@@ لو كنت صانع سوق سهم معين كيف تتصرف @@

[باش مهندس]

لو كنت صانع سوق عندى خيارين يا أسوى نفس طريقة البحر والخيار الثانى الشربينى يعجبني شغلهم على اسهمهم تحس انهم محترفين بس لايصيدونك

نعم يا خويا !!!

لو عندك 10 ملايين دينار
وتختارلك سهم ... تلعب فيه لعب
ما فيها احتراف اخوي ...

يا تدوس على السهم بريلك ... يا ترفسه فوووووووووووووووووووووووووق
والصغار ياكلونها

 

[Nagooshy]

خوش موضوع

لو كنت صانع سوق اممم

اسوي مثل ما يسوي صانع سوق نبراس

وقت التجميع....ازيد العرض
ووقت التصريف...ازيد الطلب واصرف على المعروض

وشكراا

 

[السور]

والله يا اخوان اللى اشوفه ان شغل الشربينى كله بوق ببوق ولة اشمعناة انه يشترى على سعر 265 ويرفع السهم الى 280 وبعدين فجاة يبيع كميات اكثر من اللى اشترها تحت باختصار انه يشترى حغ نفسه ويعرض فوق وبس يأخذ كميته ينزل علشان يشترى مرة ثانية ويكرر العملية باجر ينحاش من المدينة واكتتاب مثل مانحاش من المجموعة وجراند وتبط الاسهم !!

 

[مراقب الاسهم]

سؤال لوجستي ذكي

برااااااااااافوا عليك ميكانيكي

اتبع نظام (((النظريه العكسيه )))

ابيع او اصرف والسهم معلق طلب بدون عرض

واشتري والسهم نااااااازل بالحد الادنى عرض بلا طلب الشروط:-

1- مايسمى (((بطابور خباز)))) وهذي لاتصلح الا في بورصه ضايعه لارقابه وقوانينا مخترقه ((مثل سوقتنا وطريقه اقفال المؤشر والاسهم فيه ))

2-- مستثمرون طماعين حتى لو يكونون محترفين تحليل فني واذكياء جدا ماتفرق معاي (((اوقعهم بالفخ)))


3- منتدى مشهور جدا مثل منتدانا او النوادي وفيه محللين فنيين

4- صحافه مأجوره لاذمه ولاضمير تفتقد المهنيه والموضوعيه ((مثل 85% من صحفنا اليوميه))

الطريقه :-

نكمل في ما بعد .....

الطريقه اللي اقصدها مطبقه الن على ارض الواقع

شوفواااااااااا سهم ((((منا القابضه )))) ترا معلق
بس تصريف

اللي يبي يكسب خبره يتابع السهم جيدا

 

[UNIX]

لو كنت تريدر لى سهم معين، أوقف المضاربات و أوفر الأسهم للمشترين بالأسعار العادلة على حسب الطلب و العرض و ما أتدخل بترفيع السهم، و لكن أدعم السهم عند النزول اذا شفت نزوله غير مبرر

 

[Q8 Stock]

أشتري منكم برخيص

وبيع عليكم بالعالي :d :d :d

 

[UNIX]

أشتري منكم برخيص

وبيع عليكم بالعالي :d :d :d

كأني أشم رائحة جاسم البحر

 

[ميكانيكي]

ابي واحد ماخذ السالفه جد ماكو

 

[UNIX]

ابي واحد ماخذ السالفه جد ماكو

شوف مشاركتي الأصلية

بس ليش فنجرت نبروسيس ؟ مو عيب

 

[Q8 Stock]

كأني أشم رائحة جاسم البحر

راح يكون ارحم مني

 

[طايح عليهم]

بصراحه خوش موضوع يا ميكا
بالنسبه لي لو انا صانع سوق اول شي ألم على راحة راحتي شهر شهرين مايهم دام فيها ضربه
بعدين ياطويل العمر اصعد بالسهم شوي شوي كل يوم تكه بدون لحد يحس
مثلا السهم 300 اسكره 305 وثاني يوم اطلب 300 والم ب 305 لأنه ماراح يبين انه صاعد واخر السوق اشيل المعروض ب 305 واسكره 310 وهكذا اكون عاد مزهبلي عقد او صفقه حتى لو جذب يعني مثلا : مذكرة تفاهم بجم مليار مثل البدر كل يوم مذكره بالسودان وبالصومال وأطلع بالخبر جوووود قبلها بيومين مصعد السهم صعده أم 15 فلس شغل زخم وأطلع بالمذكره القمبله وأشتغل تصريحات وطلب قوي حد أعلى واعلق السهم اخر السوق طبعا اكون حاطلهم خوش كميات والباجي اشيلهم واييك من باجر اطلب واقط واطلب وأقط والفقاره الحبربش اللي مسوين روحهم تياااار يشيلون وانا وأعطيهم على مخهم وحدي حدي متشقق من الضحك وقبل لا يسكر السوق جووود أنا حاجز حقي وحق المدام واليهال حق باريس , لندن, جنيف خل اليهال يستانسون تدري والمدام تبي جناط بعد
وهذي السالفه وخلوا الأسهم عندكم لما أرجع أشتغل تصريحات انه ألأرباح هالسنه خياليه وغير مسبوقه
وحياكم الله يالتياااار