشغله لان مبين عليك حقاني

 

[KHALIDESSAM]

اخوي انا مستغرب من شي
تطلب عقوبات على الناس وماتراقب ردك على مشاركاتهم

هذا رد منك على احد المشاركات لاحد الاعضاء:


هذا عنوان المشاركة http://www.indexsignal.com/vb/showpost.php?p=1125102&postcount=5

جزاك الله خيراً

 

[bo hamd]

اخوي انا مستغرب من شي
تطلب عقوبات على الناس وماتراقب ردك على مشاركاتهم

هذا رد منك على احد المشاركات لاحد الاعضاء:


هذا عنوان المشاركة http://www.indexsignal.com/vb/showpost.php?p=1125102&postcount=5

اى نعم اخ مينون الله ايعقلك انشاالله
انا رديت هذا الرد تدرى ليش
طاوله الكمبيوتر سعرها 5 دنانير جديده يعنى اذا واحد طالب يشترى مستعمله مثل طلب الاخ بجم تطلع بدينار يجماعه خلونا
نرتقى شويه او نطلب المعقول

 

[minon]

ياخوي الريال كفه حتى لو طلب كلينكس مستعمل
حر بطلبه
يمكن قصده بطاوله قيمتها اكثر من 50دك
اخوي في طاولات توصل اكثر من 75دك
وفي طاولات ب5دك مثل ماتقول
يمكن الريال قصده طاوله كبيره وغاليه
كل واحد وكيفه
او يمكن يبي الطاوله الي ب5دك يبي يستعمل الخشب الي فيها بحرقه كيفه يا اخي
الله يعقل الجميع ان شاءالله وخصوصا الي يردون بطريقه تضايق الناس
واذا تبي نرتقي شوي بطلباتنا بالاول خل نرتقي باسلوبنا
والله يهدي الجميع ان شاءالله
وبالتوفيق

 

[tefut_fata]

ولله خوش فكره صح لسانك بو حمد