يعني إذا خلو السهم مو عاجبكم
و إذا وقف السهم إلى حين ورود بعض الإيضاحات هم مو عاجبكم
الصراحه أمر عجيب
أنا أقول اللي يبي يشره خل يشره على الشركه
أمر الوقف مو عقابي كان فقط للاستفسار و كان قبل التداول و سكر السوق و ما ردوا
و وايد شركات وقف تداولها بسبب طلب إيضاحات و الشركات ترد خلال دقايق و يخلص الموضوع
مو لأن السهم صعد صعود قوي أو نزل نزول قوي لازم نوقفه هذا خاضع للعرض و الطلب ولا إدارة البورصه يحق لها تتدخل في هالامر كل اللي يقدرون يسوونه هو الاستيضاح و هذا اللي سووه
من قال أنه إذا خلوا السهم مو عاجبنا وإذا وقفوا السهم مو عاجبنا
في شي اسمه منطق وحد
السهم ماصعد 20 % أو 30% علشان الأمر يكون طبيعي
السهم صعد بنسبة تفوق ال400 %
دون أن تفسير أو أيصاح من البورصه ..
نحن نقول بأن الأيقاف تم متأخر جدا
ويا خوي موجنك ناقضت روحك بروحك
في كلامك الأخير
شلون السهم خاضع للطلب والعرض وإدارة البورصه لايحق لها أن تتدخل وتوقف السهم ..
والسهم اليوم موقف عن التداول ..!!!
شنو تسميه اللي صار اليوم تداول خفي
الشركه تتحمل جزءكبير من عدم الأفصاح عن سبب صعود السهم إذا كان في شي مسبب ويستحق السهم هذه الأسعار ..
ولكن الدور الكبير لأدارة السوق وتأخرها عن أيقاف السهم وطلب أيضاح ..
من إدارة الشركة
هذا السهم ظاهره تتكرر كل خمس سنوات أقل أكثر لكنها ظاهره ..
كظاهره المعادن رأس مال صغير وتصعيد لهدف في نفس يعقوب
أنا ناطر منو اللي راح يلبس الكبوس أخر شي
وماراح يطلع منه
السهم ممكن يكمل لاهداف أعلى لكن هذا ليس بيت القصيد
نحن نتكلم عن أدراة فاشله في سوق الكويت
أخوك
بوفواز
