استفسار عن اي شركة للبريد

[ابواللطف]

السلام عليكم ورحمة الله وبركاته
اخواني عندي استفسار انا ابي اشتري من بعض مواقع الانترنت فيطلبون مني رقم الصندوق البريدي والرمز البريدي
رحت للبريد اللي في منطقتنا يقولون لي فل الصناديق انطر لحد ما احد فيهم يكنسل صندوقه
فشنو الحل الدي اج ال يعطوني عنوان صندوق دائم لي وكم اشتراكهم؟

 

[أحمد ظاهر]

حياك الله اخي الحبيب

للاسف الخدمة اللي تطلبها مو موجودة غير عند شركة ارامكس .. هذه الخدمة يسموها Shop and Ship .. تسوق وتسلم

اشتراها يدفع مرة وحدة فقط وقيمته 11 دينار الا ربع فقط .. اتصل فيهم وافهم منهم كل شي .. رقمهم 820011 ..

انا مشترك معاهم واذا تبي اي خدمة انا حاضر من عيوني

 

[ابواللطف]

مشكور اخوي على الرد
هل يعطونك عنوان خاص فيك؟

 

[cc555]

عندك شركة الصوان ushopweship احسن وارخص من ارامكس مكانهم بالري مقابل سنتر بوينت
يعطيك 3 صناديق في امريكا وبريطانيا ودبي
رسوم الصندوق ب7 دنانير على ماعتقد
اول نص كيلو دينارين ونص وكل نص كيلو زيادة دينار و750 فلس
ويعطونك خصم 2 بالمية عند الدفع المبكر والدفع يكون عن طريق الكي نت او الفيزا سواء بفتح الصندوق او دفع رسوم الشحن
واذا تبي تطلب شغلات غالية مثل اللابتوب واي شي الكتروني قيمته اكثر من 100 دينار اطلبه عن طريق البريد الممتاز عشان ما تتمرمط بجمارك المطار وتدفع كل اللي بجيبك
وطبعا يلزملك فيزا انترنت من البنك الوطني او بوبيان وكلهم ما يشترطون شهادة راتب

 

[أحمد ظاهر]

مشكور اخوي على الرد
هل يعطونك عنوان خاص فيك؟

نعم صحيح اخي الكريم .. يعطونك عنوان في امريكا وفي بريطانيا ..

 

[أحمد ظاهر]

عندك شركة الصوان ushopweship احسن وارخص من ارامكس مكانهم بالري مقابل سنتر بوينت
يعطيك 3 صناديق في امريكا وبريطانيا ودبي
رسوم الصندوق ب7 دنانير على ماعتقد
اول نص كيلو دينارين ونص وكل نص كيلو زيادة دينار و750 فلس
ويعطونك خصم 2 بالمية عند الدفع المبكر والدفع يكون عن طريق الكي نت او الفيزا سواء بفتح الصندوق او دفع رسوم الشحن
واذا تبي تطلب شغلات غالية مثل اللابتوب واي شي الكتروني قيمته اكثر من 100 دينار اطلبه عن طريق البريد الممتاز عشان ما تتمرمط بجمارك المطار وتدفع كل اللي بجيبك
وطبعا يلزملك فيزا انترنت من البنك الوطني او بوبيان وكلهم ما يشترطون شهادة راتب

اخي الحبيب ممكن تعطينا رقم تلفونهم؟ .. واذا انت مشترك معاهم هل انت مرتاح معاهم، بمعنى هل اعترضتك معاهم مشاكل؟

 

[cc555]

اخي الحبيب ممكن تعطينا رقم تلفونهم؟ .. واذا انت مشترك معاهم هل انت مرتاح معاهم، بمعنى هل اعترضتك معاهم مشاكل؟

4724672
هذا رقمهم وانا عن نفسي مرتاح وايد معاهم وخدمة العملاء بسرعه يردون عليك وماعليهم زحمه مثلا انا اشتري اغراض من امريكا توصلني خلال اسبوع وبريطانيا اقل من اسبوع
بس عيبهم خدمة العملاء مالهم ما يتكلمون عربي وخدمة تتبع الشحنة غير متوفرة
واذا تبي تشترك وانت قاعد بالبيت دش على هالموقع وسجل بياناتك وعنوانك
http://www.ushopweship.com/mailbox/registration/per_reg.aspx
والدفع يكون عن طريق الفيزا او بطاقة بنك الكويت الوطني

 

[أحمد ظاهر]

بصراحة انا مشترك في ارامكس وماني مرتاح معاهم وحاولت الاقي شركة ثانية تقدم نفس خمة ارامكس وما لقيت!! .. فاستغربت لما تفضلت وقلت عن هالشركة .. فإذا ممكن تعطيني ايميلك حق المسنجر حتى استفهم منك عن كل شي قبل ما اشترك معاهم

 

[cc555]

راجع الخاص

 

[Abdulla990]

