ظاهره فى المنتدى جديده !!!!!

الموضوع في 'اعلانات بيع وشراء متفرقة' بواسطة mobarak, بتاريخ ‏19 ابريل 2008.

حالة الموضوع:
مغلق
  1. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0
    ظاهره جديدة بدأت تظهر بالمنتدى وهى من بعض الأشخاص اللى يعرضون بضائعهم ،، وهي كلمة يبدأ السوم من سعر كذا .... وطبعا يكون سعر اقرب للخيال او اقرب للسعر الجديد الذى لم يستعمل وعند الوكيل ، لذلك نتمنى ان نكون واقعيين وان نرضى بفتح باب السوم من الأخوان بالمنتدى او ان نقول وصل السوم عليه بره قبل العرض بالسعر كذا ... ومن اراد فليزد ، ولكن المشكله ان الأخوان بدؤا يحطون اسعار على مزاجهم وعند اقرب سومه يبيع ، وهكذا لايصبح مزاد بيع مستعمل ، نتمنى من الأخوان أن لايزعل منهم أحد علينا لأني والله أردت توضيح الأمر الذى وصلنا إليه فقط ، وشكرا للأخوان على سعة صدروهم ونتمنى لهم التوفيق إن شاء الله.
     
  2. مرور الكرام

    مرور الكرام عضو نشط

    التسجيل:
    ‏30 مارس 2007
    المشاركات:
    1,062
    عدد الإعجابات:
    0
    مكان الإقامة:
    Q8
    أنا أوافقك أخوي ومشكور على طرح الموضوع

    المزاد والسوم يفتحه المشتري ولو من دينار ومن الطبيعي إن الناس العاقلة بتكون سوماتهم معقوله ومافيها لعب واللي يدشون المواضيع يبون يلعبون او يخربون هذولي مايكون لهم القيمة اللي علينا فيه أهو التعامل الصحيح

    لك حق انك تقول أبي بسلعتي السعر الفلاني وتخليه العرض حد وليس مزاد

    اما المزاد فخل الناس تسوم من الصفر وأصبر عليهم والسوام المستعجل اللي يبي يخلص يكلم صاحب البضاعة على طول ويخلص معاه بالسعر المتفق عليه

    اهم شي نزاهة العرض والسوم والبيع

    وجهة نظري
     
  3. bo hamd

    bo hamd عضو جديد

    التسجيل:
    ‏12 أغسطس 2007
    المشاركات:
    1,291
    عدد الإعجابات:
    0
    مكان الإقامة:
    KUWAIT
    احب ارد العضو الجديد مبارك

    اخوى انت عضو جديد مع احترامى الشديد لك مشاركاتك 24 مشاركه فقط او احكمت بانها ظاهره جديد ؟
    ابكونى شخص ابيع وشترى بهذا المنتدى بقولك ليش انحط سعر فتح الباب
    على سبيل المثال انا الحين عارض Sony Vaio ويكون سعره بالشركه 745 دينار
    اوينباع بالسوق وهو مستعمل490 الى 520 حسب نظافته او تاريخ كفالته فطبيعى ايكون انا شاريه من الزبون مبلغ فوق 440 دينار فشاريك احط سعره مفتوح اويجى واحد ايسومه 200 دينار ولا ايقول انا بفتح بابه ب150 دينار لابعد ايحط رقم
    تليفونه بكل وقاحه وهو اساسا كاسرك كسر

    تدرى شنو مشكلتكم اهنى انتوا عبالكم انا قاعدين نشترى هذى الاجهزه برخص التراب معنى ان الزبون ايكون لاف على اغلب المحلات او اكون ماحصلت عليه الا لما دفعت اعلا سومه بالسوق اونعرضه هنى بالمنتدى اوقاعدين تكسرون بالاسعار بشكل موطبيعى اوالاغلبيه العضمى تسوم بالعام او ترسل اعتذار بالخاص عن الشراء لوجود ضرف مادى طارى حصل عقب السومه او ايسوم اويتجاهل السومه ويطنش او لما ترسله على الخاص ايقولك اى جهاز اخوى انا سايم وايد اجهزه تحس انه قاعد يشغل نفسه اويقتل وقت فراغه بتخريب البيعات


    والله اصابعنا ملت من الكتابه والشكوى لغير الله مذله ملينا وحنا نقترح بتنضيم العمليه اوضبطها اونتعشم من المشرفين بالألتفات لمطالبنا وتخاذ الاجراء الازم بحق المتلاعبين سواء من الباعه اولا والمشترين سواء

