موضوع مؤقت.......اشلون اخذ حقي من الاوسط ؟؟؟

[PAC_3]

السلام عليكم

اليوم طلبت سهم الصفاة على سعر 650 من بداية السوق

الساعه 9.30 تم تنشيط الامر

والساعه 10 تم البيع والعرض على سعر 650

والمفروض انهم عطوني

والان اتفاجأ ان لم يتم الشراء على سعر 650 وتم الغاء الامر !!!
لماذا ::verymad::

وقمت الاتصال بالموظف الاوسط

ورد الموظف ( والله ما ادري شنو اقولك ...لم يتم الشراء ..ليش ...ما ادري )

الحين اشلون اخذ حقي من الاوسط؟؟؟

ضيعوا علي رزقي

راجيا من اعضاء المؤشر نت مساعدتي بأيجاد الحل ​

 

[ولد متيره]

الله يعينك

الاوسط هذيل مصيبة ذاك اليوم حاجزين على حسابي بالبنك بسبب

غلط منهم خدمة سيئة جدا بس لو نعرف مكان احسن جان رحت

والله يعينك والمشكلة ناس ماعندهم مسؤل مليون واحد يطلعلك

 

[UNIX]

لا تاخذ حقك و لا ياخذون حقهم... صك حسابك معاهم و اذا عندك أسهم خذ شهادة تحويل ملكية و افتح عند كفيك-الوطني أو بيتك للتداول اذا تبي اسلامي، و انعم بالخدمة الزينة مجاناً

 

[حبيبكم]

للعلم يا شباب ....
غالبية الوسطاء عن طريق برامج الانترنت داخلة في المضاربات في السوق و اذا حسو انهم يمكن ما يحصلون اللي يبونه من صفقات تلاقيهم يوقفون الخدمة بشكل مؤقت لين يتمون صفقاتهم و بعدين يعطونك المجال تلقط وراهم ، و اذا دقيت عليهم و اشتكيت من عطل في الخدمة قاموا يقطون الوم على خلل فني أو على نظام البورصه و يقولون الخلل مو من عندنا.
واذا دققت بالعقد اللي موقعه انت معاهم راح تلاقي انهم مو معطينك مجال للمطالبه بحقوقك بالمرة.
هذولي شياطين .... ولعلمك أن فلوسك الكاش اللي مخولهم فيها ترى يضاربون فيها بالاسواق الثانيه في الفترات اللي ما تكون انت تستخدمها. ولا علبالك حاطين هالخدمة علشان سواد عيونا.

انا ما أقول إلا ... الله يعوض عليك ... و اعلم انه لو كان رزقك كان جاك بس تراه مو مقسوم لك
و الله يعوض على كل من خسر و يبارك لكل من ربح

تحياتي

 

[AL.MOUSAWI]

عسى أن تكرهوا شيئا وهو خيرا لكم ،،،، لا تتضايق عزيزي بكرة ان شاء الله تاخذها 640 ، 630 ، السهم يومين مرتفع باجر احتمال جني أرباح ، ومالك إلا رزقك ، مكتوب لك يأتيك غصب طيب ، أما سالفة الشرق الأوسط فحدث ولا حرج حاله حال باقي شركات المداولة الألكترونية ، بالتوفيق حبيب قلبي

 

[ميكانيكي]

دورلك شركه جديده عندها تداول الكتروني ما عليها ضغط

 

[nasy]

اذا كان الشاري والبايع من نفس مكتب الوساطه ما تتم الصفقه

 

[tegretol]

ياجماعه خلكم شرعيين ووخروا عن هالبنوك الربويه
وحاسبوا أنفسكم قبل أن تحاسبوا


على العموم أنا أنصح الجميع بفتح حساب عند شركه المثنى مالت بيت التمويل
وانتو أصحاب القرار

 

[al7mly]

الله يعينك

انا شفت حركة السهم اليوم فعلا عطي اوامر الطلبات 650 فلس عند الساعه 10 ونص

عندهم تاخير في عمليه ارسال الاوامر خاصه اذا السوق كان شغال

يتاخر الطلب لمده نص ساعه تقريبا وخاصه الاسهم اللي عليها لود واوامر كثيره وتتغير بسرعه

وهالمشكله حصلت معاي قبل يفتح السوق كنت طالب سهم علي سعر وعطانياه علي سعر اقل بتكه حسب المعروض

 

[ضحية المخازن]

ياجماعه خلكم شرعيين ووخروا عن هالبنوك الربويه
وحاسبوا أنفسكم قبل أن تحاسبوا


على العموم أنا أنصح الجميع بفتح حساب عند شركه المثنى مالت بيت التمويل
وانتو أصحاب القرار

اثني على كلامك اخوي وجزاك الله خير على النصيحة

 

[طوارق ذ م م]

للحينهم على حالهم هذاماتغيروا
!!!!!!!!!!!!!!!!!!!!!!!!
دق على مديرهم خالدكرم
ومايقصر معاكم

 

[المحبوب2]

ياجماعه خلكم شرعيين ووخروا عن هالبنوك الربويه
وحاسبوا أنفسكم قبل أن تحاسبوا


على العموم أنا أنصح الجميع بفتح حساب عند شركه المثنى مالت بيت التمويل
وانتو أصحاب القرار

لمثني هم دايخين انا مره دقي عليهم ربع عه وهم حاطين رساله صوتيه بيتك للتداول وانت رايح

 

[al_7ooooooooot]

انا اقول
هدك من الاوسط
انا اتعامل ويه شركة الخليج
وخوش موقع مالهم وخوش تداول و ولا مره الحمدالله صارت معاي مشكله
وكل شي تمام وسهل وما يبيله شي