شنو افضل نادي صحي بالكويت

[كناري الاسهم]

يا جماعه ودي اشترك بنادي صحي
بس ودي بشي حلو ومستوى
شرايكم ويين؟؟​

 

[حكيم زمانه]

لا اعلم بس لو تذكر مكان سكنك عشان يختارون لك مكان قريب من بيتكم

 

[nabhaan79]

كل النوادي زينه هالأيام .

بس شوفلك نادي أجهزته جديده وكبير واللي فيه مو أطفال . ولا تدش نادي يرفع صوت المسجل ترى الهدوء بالنادي شي مطلوب .

وأهم شرط شوفلك نادي يم بيتكم عشان ما تتكيسل عن الروحه .

 

[كناري الاسهم]

ما عندي مشكله اذا كان النادي بالديره(المناطق الداخليه) او السالميه

 

[الشامري]

السلام عليكم ورحمة الله وبركاته

أخوي ... أتوقع بلاتينيوم كيفان يناسب احتياجاتك أو أكسجين في العديلية

بس أكسجين زحمة (يعي إذا فاقد لك واحد راح تلاقيه هناك في الغالب)

لكن إذا تبي Hardcore Bodybuilding بمعنى تبي تنحت جسمك وتدق حديد صح فما راح يفرق معاك المكان المهم تكون الأجهزة صح

.............................................

نصيحة من الحين:

ابتعد عن الهرمونات والخرابيط إللي يسوقونها

إذا كنت مضطر تاخذ مكملات غذائية راجع الطبيب قبل أي خطوة حتى لو كانت مكملات غذائية طبيعية أو فيتامينات


أهم شي تنظم أكلك و نومك علشان تعطي أفضل أداء في التمرين صدقني راح تفرق معاك إذا إنت تنام صح وتاكل صح

 

[بونواف]

ياهلا اخوي انا النوادي الي اعرفهم كلها كبلز يعني اختلاط وفخمين من ناحيه الاجهزه والمكان:

_فندق كراون بلازا الفروانيه اشتراكه لمده18 شهر يطلع عليك 200 تقريبا
يعني بشهر11 دينار

_فندق شاطي النخيل الي قبال سلوي اشتراكهم السنوي 570 دين

 

[كناري الاسهم]

السلام عليكم ورحمة الله وبركاته

أخوي ... أتوقع بلاتينيوم كيفان يناسب احتياجاتك أو أكسجين في العديلية

بس أكسجين زحمة (يعي إذا فاقد لك واحد راح تلاقيه هناك في الغالب)

لكن إذا تبي Hardcore Bodybuilding بمعنى تبي تنحت جسمك وتدق حديد صح فما راح يفرق معاك المكان المهم تكون الأجهزة صح

.............................................

نصيحة من الحين:

ابتعد عن الهرمونات والخرابيط إللي يسوقونها

إذا كنت مضطر تاخذ مكملات غذائية راجع الطبيب قبل أي خطوة حتى لو كانت مكملات غذائية طبيعية أو فيتامينات


أهم شي تنظم أكلك و نومك علشان تعطي أفضل أداء في التمرين صدقني راح تفرق معاك إذا إنت تنام صح وتاكل صح

يعطيك العافيه اخوي وما قصرت على النصايح
زين شرايك بنادي منتجع النخيل او نادي كراون بلازا او النادي اللي يم سوق شرق؟؟

 

[الشامري]

يعطيك العافيه اخوي وما قصرت على النصايح
زين شرايك بنادي منتجع النخيل او نادي كراون بلازا او النادي اللي يم سوق شرق؟؟

الله يعافيك

نادي منتجع النخيل ما أعرف عنه أي شي

كراون بلازا زوين وسعره مناسب ومعداته تمشي الحال نوعا ما لكنه نادي مختلط لذلك لن أنصحك به

أما النادي إللي يم سوق شرق (إليزيوم إذا ما خانتني الذاكرة) فأذكر إني شفته أول ما فتح
في ذلك الوقت ما كان فيه معدات رياضية غير أجهزة المشي والقاري بالإضافة إلى مسبح (يوم للرجال ويوم للنساء) كذلك الجكوزي والسونا وهالأمور

النادي كان شبه مختلط في ذلك الوقت يعني في قسم للنساء وقسم للرجال لكن الاستقبال واحد والمسبح يوم بيوم

إذا هو على خبري فما يسوى بالمرة


.......................................

