استفسار وطلب رايكم

[Jalazmi]

السلام عليكم

يا جماعه حبيت اخذ رايكم بالاكتتاب في صندوق لؤلؤه الساحل .. هل اهوه فيه فايده منه او انتظار الاكتتابات العامه تكون افضل .. وايهم ربحه اكثر .. ؟

ومتى تتوقعون اول اكتتاب عام ..؟

 

[بوحظين]

الصناديق الاستثمارية افضل شيئ بالبنوك اما الشركات فالمخاطرة بها اكبر بسبب الرقابة الذاتية و الاستثمار في اي مجال اللي يعطي ارباح بفترة قصيرة 70% امر مريب و انا من ناحيتي الصناديق لها حركات و اللي يشتري ويبيع هم الشركة نفسهم وهم و البنوك نفس المنشار بالصاعد والنازل ياكلون
وسامحني اذا زدت بالكلام بس من اللي اشوفة بالمعاملة معاهم اذا بتدفع انت عزيز واذا بتاخذ بيطلعولك كل ساعة بسالفة و الله اعلم

 

[(فزاع)]

هلا والله العازمي ..
اشلونك شخبارك ..

اذا تبي تكتتب بـ صندوق لؤلؤة الساحل ..
فـ خل ببالك انك قاعد تجمد افلوسك مدة 5 سنوات .. (مو 3 سنوات مثل الاكتتاب ) ..
يعني بالعاميه اعتبرها وديعه .. بس مع اختلاف مسميات ..


اما بخصوص اقرب اكتتاب عام ..
في وايد راح ينزلون .. واسامي شركات وايد ..
لكن اقرب شي اهو الاتصالات الثالثه ( بعد شهر او شهرين ) ..
وعندك القرين الثالثه ( وقود ثالثه ) .. وان شاءلله على الصيف بإذن الله ..


والله يرزقك يارب ويزيدك من خيره ..

تقبل مني كل الاحترام ..

 

[Jalazmi]

يعطيكم الف عافيه على النصيحه