شرايكم بهالحل المثالي لمشكلة الإسكان؟

[سايق الخير74]

[/url [url=http://www.0zz0.com] [/url url=http://www.0zz0.com] يشيلون المطار يودونه منطقه بعيده ويسوون مكانه 14 منطقه سكنيه ! تهقون جم يصير سعر البيت اذا صارت؟ للأمانه هالصور واصلتني بالايميل ونقلتها لكم والشكر موصول لصاحب الفكره اولا ولأخوي ياسر الروقي ثانيا اللي علمني نقل الصور ويستاهل ارض بهالمشروع بطن وظهر وعالمدرج .

 

[كاتب_متقاعد]

شكرا على المشاركه المفيده

 

[خبير النفط]

الجزء الجنوبى من جنوب السره + الجابريه المقلوبه + مبارك الكبير + القصور + العدان منطقه ابار نفط ما تتنازل عنها شركه نفط الكويت

 

[خبير النفط]

البديل مدن خارجيه متكامله ليش نزيد الكثافه دائما فى نفس الرقعه علشان الزحمه !

 

[سايق الخير74]

شكرا على المشاركه المفيده

العفو اخوي

 

[سايق الخير74]

البديل مدن خارجيه متكامله ليش نزيد الكثافه دائما فى نفس الرقعه علشان الزحمه !

اذا خلصلت المدن الخارجيه وتم توزيعها راح يرجعون الى التثمين و انشاء مدن داخليه مثل هالمشروع وغيره حق ناس معينه بس عقب مايفتكون من الفقارى عالحدود بتشوف القرارات وبتشوف العجب لانه بالنهايه مساحة الكويت محدوده ولازم تكون في افكار لإنشاء مدن جديده وصدقني اخوي مو رايحه عن بالهم بس خاشينها ( للزمن) وخير مثال الإحتكار الشديييد لمنطقة الصديق.

 

[s man]

فاشل المشروع لانهم ماراح يعرفون يبوقون فيه

وبعدين الشركة اللى ماخذة المطار ماطلعت فلوسها بعد ...

 

[abualbanen]

صعبه! إذا أردت أن تطاع فاطلب المستطاع!

 

[INFINITI]

انا اقول يسوون الكويت طبقات
مشكور اخوي على النقل
عاش

 

[Night-Arrows]

على راسي يا سايق الخير فكره ممتازه

 

[ولد البورصه]

من باجر ارح اكلم وزير الاسكان عشان التنسيق مع شركة نفط الكويت والبلديه وعهد الابحاث

بس يقولك هالارض كلها نفط مايسير وووووووووصعب

منطقه القيروان(جنوب الدوحه) كنسلو مايقارب 300قسيمه لانها مقامه على بير نفط
والمشكله ان 300قسيمه معمول لهم بنية تحتيه ومتخسره الدوله فيها فوق12مليون

ديره بطيخ وكل يوم قرار

 

[Night-Arrows]

من باجر ارح اكلم وزير الاسكان عشان التنسيق مع شركة نفط الكويت والبلديه وعهد الابحاث

بس يقولك هالارض كلها نفط مايسير وووووووووصعب

منطقه القيروان(جنوب الدوحه) كنسلو مايقارب 300قسيمه لانها مقامه على بير نفط
والمشكله ان 300قسيمه معمول لهم بنية تحتيه ومتخسره الدوله فيها فوق12مليون

ديره بطيخ وكل يوم قرار

على فكره الكويت اكثر من 90 % فيها نفط مدينه الكويت تحتها نفط بكميات كبيره جزيره بوبيان فيها نفط او غاز بكميات كبيره يعني ننسى توفير اراضي بالمستقبل

 

[سايق الخير74]

على راسي يا سايق الخير فكره ممتازه

يسلم راسك يالغالي ماقصرت

 

[سايق الخير74]

من باجر ارح اكلم وزير الاسكان عشان التنسيق مع شركة نفط الكويت والبلديه وعهد الابحاث

بس يقولك هالارض كلها نفط مايسير وووووووووصعب

منطقه القيروان(جنوب الدوحه) كنسلو مايقارب 300قسيمه لانها مقامه على بير نفط
والمشكله ان 300قسيمه معمول لهم بنية تحتيه ومتخسره الدوله فيها فوق12مليون

ديره بطيخ وكل يوم قرار

صح لسانك ولد البورصه وياليت يقطون المطار بالمناطق الحدوديه ويفكونا والله حرام ياجماعه شفتو بعينكم جم منطقه ممكن تصير مكانه وعلى طاري اراضي نفطيه تدري انهم الحين بكبرون المطار بسوون واحد ضخم يعني ماستافدو من النفط اللي تحتها ولو يحطون بيوت ابرك لأنه في مناطق بديله تناسب المطار وشكرا لمشاركتك