    وشكرا للجميع
     
  4. باركر

    باركر عضو جديد

    التسجيل:
    ‏14 يناير 2008
    المشاركات:
    1,064
    عدد الإعجابات:
    0
    مكان الإقامة:
    الكويت


    انا اوافق الاخ مبارك وبالنسبه للاخ بو حمد انا ضد كلامك كله بالاول تقول ان الاخ مبارك جديد وجاي يتكلم اولا كل عضو له حق الكلام بهالمنتدى مالم يخرج عن النظام المتبع ثانيا تقول يكسرو في السلعه ياخي محد جبرك وقالك اعرض سلعتك اهني اهني مزاد والمزاد مو بكيف البايع يحدده او لا المزاد بكيف السوامه ان شاء الله السلعه بالف دينار ويسومونها بدينار منت مجبور تبيع اسحب سلعتك وبيعها بره هذا سوق وياليت ماتزعل من كلامي لان بعض الناس اللي تبيع فيهم جشع لابعد الحدود واللبيب بالاشارة يغهم والله الموفق
     
  5. al3zeez

    al3zeez عضو جديد

    التسجيل:
    ‏7 أكتوبر 2007
    المشاركات:
    589
    عدد الإعجابات:
    0
    والله يا جماعه الغريب ان كل يوم طالعلنا واحد وحط موضوع (ظاهره جديده بالمنتدى)
    يا اخي منت مجبور تسوم ولا تشتري ولا تدخل الموضوع من اساسه مدام في شي مو عاجبك
    مو معقوله واحد سلعته جايبه بره 50 وتنسام من شريطيه المنتدى هني ب5 دنانير
    هذا حق ومافيه زعل يقول السوم تبدأ من كذا
    واذا بتخلي الناس تسوم صراحه اكثر الناس الي تسوم هني تفرق السوم بدينار وانا تعودت منهم للامانه
    يعني الموضوع يوصل مشاركاته 300 مشاركه وللحين ما وصل 50 دينار
    خير الكلام ماقل ودل
    شوفولكم سالفه غير ظاهره جديده بالمنتدى لان ملينا منها
     
  6. غيلان 1

    غيلان 1 موقوف

    التسجيل:
    ‏7 نوفمبر 2007
    المشاركات:
    606
    عدد الإعجابات:
    0
    مبارك ماعليك كل اللي قلته صحيح وميه بالميه والله يعينك راح تصطدم بالشريطيه

    وانا وياك
     
  7. غيلان 1

    غيلان 1 موقوف

    التسجيل:
    ‏7 نوفمبر 2007
    المشاركات:
    606
    عدد الإعجابات:
    0
    باركر برضو انت بطل وتعجبني وشاكر لك
     
  8. mohamedQ8

    mohamedQ8 عضو جديد

    التسجيل:
    ‏21 مارس 2008
    المشاركات:
    54
    عدد الإعجابات:
    0
    -

    انا معاك اخوى مبارك وهذى وجهة نظرك صحيحه ما فيها شى
    والى مو عاجبه لا يتدخل بالموضوع كل واحد حر يتكلم بالموضوع
    الى يعجبه
    اما سالفه توك تشارك يسمحلى اخوى انشاء الله مشاركه
    وحده وله مليون
    والاخ سكر الموضوع مو مجبور تشارك بالموضوع عشان تسكره بكيفك
    شباب ألى عنده كلمه فيها خير يقولها

    المنتدى للجميع البايع يتكلم والشارى يتكلم صغير وله كبير

    وشكرا للجميع لحد يزعل من الصراحه
     
  9. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0

    ردا على العضو القديم ( ماأبي أطعن بالنوايا ) انا ماطعنت في احد واللى على راسه بطحه يحسس عليها ، اتمنى تحترم وجهات النظر الأخرى وتكون ريلاكس وبدون انفعال ، وحنا اهنيه نسوم بالمعقول مافيه احد يبخس السلعه حقها ، تزعلون لما يقول واحد انسام منى على الخاص بسعر اكبر وماتبون احد يناقشكم او يعترض عليكم لما تحطون اسعار خيالية او اعلى من السوق ، وتقولون يبدأ السوم من السعر المعلن ، خليتوا فيها مجال للسوم ، ياأخي السوق عرض وطلب وانت اذا حاب تحدد سعر براحتك مااحد يعترض عليك ،وانت مو مجبور تبيع بسعر مو مقتنع منه، واذا انا على قولتك جديد على المنتدى اذا كان لك المنتدى انا انسحب منه من اللحظه هذى ،،، ارد واقول اتمنى تحترم وجهات النظر الأخرى ،،،
    وشكراااااااااااااااا
     
