بدلات بيت التمويل

[abuffaisal]

شلونكم شباب اللي عنده فكره كم رواتب بيت التمويل الكويتي
وماهي البدلات والحوافز
وطبيعة العمل
وهل تنصح بالعمل فيه
وشلون طريقة التوظيف فيه ((((يعني لازم واسطة او مو لازم)))
شهادتي دورات خاصة لمدة سنتين ونص تخصص تحصيل ايرادات
ودورة فني تبريد وتكييف مدتها 9 شهور من المعاهد الخاصة ودورات تثقيفية كل منها لمدة خمس ايام

وشكرا للجميع .

 

[عاشق سدني]

والله ياخوي انا اعرف اثنين من الربع كانو في البنوك الربويه بس مرتاحين من ناحية الراتب والشغل
بس طبعا يدرون ان مالهم زقوم وربا والبوق والسرقه اخف عذاب واشرف من الربا عشان جذي حولوا
التمويل طبعا الاول شهادته خريج اداب انجلش والثاني هندسة كمبيوتر بس توظفو بواسطه كبيره
وبيت التمويل من ناحية الشغل على حسب مكانك ونوع شغلك في اماكن دوام كامل وفي اماكن بس صباحي يعني انت وواسطتك بس الواحد يبي يضمن الحلال وماانصحك في اي بنك ثاني حتى لو كان الراتب اعلى والوضيفه اريح لانه بنهايه ربا ومال حرام وعلى كلام الربع انه حتى روابتهم كانت مافيها بركه من البنوك الربويه الي حولو منها ! بس انصحك تشوفلك واسطه واكبر مثال عندك الوزير المعتوق السابق لم ولده توه تخرج من الجامعه الشريعه سيده وظفه بالتمويل بوضيفة مستشار وراتبته مايقل عن3000
دينار كي دي ماشالله لان واسطه قويه حطه في مكان مستشار الي من شروطه ان يكون حاصل على دكتوراه وخبره 15 سنه !

 

[alakhal]

خل عنك سوالف الشباب الله يهديهم بيت التمويل اقوى معاش وافضل بدلات بالنسبة للموظفين
وهذا كلام احد الربع ببنك بوبيان وهذا طبيعي لانه من زمان شغال والى الان هو اقوى بنك اذا تبي روح يمه يبون كويتيين واذا تروح لبوبيان يمكن تحصل بالنسبة للترقي فرصة اكبر وانت بكيفك اما بالنسبه للاماكن العاليه فخلها ولا تتعب تفكيرك ولكن ماليا ترى احسن من الحكومي ولو استقبلت ما استدبرت لكنت ببنك اسلامي ابرك لي

 

[UNIX]

شلونكم شباب اللي عنده فكره كم رواتب بيت التمويل الكويتي
وماهي البدلات والحوافز
وطبيعة العمل
وهل تنصح بالعمل فيه
وشلون طريقة التوظيف فيه ((((يعني لازم واسطة او مو لازم)))
شهادتي دورات خاصة لمدة سنتين ونص تخصص تحصيل ايرادات
ودورة فني تبريد وتكييف مدتها 9 شهور من المعاهد الخاصة ودورات تثقيفية كل منها لمدة خمس ايام

وشكرا للجميع .

1- الراتب على حسب الشهادة و الخبرة، الجامعي بدون خبره يبدي أساسي 525 دينار.

2- البونص الأساسي يعني تاخذه غصب طيب راتب و نص اّخر السنة.

3- البونص الاضافي تاخذه على حسب أدائك و أداء الادارة، بالغالب راتب واحد أقل شي.

4- طبيعة العمل تختلف من ادارة الى أخرى. شنو تبي وظيفتك؟

5- نعم تحتاج واسطتين: الأولى حسن الظن بالله و الثانية الشهادة و الخبرة.

