موقف محرج !!!

[دحيم 06]

هذا الموقف طبعا حصل لصديق اعرفه معرفة شخصية...

الموقف أن الرجل من النوع البيتوتي واللي مايطلع من البيت الا قليل ...

والرجل عنده 6 من الاولاد وبالاربعين عمره ...وبعد رحلة الى مصر لزيارة عمل

وكرر الرحلة مرة اخرى وفي الثالثة توكل على الله وتزوج ....

الزواج سكيتي طبعا وجاب الزوجة الكويت !!! ومازال شغله سكيتي

وباركت له بالشقة الجديدة وبالزوجة الجديدة وتغير الرجال وصار كله كاشخ ..

عقب شهر لقيت وجهه متغير سألته عسى ماشر!!!

قالي طاحت علي زوجتي الاولى ويقول القصة في ذلك اليوم المشؤؤم:

يقول لبست لبس الدوام الصبح وتريقت مع العيال وطلعت للدوام مثل كل يوم طبيعي... الاخ ماراح الدوام راح للهجرة يبي يحول اقامة زوجته ووياه جوازها طبعا وعقد الزواج ...يقول للدخول على المدير يوجد غرفة انتظار للنساء لازم تمر عليها قبل لاتدش على المدير وبينما اخونا ناطر برة ...ام عياله كانت داخل تنتظر معاملة لها !!!!
يقول صاحبنا نادو اسمي دخلت غرفة الانتظار في طريقي للمدير وكان في حريم قاعدين فغضضت البصر ودرعمت على المدير ... والزوجة تشوف زوجها داخل عند مدير الهجرة!!! زين ناديه كلميه !!لا خلته يدخل على المدير وطارت للسكرتير وسألته شنو معاملة الرجل اللي دخل توه هذا اخوي!!!
ضحك السكرتير وقالها بيغير اقامة زوجته من زيارة الى اقامة!!!!
طبعا مواجهة الجيشين تمت في الصالة بعد خروج صاحبنا من المدير والزوجة اللي بغى يوقف قلبها!!!

 

[zoya_y]

لاحول ولاقوة إلا بالله ... يعني ليش تزوج المصريه انا ابي اعرف

 

[Bent_alq8]

أخوي دحيم المثنى في الزواج مو عيب ولا حرام ...اللي عيب أن الرجال يسوي خطوة هو موقدها ....مع إحترامي لصاحبك بس ليش بعد عشرة العمر اللي بينهم يخدعها؟؟؟
ليش ما قال لها بتزوج؟؟؟
يعني من حق الزوجة إنها ترضى بالحال الواقع أو أنها ترفض...بس الطريقة اللي صار فيها الموضوع غلط من الأساس...وسالفة إنه كاشخ بعد العرس هاذي أحط عندها علامة إستفهام؟؟
يعني حرام الأولى تشوف ويه يفتح النفس وريحة خنينه؟؟
الثانيه هي اللي لحقت على التكشخ!!!!! شمعنى؟؟؟
قول للصاحبك حبل الجذب قصير وصاااااااااااااااادوه​

 

[دحيم 06]

هلا والله بزويا وبنت الكويت حياكم وشرفتونا ...
ماشالله البنات فازعات...
والرجل على العموم معاي بالدوام وبسأله وبرد عليكم انشالله...

تحياتي لكم...

 

[Bent_alq8]

هلا والله بزويا وبنت الكويت حياكم وشرفتونا ...
ماشالله البنات فازعات...
والرجل على العموم معاي بالدوام وبسأله وبرد عليكم انشالله...

تحياتي لكم...

هلا أخوي دحيم ...بس لا تقول له إني شخطت فيه شوي عالخفيف​

 

[بو راس يابس]

عز الله انها مو خوش سالفة !!

بس اقول لك شي ترى مردها بتعرف وزين اللي انكشف بصالة الهجرة (( بين الوافدين )) مو بدوامه ولا موجب رياجيل بعرس ... يعني شي اهون من شي

 

[al7bebe]

الزواج قسمه ونصيب

بس بنت الخليج فيها ملح وحلاة والاكثر بنت بلادي.

 

[دحيم 06]

هلا أخوي دحيم ...بس لا تقول له إني شخطت فيه شوي عالخفيف​

ابشري يابنت الكويت واله بقوله على كل شي!!!!

عز الله انها مو خوش سالفة !!

بس اقول لك شي ترى مردها بتعرف وزين اللي انكشف بصالة الهجرة (( بين الوافدين )) مو بدوامه ولا موجب رياجيل بعرس ... يعني شي اهون من شي

عز الله مو خوش سالفة كلش....
وتحياتي لك بوراس يابس...

بس بنت الخليج فيها ملح وحلاة والاكثر بنت بلادي.

صح كلامك يالحبيب وانت عز الله حبيب وبسأله والله وارد لكم خبر ليش تزوج المصرية...

 

[قلب المؤشر]

الله يعين الزوجه الثانيه
مالها ذنب المسكينه

 

[momoshkla]

بيتوتي و ياخذ على مرته !! والله خوفك من السكوتي

عيل لو مو بيتوتي جان شسوى؟ الله يستر عليه و يخليله عياله و ام عياله.

 

[للعقل كلمة]

بيتوتي و ياخذ على مرته !! والله خوفك من السكوتي

عيل لو مو بيتوتي جان شسوى؟ الله يستر عليه و يخليله عياله و ام عياله.

صدقت

 

[دحيم 06]

هلا والله بزويا وبنت الكويت حياكم وشرفتونا ...
ماشالله البنات فازعات...
والرجل على العموم معاي بالدوام وبسأله وبرد عليكم انشالله...

تحياتي لكم...

طلع طبية الرجال اليوم!!! الظاهر احد عطاه وحدة!!!

الله يعين الزوجه الثانيه
مالها ذنب المسكينه

مالها ذنب طبعا...بس هم ماسوى ذنب الرجال...

بيتوتي و ياخذ على مرته !! والله خوفك من السكوتي

عيل لو مو بيتوتي جان شسوى؟ الله يستر عليه و يخليله عياله و ام عياله.

البلا كله بالبيتوتي...قاعد بالبيت لحاله ويتكتك على الراحة!!!

صدقت

عز الله صدق وصدقت انت...

تحياتي للجميع ...

 

[Bent_alq8]

البلا كله بالبيتوتي...قاعد بالبيت لحاله ويتكتك على الراحة!!!
تحياتي للجميع ...

الله يسترررر!!!!​

 

[برميت]

والله هل رياييل ينخاف منهم مالهم امان

ويعطيك العافيه علي القصه

 

[قلم حر]

ابتلشنا بالحريم

اذا تزوجت عليها بالسر مصيرك راح تصيدك وتشخبط على وجهك
واذا علمتها انك بتتزوج مسحت وجهك بكروكتر

بس الصراحه ماتنلام هذي مملكتها