هل تأكل من يد الخادمة أو زوجتك في البيت ؟.......دعوة للنقاش

[Nagooshy]

السلام عليكم ورحمة الله وبركاته

أخواني أخواتي

هل تأكل من يد الخادمة أو من يد زوجتك في البيت ولغير المتزوجين تأكل من يد الوالدة أو الخدامة وبكل صراحة ...

دعوة للنقاش وبكل صراحة ..

المرأة ما قامت تطبخ نفس قبل كله ما عندها وقت ؟ ​

 

[life-enginer]

الخادمات حلوين عند الحريم بحجة أنها نظيفه وأيدها دايمآ بالماي

لكن لو شفنا الصح راح نشوف الخادمات نوعين
1- الخادمه الوصخه اللي ريحتها تدوخ الراس وهذي منتهين منها مايحتاج تعليق هذي ما تمر بنفس الطريق اللي امشي فيه بالنسبه لي شخصيآ

2- الخادمه النظيفه واللي تعجب أهل البيت هذي تكون عمليه من الصبح غسيل حمام ومطبخ وملابس وتنظيف أرضيات وهم تكون أيدها بالماي

3- النوعين 1 و2 فعليآ وصخين بالنسبه للأكل والشرب عالأقل لأن عمره ما همهم النظافه حتى لو مثلوها تمثيل والدليل

1- شوفوا أعيالنا بعد ما كان الواحد متبتب وشحلاته صار خيخه ما يهف هوا إلى مرض والأكثر طبعأ ينسى الصحه لعياله مقابل الخدم اللي يأكلون ويشربون ويلبسون الولد تشوف حاله مثل المريض بالنهايه تصير العمليه عمليه نظافه وبعدها تبين عليه العافيه يعني وينهم ووين النظافه

2- شوفوا الام اللي تهتم باعيالها بنفسها وتأكلهم وتشربهم ضروري تكون صحتهم افضل

3- أكل الأطفال يضل مكشوف عالرف فتره وبعدها عادي يأكلونه الاطفال وهذي الحركات عندهم عادي وين تصير النظافه

وبالنهايه أنا شخصيآ لا أكل ولا شرب ولا غسيل ملابس ولا كوي ولا دخول لأي مكان خاص فيني هذي شروط حازمه ولا يمكن تجاوزها وموفر دعم قوي للموضوع عشان اصير بالسيف سايد

والمره اللي ماتطبخ لعيالها مافيها خير ولو انه الجيل هذا للأسف

لكن نقول الخيل على خيالها والمره على .....................

مزاجها
















هذا حلمي بالحياه وراح يتحقق بيوم

 

[ارحبو]

سلام
الزوجه انسان له واجبات وعليه حقوق يعني اهتمامها في بيتها واعوالها لازم يكون من الاولويات ومن ثم دوامها واستقبالاتها وطلعاتها لانستطيع ان نجزم ان الزوجه تقدر تروح للدوام من الصبح وترد الساعه وحده وتقدر تقابل المطبخ اكيد تبي ترتاح وعلى فكره النسوان في ذالوقت ترا فيهن المهضوم حقها كل شي عليهن دوام وطبخ وتدريس اعوالها وتقضى للبيت وتودي للطبيب وابو الشباب لارد من الدوام تغدا ورقد ولاقعد طلع ولاتقولون لا ماشاء الله علينا حنا شالين يدنا من كل شي
من وجهة نظر واقعيه اختار بين طبخ واهتمام زوجتك فيك وفي اعوالك او راتبها وخاصة لاكانت مدرسة

 

[عاشق سدني]

اخوي نقوشي شصار على مكتب الخدم الي عندك ابوردح يمدح الخدم الي عندك خوش طباخات !!
اما سالفة الطباخ الواحد غصبن عليه شر لا بد منه ياكل من طبخهم و خصوصا الغدا
وبنسبه لي اجهز اكلى بنفسي اذا كان خفيف

 

[بوغمازات]

80% ياكلون من طباخ الخدم ... سواء متزوجين او عزابيه وانا أأكل من اللي يسويه الطباخ وليس خادمه لاني عايش وحيد مع الوالده الله يطول بعمرها وعمر والدينكم ... اللهم امين .. خوش موضوع

 

[الأرستقراطي]

آكل من ايد المطعم ،،،

 

[رذاذ المطر]

إذا الخادمة زينة وثقة واشتغلت عندي سنين
مافيها شي
اخليها تطبخ وتغسل وتقوم بشغل البيت
واتفرغ انا لمهام ثانية


إذا استعنت بالخادمة
اقدر استغل اوقاتي بالقراءة ، المشي والسباحة ، حضور الدورات ، إدارة الأعمال ، أو حتى الاستثمار بالأسهم....

أتخيل شكلي وأنا أطبخ بالمطبخ وفاتحةاللاب توب أضارب بالأسهم.......!!!

لووووووووول:d

يعني الوحدة تصير نفسيتها مرتاحة
حتى ادرس وأربي وأجابل العيال بنفس حلوه وراحة
ويكونون مرتاحين وهم حولي
ويحسون بسعادتي


لكن

حطو تحتها خط أحمر

إذا ما تيسرت لي خادمة زينة

والله أكشت بكل شي

أطبخ
واغسل
وأكوي
وأنظف .....حلو على قلبي

وسلامتكم

^_^

 

[zoya_y]

والله اكل من ايد امي الله يعطيها طولت العمر ​

 

[متفائل محبوب]

80% ياكلون من طباخ الخدم ... سواء متزوجين او عزابيه وانا أأكل من اللي يسويه الطباخ وليس خادمه لاني عايش وحيد مع الوالده الله يطول بعمرها وعمر والدينكم ... اللهم امين .. خوش موضوع

آكل من ايد المطعم ،،،

سؤال لكم ليه ماتتزوجون لايكون مطلقين
ان شاءالله تزوجون والله يوفقكم وانا وياكم يارب
​

 

[Nagooshy]

شكراا للمرور والرد

اخوي نقوشي شصار على مكتب الخدم الي عندك ابوردح يمدح الخدم الي عندك خوش طباخات !!
اما سالفة الطباخ الواحد غصبن عليه شر لا بد منه ياكل من طبخهم و خصوصا الغدا
وبنسبه لي اجهز اكلى بنفسي اذا كان خفيف

انت وينك !!!

غيرت شغلتي .....الحين صرت تاجر ايقامات

ايييب بنغال واهدهم بالشارع

 

[I_M SUGAR]

الخدامه إذا كانت للمطبخ فهي للمطبخ بس

 

[Camaro]

الجوع كااااااااااافر

 

[اكسلانس]

سلام
الزوجه انسان له واجبات وعليه حقوق يعني اهتمامها في بيتها واعوالها لازم يكون من الاولويات ومن ثم دوامها واستقبالاتها وطلعاتها لانستطيع ان نجزم ان الزوجه تقدر تروح للدوام من الصبح وترد الساعه وحده وتقدر تقابل المطبخ اكيد تبي ترتاح وعلى فكره النسوان في ذالوقت ترا فيهن المهضوم حقها كل شي عليهن دوام وطبخ وتدريس اعوالها وتقضى للبيت وتودي للطبيب وابو الشباب لارد من الدوام تغدا ورقد ولاقعد طلع ولاتقولون لا ماشاء الله علينا حنا شالين يدنا من كل شي
من وجهة نظر واقعيه اختار بين طبخ واهتمام زوجتك فيك وفي اعوالك او راتبها وخاصة لاكانت مدرسة

أصبت كبد الحقيقه.