  10. اوكيشن

    اوكيشن عضو جديد

    التسجيل:
    ‏17 سبتمبر 2005
    المشاركات:
    407
    عدد الإعجابات:
    0
    بصراحه انا اشوف ان له حق يحط السعر الي يبيه

    لو القطعه بدينار يقول ابدأ السعر بمليون

    انت منت ملزوم

    ماعجبك طنش ؟؟

    ثق بالله انهم ماسوو هالشي الا من البلاوي اللي يشوفونها

    يعني قبل جم يوم اشوف واحد حاط موضوع يبي يبيع خيمته الكيربي

    يجي واحد يفتتح السعر بأربعين ؟؟؟؟

    اهي واصله فوق الالف وبالراحه ويجي هذا يقول اربعين شي يقهر بصراحه؟؟
     
  11. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0
    والله المشكله ان اللقافه مو زينه ،،،،،

    ودير بالك على البطحه اللى على راسك ،،،،
     
  12. الدنيا حظوظ

    الدنيا حظوظ عضو جديد

    التسجيل:
    ‏8 أغسطس 2007
    المشاركات:
    294
    عدد الإعجابات:
    0
    السلام عليكم

    الاختلاف في وجهات النظر لا يفسد للود قضية .. أشكر الجميع على طرحهم الراقي ونقاشهم الهادئ نوعا ما !!

    أنا راح أطرح حل وسط يمكن يرضيكم :

    إذا طرح أحد الأخوان سلعة للبيع وعرض السعر _ وهذا بلا شك يعتبر حق له _ وشاف من له رغبة في الشراء أن السعر خيالي .. يحط السعر اللي يعجبه ويعتفد إنه مناسب لكن أرجو عدم بخس الناس أشياءهم .... والله يكتب اللي فيه الخير .... والسوق بيع وشراء وكلن حلاله عنده

    بالتوفيق
     
  13. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0

    تحياتي وتقديرى لك اخوى الدنيا حظوظ وانا معاك بالكلام هذا واكيد من حقه بعد ماينسام منه مو من اولها يقول ابي السوم من السعر الفلانى وفوق او على الأقل يحد بسعر معين وهذا بعد من حقه ،،
     
  14. alhilam

    alhilam موقوف

    التسجيل:
    ‏29 أكتوبر 2005
    المشاركات:
    706
    عدد الإعجابات:
    0
    السلام
    ي اخوان يجب ان يكون النقاش راقي بدون اي تجريح
    وكلنا اخوان سواء الشاري او البايع ومثل ماقلوا الاخوان ليس البائع مجبور ان يبيع ولا الشاري مجبور ان يشتري
    فلهذا السبب الواحد يحط اي سعر يبي يبيعه انا اشوف ان مافيها مشكله بس المهم
    لا يزعل اذا واحد كتب مشاركه انه وجد نفس مواصفات الجهاز جديد بالمكان الفلاني وبسعر اقل

    وذلك حتي يبين الحقيقه للاخوان للي ماعنده علم بالاسعار وهو بكيفه يشتري والا لا
    وشكرا لصاحب الموضوع
     
  15. ابو حضين

    ابو حضين موقوف

    التسجيل:
    ‏10 نوفمبر 2006
    المشاركات:
    293
    عدد الإعجابات:
    0
    مكان الإقامة:
    الكويت-مبارك الكبير
    عينو خير !!!!!!!!!!!!!!!
    انا مع الاخ مبارك
    مو كل واحد عنده سلعه يحطها بغير المعقول
    وهذا شي مرفوض بتاتا
    تدرون ليش لأني انا ما ارضى على واحد من اخواني بالمنتدأ ينضحك عليه
    من واحد ذمته وسيعه ولا يخاف الله
    ولا يجوز يربح الدبل بالسلعه وهذا بالشرع لا يجوووووووز
    وارجع وقوووووووووووووول انا معك يا مبارك



