يا جماعة ممكن واحد من اهل الخبرة يشرحلنا زيادة راس المال

الموضوع في 'السوق الكويتي للأوراق الماليه' بواسطة سنيوري, بتاريخ ‏1 ابريل 2008.

  1. سنيوري

    سنيوري عضو جديد

    التسجيل:
    ‏15 سبتمبر 2005
    المشاركات:
    87
    عدد الإعجابات:
    0
    بصراحة هالشغلة وايد معقدتني
    يعني شركات تزيد راس مالها وتستدعي الزيادة وتمر فترة طويلة قبل لا يضيفون الزيادة على راس المال وهم بحسبة الارباح مايدخلون الزيادة لم يعلنون عن ارباحهم
    مثال
    الوطني اخد الزيادة من شهر11 وللحين مااحتسبت من ضمن راس المال حتى اسهم المنحة دشت راس المال والزيادة لا
    حسب تقارير الشركات بالصحف وحسب سايت البورصة ولو انه ماعليه اعتماد
    بعدين حتى لما كان يعلن ارباحه ما كان يحتسب اسهم الزيادة واعلان الربع الاول جاي بالطريق واعتقد ماراح تدخل فيه الزيادة

    طبعا انا حاط الوطني كمثال والامر ينطبق على زين في الزيادات السابقة وبيتك ونور وغيرهم

    بعدين هل اسهم الزيادة تستحق ارباح يعني اللي اكتتب بالوطني اخذ منحة ونقدي على اسهم الزيادة ولا بس على اسهمه الاصلية


    واخر شي عندي تعليق بسيط
    الشركات مسوين موضة السنه كلهم الزينه والمترديه والنطيحة كلهم مسوين زيادات راس مال الظاهر بعد ما افلسو من الادراجات وعدم وجود اكتتابات يبون يستغلون الفرصة ويسحبون السيولة الموجودة عند الناس
     
  2. al_7ooooooooot

    al_7ooooooooot عضو جديد

    التسجيل:
    ‏17 نوفمبر 2007
    المشاركات:
    853
    عدد الإعجابات:
    1
    مكان الإقامة:
    الكويت
    يا ريت احد يفيد الاخ
    ويفيدنا بعد بطريقة تفسيخ السهم اشلون تصير واذا كان الشركه عندها زيادة راس المال ياريت الاخوان المشرفين والمحللين يوضح لنا هل شي
    اذا شركه عندها زيادة راس مال و فسخت السهم
    وشكراً:)
     
  3. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    بإختصار عشان يوهمون نفسهم والعالم إن ارباحهم زينه بغض النظر عن النمو تقدر تقول عنه مرض نفسي

    وبخصوص الارباح حسب طريقة اقرارها والدارج عندنا لا تستحق على زيادة رأس المال الجديد
     
  4. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2

    صباح الخير

    اسهم زيادة راس المال لا تستحق الدخول فى حسبة الارباح لتغير راس المال

    والهدف من زيادة رؤس الاموال توفير سيوله للشركه

    وتقليل تكلفة السهم على اصحاب السهم

    يعنى باختصار محفظه شاريه سهم بسعر مرتفع وتبى اتقلل تكلفة السهم عليها

    تطلب زيادة راس مال
     
  5. سنيوري

    سنيوري عضو جديد

    التسجيل:
    ‏15 سبتمبر 2005
    المشاركات:
    87
    عدد الإعجابات:
    0
    شكرا للاخوان اللي ردو علي وبانتظار المزيد من الايضاح للاستفادة للجميع انشالله