6- نعم أنصح بالعمل فيه، يكفي انك اذا قعدت بمكتبك تشعر بالراحة بين أخوانك و ربعك

 

[Madridi]

والله ياخوي انا اعرف اثنين من الربع كانو في البنوك الربويه بس مرتاحين من ناحية الراتب والشغل
بس طبعا يدرون ان مالهم زقوم وربا والبوق والسرقه اخف عذاب واشرف من الربا عشان جذي حولوا
التمويل طبعا الاول شهادته خريج اداب انجلش والثاني هندسة كمبيوتر بس توظفو بواسطه كبيره
وبيت التمويل من ناحية الشغل على حسب مكانك ونوع شغلك في اماكن دوام كامل وفي اماكن بس صباحي يعني انت وواسطتك بس الواحد يبي يضمن الحلال وماانصحك في اي بنك ثاني حتى لو كان الراتب اعلى والوضيفه اريح لانه بنهايه ربا ومال حرام وعلى كلام الربع انه حتى روابتهم كانت مافيها بركه من البنوك الربويه الي حولو منها ! بس انصحك تشوفلك واسطه واكبر مثال عندك الوزير المعتوق السابق لم ولده توه تخرج من الجامعه الشريعه سيده وظفه بالتمويل بوضيفة مستشار وراتبته مايقل عن3000
دينار كي دي ماشالله لان واسطه قويه حطه في مكان مستشار الي من شروطه ان يكون حاصل على دكتوراه وخبره 15 سنه !

حبيت أعلق على هالجملة

انا ماأعرف هالشخص

لكن للعلم انه مراقب شرعي أولاً وهالوظيفة مو محتاجة دكتوراه أي شاب حديث التخرج يقدر يتوظف فيها بعد مقابلة الهيئة الشرعية ويوافقون عليه

وبالنسبة لمعاشه صراحة مبالغ فيه وايد وتقدر تسأل موظفين بيت التمويل للتأكد

انا ماراح أقول انه ما ادش بواسطة ولا أدافع عنه لكن لاحقاق الحق

وصلتوه مستشار شرعي ؟؟

 

[عاشق سدني]

اخوي مصدر كلامي من عدة مصادر منهم اشهر المشايخ الي لهم علاقة باالوزير لكن مسمى الوضيفه ماعرفه بالضبط لكن على حسب كلامهم تحتاج شهاده اكبر كدكتوراه او خبره سنوات وان هالوضيفه ليست لحديث التخرج !

 

[Madridi]

اخوي تقدر تدق على بيت التمول وتسألهم علشان تتأكد

تره مو كل شيخ شيخ، أعرف وايد مشايخ ومشهورين لما يطلبون شي وما يتنفذ كأن يشتغلون بمكان أو يتنفذلهم شغلة على طول يطبك فيها ويخيس فيها ويدور فيها ثغرات ويحرمها ويقعد يطلع اشاعات عليها

صراحة ما أدري اهيا على أي مذهب، لكن للعلم وللإضافة انه أغلب المشايخ اذا ما كنت على مذهبهم تروح فيها والمعتوق واحد من الي طايح بين هالمشايخ على حسب معلومات انه صوفي ومشايخ السلف والإخوان طابين فيه


وبالنسبة لوظيفته دق عليهم وتأكد راح يقولوك مراقب شرعي وماتحتاج دكتوراه وأعتقد الولد دارس بره بأمريكا ما أدري وين، يعني على حسب علمي تخصصه بعد

ما يجوز اتهام الناس ظلماً لازم تتبين الصح من الغلط وبعيدن تنشر مو معناها الي نقلك هالكلام عنده لحية يعني كلامه صح


الله يهدين ويهدي الجميع


تقبل مروري

 

[عاشق سدني]

اخويMadridi يعطيك العافيه على التوضيح اما بنسبة للولد احنا مانحسده والله يوفقه يارب
لكن حبيت اقولك ان الواسطه موحرام وجوابي للاخ الي يقول لم سال عن الواسطه قتله نعم وونقلته السالفه هذي وانا بدوري راح اكلم الشيخ وابينله ان كلامه غلط وان اهو مراقب شرعي ومايحتاج خبره ولاشهاده اكبر وناقل الكفر ليس بكافر وشكر للتوضيح

 

[hassankoc]

تقريبا700

 

[ياسر الروقي]

اول مشاركه لك من 2005 شىء غريب

 

[Dived]

ياجماعه جم تقريبا معاش بيت التمويل للدبلوم(تجاري) ؟؟؟؟ بدون دعم العماله طبعا

وموفقين جميعا

 

[A_A]

هل يوظف بيت التمويل متقاعدين ؟

خبرة باللغة الانجليزية
محادثة و طباعه و كتابه

 

[$حورية$]

متى يفتحون باب التقديم للوظيفه؟

انا رحت وسالتهم وقالولي للحين ماعندنا فكره متى يفتح

ياليت اللي موظف ويعرف متى يفتح باب التوظيف يقولنا

 

[فجر الكويت]

يرفع الموضووووع