صدقني إذا تبي شي متكامل (رياضة + وناسة) عندك بلاتينيوم كيفان وأكسجين في العديلية

وأرشح الأول لأن الزحمة فيه أقل

إلا إذا في أندية ثانية ما أدري عنها فيها مواصفات أحسن، فهذا شي ثاني

والله يوفقك

 

[الفيلكاوي_80]

يا جماعه ودي اشترك بنادي صحي
بس ودي بشي حلو ومستوى
شرايكم ويين؟؟​

السلام عليكم

الله يعطيك العافيه ولد عمي

والله من تجربه شخصيه (( نادي جمعية الاصلاح )) إلي بالروضه . مكان هادي و نظيف و كل الناس إلي فيه محترمين و خلوقين

و ما فيه أغاني و صيحه و لويه

الله يحفظك من كل شر

 

[ابوعامر]

نادي القمم بالفحيحيل بالنادي نفسه حق الفحيحيل

 

[Q8 Stock]

كل النوادي زينه هالأيام .

بس شوفلك نادي أجهزته جديده وكبير واللي فيه مو أطفال . ولا تدش نادي يرفع صوت المسجل ترى الهدوء بالنادي شي مطلوب .

وأهم شرط شوفلك نادي يم بيتكم عشان ما تتكيسل عن الروحه .

ايه اخوي اهم شي الهدوء
اتذكر كنت مشترك في نادي
وكله متهاوش ويا المدربين
يرفع الصوت بطريقة مزعجه جدا
او يجيك جاهل يرفع الصوت بس جذي
خمس دقايق ويطلع....!!!!

شوف النادي وتفحصه عدل قبل لا تشترك

اهم شي يكون متابع وياك مدرب
علشان تمشي صح وابتعد عن السوالف الجانبيه
علشان لا ياخذ وقت كثير النادي ويضيع المجهود

وركز على التسخين قبل اي شي


بالتوفيق

 

[نجم الراية]

انصحك اشترك شهر بس
وقرر بتروح وعزيمتك قوية للنادي وإلا مليت

واحكم علي النادي وعلي نفسك بتواضب علي النادي وإلا بس فزة

حتي لو إشتراك شهر ----------30 او 40 او حتي 60 دينار------------اشترك لو كان بالسنة 200


مجرد راي ---- وتجربة شخصية

 

[boyousif]

انا جربت نادي اوكسجين كنت اروحله الصبح قمه الهدوء والراحه

 

[كناري الاسهم]

يعطيكم العافيه جميعا
والله من كلامكم يعني احسن شي بلاتينيوم كيفان
وشكلي بتوكل على الله واشترك فيه

 

[fesalll]

للرفع ياشباب هم انا محتاج نادي

نبي نادي يرفع المعنويات

 

[ريّس نفسه]

للرفع ياشباب هم انا محتاج نادي

نبي نادي يرفع المعنويات

ما راح تلقى نادي يرفع معنوياتك ... معنوياتك محد يرفعها غيرك انت

 

[master_111]

نادي اوكسجين العديليه الصراحه ممتاز ،

و عندك بلاتينيوم كيفان ، الحين الجديد بلاتينيوم عالبحر قبال الاميري

 

[zoya_y]

ممممم بلاتينوم >>> والله كله حلو من برا


نادي راس السالميه سامعه انه اجهزته وايد زينه واشتراكه رخيص :d
ممممممممممممم

 

[dcnaq]

شوف حجي تبي تضبط جسمك ؟!

اول شي انت ضعيف ولا متين ؟!

 

[dcnaq]

ممممم بلاتينوم >>> والله كله حلو من برا


نادي راس السالميه سامعه انه اجهزته وايد زينه واشتراكه رخيص :d
ممممممممممممم

نادي راس السالميه انا فيه وفيه مدرب اسمه رضا القبندي هذا خصوصي

بس مدرب يعلمك صح يعني يخليك تلعب صح ويتابعك ويصارخ عليك

ويقعد فوق راسك صج مدرب بمعنى الكلمه مدرب ...!