     
  16. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0
    هلا والله فيك اخوى ابوحظين ، انا والله ماحطيت هالموضوع الا نصح لأخوانى وليس تجريحا او طعنا فيمن يبيع سلعه ، وانني انصح لهم في الله مثلما انصح لنفسى ،،
    تقبل تحياتي وشكرا لك ،،،
     
  17. mobarak

    mobarak عضو جديد

    التسجيل:
    ‏3 مارس 2008
    المشاركات:
    123
    عدد الإعجابات:
    0

    اخوى اوكشين انا معاك ان كل صاحب سلعه له حق فيما يعرض ويحط السعر اللى بخاطره بشرط يقول حد ( سعر نهائي مثلا ) مايقول يبدأ السوم من السعر الفلاني لأنه مايصير مزاد بهالطريقه ،
    شاكر مرورك وتقبل تحياتي ،،،
     
  18. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    أنا أعترض
    بس أنا بعد وياكم يا أخوان
     
  19. Prnce

    Prnce عضو جديد

    التسجيل:
    ‏20 ديسمبر 2007
    المشاركات:
    1,624
    عدد الإعجابات:
    0
    انا اقول الواحد كيفة يقول الي يبي يبدأ المزاد من السعر الفلاني ماشوف فيها مشكلة مثل ما أنت تقول مانبي هالكلمة في ناس تحب هالكلمة عشان تحفظ حقوقها من الناس الي ماتخاف الله وتكسر بالناس ..
    مثل ماقال الاخ bo hamd يعني الجهاز بالسوق 500 دينار وفوق يجيك واحد يقولك 100 دينار ويجيك واحد وراه المشكلة مايزيد 50 وله 100 لا ماعنده مشكلة يزيد دينار او نص دينار عادي ماهمة زين الرجال لو نطر عليهم على مايوصلون للسعر السوق الجهاز نزل وراه الف موديل ونزل سعره الي بالسوق ومو بعيده من كثر ماهو محطوط بالجنطة يعفن عشان ننطر هالناس توصل لسعر الحق ..
    بعدين الشراي يبين والي يلعب يبين ..
    والمثال الثاني اذكره اخوي اوكيشن يعني خيمة واصلة 1000 يفتح بابها 40 دينار :/ يرضيك هالشي ياراعي الموضوع اخوي مبارك ؟
    لو انت حاط سياره بتبيعها قيمتها بحراج السيارات 5 الاف يجيك واحد يقولك الفين دينار تبيع له ؟ وله تنقهر ؟
    صج انها تجاره ومافيها اي غلط لكن على حسب موضوعك الي انت فاتح فيه هالموضوع وتتكلم عنه انا راح ارد خلاص دام انته عرفت سعرها بالسوق 5 الاف تدخل اهني المنتدى تحط موضوعك بيع سياره نوعها كيت كيت كيت .. يبدأ السوم مثلا من 4 الاف .. وانت مخلي ببالك السعر الي واصله فيه السياره بالحراج ..
    اما اذا تبي زيادة فوق ال 5 الاف تحط لك موضوع وتكتب فيه واصلة 5 في احد يزيد بس وانتهى الموضوع
    بالاخير اسف على الاطالة ..
    واحب اوصل لك شغله انه كل واحد حر وكيفة بالي يكتبة دام انه مو متعارض مع قوانين المنتدى .. وانت مو ملزوم تقولة مو بكيفك تقول يبدي السوم من السعر الفلاني ..
    حتى لو السعر مثل الجديد الي بيشتري اعتقد بيكون مقتنع بالي شراه والي بيشتري لازم يكون عارف سعره جديد قبل لا يشتري الشي
     
  20. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT
    السلام عليكم

    يعطيك العافية أخوي مبارك على الموضوع الرائع

    صراحة في مواضيع مانبي نتكلم فيها لكن أنت جزاك الله خير

    فتحت هالموضوع وعطيت مجال للجميع يبدي رأيه

    تدري ليش بعض الاخوان يذكرون في مواضيعهم يبدأ المزاد من ......... ؟

    أنا أعطيك الجواب

    شوف هالموضوع وأحكم

    شوف فتح الباب كم !!

    وشوف سعر الفاتورة كم !!

    بعض السومات تفشل وتجيب الكلام والرد البايخ لصاحبها

    لكن

    نتقاضى عن المواضيع لكي لاندخل في مشاكل مع البعض من الاخوان

    وشكراااااا

    http://www.indexsignal.com/vb/showthread.php?t=103184
     
حالة الموضوع:
مغلق