انا اشتركت عند ushopweship قبل كم شهر بس ما جربت خدمتهم
لكن لاحظت شي
اللي يرد على العملاء موظفة هندية تتكلم انجليزي مكسر (لغة انجليزية بلكنة هندية) و في البداية تكون مؤدبة و متعاونة مع اللي يتصل و تحاول تقنعه يشترك
و لما تدفع الفلوس و تتصل علشان تستفسر عن شي تشوف النفس صارت خايسه و المعاملة زفت ههههههههههههه
(بعد ما ياخذون منك الفلوس طبعاً)
هذا للتنبيه و التحذير لكن للأمانة انا الى الحين ما جربت خدمة الشحن و الاستلام عن طريقهم

فيه شي ثاني
موضوع الخصم عند الدفع ببطاقات الائتمان في موقعهم هذا شيله من حساباتك لأن موقعهم فيه خلل برمجي و لا يمكن الدفع من خلاله
يعني الدفع كاش و راح يرسلون لك سواقهم الهندي ياخذ منك الفلوس و بعد الدفع تشوف المعاملة الحلوة

 

[cc555]

انا اشتركت عند ushopweship قبل كم شهر بس ما جربت خدمتهم
لكن لاحظت شي
اللي يرد على العملاء موظفة هندية تتكلم انجليزي مكسر (لغة انجليزية بلكنة هندية) و في البداية تكون مؤدبة و متعاونة مع اللي يتصل و تحاول تقنعه يشترك
و لما تدفع الفلوس و تتصل علشان تستفسر عن شي تشوف النفس صارت خايسه و المعاملة زفت ههههههههههههه
(بعد ما ياخذون منك الفلوس طبعاً)
هذا للتنبيه و التحذير لكن للأمانة انا الى الحين ما جربت خدمة الشحن و الاستلام عن طريقهم

فيه شي ثاني
موضوع الخصم عند الدفع ببطاقات الائتمان في موقعهم هذا شيله من حساباتك لأن موقعهم فيه خلل برمجي و لا يمكن الدفع من خلاله
يعني الدفع كاش و راح يرسلون لك سواقهم الهندي ياخذ منك الفلوس و بعد الدفع تشوف المعاملة الحلوة

اخوي مادري من وين يبت الحجي
انا كله ادفع بالفيزا وما واجهت مشاكل بالخلل البرمجي على قولتك وطبعا المراسلات مع خدمة العملاء تكون بالايميل مو بالتلفون
والدفع بالكاش يكون اكثر من الدفع بالفيزا يعني لو قيمولك وزن الشحنة وصار ب6 دنانير مثلا تدفع 6 دنانير كاش والفيزا مع الخصم يصير 5.650
طبعا الدفع بالفيزا يكون على متصفح الاكسبلورر فقط! مو الفايرفوكس عشان جذي تواجه خلل بالدفع
عالعموم اشوف هالشركة احسن الاسوأ
ومن هالمنطلق اذا بتطلب شي كبير وقيمته عالية مثل لابتوب او قطع كمبيوتر انصحك بالبريد الممتاز احسن منهم كلهم
طبعا يكون الطلب عن طريق الايباي ومن بائعين مشهورين

 

[Abdulla990]

الكلام اللي قلته هو من تجربتي مع شركتهم
و بوابة الدفع الإلكتروني في موقعهم كانت عطلانة فعلاً (باعتراف موظفتهم) لكن يمكن صلحوها لأن سالفتي معاهم صار لها كم شهر ,,, هذا غير المشاكل اللي صارت على تغيير الباسوورد بسبب الأعطال في موقعهم (ايضا باعتراف موظفتهم بوجود هذا الخلل)

لكن موضوع الايميل هذا نكتة فعلا ,,, انت تتكلم من صجك؟
اذا كانت الشركة بالكويت و انا بالكويت ليش ما اتفاهم معاهم بالتلفون؟؟؟؟
الايميل يصلح للشركات اللي في الخارج علشان نوفر فلوس المكالمات الدولية مو للشركات اللي عندنا

 

[أحمد ظاهر]

بالنيابة عن اخونا صاحب الموضوع وبالاصالة عن نفسي اشكركم جميعا شكرا جزيلا

انا عن نفسي بصراحة لو كان الشركة هاي اسوأ شركة بالعالم، رح اشترك فيها .. لأني بصراحة عانيت كثير مع شركة أرامكس اللي كنت اتوقع انها محتكرة هذه الخدمة!! .. بصراحة نظام شركة ارامكس اغبى نظام شركة بالعالم وانتم بكرامة .. الاسباب كثيرة ولو فتحت بدأت الحديث عن غباءهم يبي لي صفحات

ويا ليت يا شباب اللي عنده اي معلومة او شركة ثانية يفيدنا من خبرته وجزاكم الله كل خير جميعا

وختاما اشكر اخوي cc555 لهذه المعلومات .. وشكرا ايضا على ايميلك اللي وصلني وانا ضفتك وان شاء الله نتحدث باستفاضة

 

[cc555]

انزين اخوي انا اتعامل معاهم بالايميل لاني الصراحة ما افهم لهم لما اكلمهم بالتلفون
اذا كلمتني الموظفة اقولها عيدي الحجي اللي قلتيه مرة ثانية وثالثة!
والصراحة عن نفسي ما واجهت مشاكل نهائيا حتى اني مرة دفعت رسوم الشحن وانا بره الكويت وتلقيت منهم ايميل بتأكيد الدفع