شسالفه بنوك السعوديه؟؟ الي عنده العلم الرجاء الافاده

[al3zeez]

السلام عليكم
موضوعي باختصار شديد وخلوني اتكلم بالعاميه اسهل
قبل اسبوع رحت الخفجي بفتح حساب باي بنك علشان بتداول بالنت لان صاحب الحساب الي عندي من زمان (اخوي) يبي يلقيه
فقلت بفتح حساب باسمي احسن
رحت الخفجي اول بنك الراجحي نطرت وجاني الدور قالولي مايفتحون حسابات للكويتين عندهم لازم اراجع الدمام ولا الحفر ولا غيرهم
طلعت للبنك الثاني الي هو الاهلي السعودي قالولي السستم معلق
طلعت للثالث الي هو بنك الرياض قالولي تحجز موعد علشان تفتح حساب وبعد شهرين تغريبا ندق عليك ونقولك تعال قدم اوراق فتح الحساب
طلعت للثالث على ما اعتقد اسمه البنك العربي او الوطن العربي شي من هالنوع قالولي تحجز موعد فتح حساب
مابقى قدامي الا الاهلي الي قالي السيستم معلق رجعتله قالي لازم تحجز موعد فتح حساب مع انه الصبح كنت عنده وماقالي هالسالف

دقيت السياره سلف وسكرت الجامات ومليان قلبي مليان للكويت
الي مستغرب منه ان فتح الحساب كأن البنك لاقي رسوم فتح الحساب بالشارع سواءا انحط بالحساب شي ولا لا كافي فتح الحساب برسوم وهم المستفيدين

ليش هالتعامل الله العالم
انا قلت اسأل الاخوان الي هني يمكن احد عنده خبر عن هالموضوع يفيدنا اقدر افتح حساب بطريقه ثانيه يعني بالنت ولا غيره

 

[zoya_y]

مـــــادري الله وعلم ... حتى تــراخيص المحاميين الكويتيين ساحبينها ​

 

[العباسي]

جرب www.mutadawil.com

عندهم تداول بالسوق السعودي باشتراك شهري 10

لكن خدمتهم سريعه و ممتازه

 

[al3zeez]

مـــــادري الله وعلم ... حتى تــراخيص المحاميين الكويتيين ساحبينها ​

قالوا الدينامرك مو الكويت
في غلط بموضوعي وموضوعك لكن محد فاهمه للامانه

 

[al3zeez]

جرب www.mutadawil.com

عندهم تداول بالسوق السعودي باشتراك شهري 10

لكن خدمتهم سريعه و ممتازه

اذا عندك خبره بهالموقع ياليت تفيدنا الله يرحم والديك

 

[al3zeez]

اخوي العباسي مشكوووور والله يعطيك العافيه
انا كلمتهم وقالوا لازم اجيهم اوقع واحط اقل مبلغ 500 دينا بالمحفظه واتداول باي سوق بالعالم ونسبتهم على حسب السوق
سألتهم على السوق السعودي قالوا 30 ريال على اي عمليه بيع ولا شراء
ويعطيك العافيه ويكفيك شر المافيه

 

[zoya_y]

قالوا الدينامرك مو الكويت
في غلط بموضوعي وموضوعك لكن محد فاهمه للامانه

والله أوخـيي أســـحبوا تــراخيصهم ... ( خبر مصدق من جمعية المحامين الكويتيه ) وحتى الزمــوا وزارة الداخليه الكويتيه تــرفض قبول المواطن السعــودي بدورات الشرطه

أتوقع انهم قاعد يتبعون سياسه السعوديه للسعوديين والمــواطن السعودي لازم يكون بالسعوديه ومو بغيرها

 

[سهم استراتيجى]

رد

السلام عليكم

اخوى الاخوان ( البنوك السعوديه ) عجيبين غريبين !!!

فتحت حساب عند الراجحى تخيل يطلبون جوازك قلت من حقهم يمكن علشان بيانات فتح الحساب تتطلب رقم الجواز وماالى ذلك ومرت الايام تخيل كل مااجى ابى اسحب من الحساب يقولى جيب جوازك !!!! قلتله اشدعوه يبه اخاف تشوف الاقامه يبه فيه شئ اسمه بطاقه مدنيه ورخصة قياده وووواثباتات كثيره من ضمنها بطاقة السحب الالى قالوا ماينفعون لازم اتجيب الجواز تخيل رجعت 60 كم علشان الجواز لاحول ولا قوة الابالله

وشغله ثانيه تخيل لما تبى تحول مبالغ للكويت عن طريق البنك المتعارف عليه ان التحويل يكون السعر افضل من الكاش بكل دول العالم الا عند البنوك السعوديه يقولك التحويل اعلى واللى مو مصدق يجرب وبعدين قلت يمكن هذا الراجحى بس رحت حق بنك البلاد وبنك العربى لقيت الشباب متفقين ان سعر الكاش افضل من التحويل !!!!! قلت اوكى عطونى المبلغ كاش كويتى طبعا قال مع الاسف عندى الف دينار بس رجعت للثانى قلت ابى اصرف كويتى قال للاسف ماعندنا !!!!! كأن السالفه فيها سر ياجماعه الحمدلله على الكويت اثارينا ابنعمه بسبب الانظمه الماليه الجيده اللى عندناااا
طبعا قررت اسحب كل المبلغ اللى بحسابى بالعمله السعوديه تخيلوا قالولى ماعندنا سيوله ونطرت ثلاث ساعات علشان يجمعون من العملاء المبالغ اللى يضعونها بحساباتهم ( ايداع )

 

[al3zeez]

والله أوخـيي أســـحبوا تــراخيصهم ... ( خبر مصدق من جمعية المحامين الكويتيه ) وحتى الزمــوا وزارة الداخليه الكويتيه تــرفض قبول المواطن السعــودي بدورات الشرطه

أتوقع انهم قاعد يتبعون سياسه السعوديه للسعوديين والمــواطن السعودي لازم يكون بالسعوديه ومو بغيرها

توقعك في محله اعتقد
شكرا على ردك حبيب قلبي

 

[al3zeez]

السلام عليكم

اخوى الاخوان ( البنوك السعوديه ) عجيبين غريبين !!!

فتحت حساب عند الراجحى تخيل يطلبون جوازك قلت من حقهم يمكن علشان بيانات فتح الحساب تتطلب رقم الجواز وماالى ذلك ومرت الايام تخيل كل مااجى ابى اسحب من الحساب يقولى جيب جوازك !!!! قلتله اشدعوه يبه اخاف تشوف الاقامه يبه فيه شئ اسمه بطاقه مدنيه ورخصة قياده وووواثباتات كثيره من ضمنها بطاقة السحب الالى قالوا ماينفعون لازم اتجيب الجواز تخيل رجعت 60 كم علشان الجواز لاحول ولا قوة الابالله

يمكن اجراءات روتينيه لان الحمدلله عندنا كل شي سهالات



وشغله ثانيه تخيل لما تبى تحول مبالغ للكويت عن طريق البنك المتعارف عليه ان التحويل يكون السعر افضل من الكاش بكل دول العالم الا عند البنوك السعوديه يقولك التحويل اعلى واللى مو مصدق يجرب وبعدين قلت يمكن هذا الراجحى بس رحت حق بنك البلاد وبنك العربى لقيت الشباب متفقين ان سعر الكاش افضل من التحويل !!!!! قلت اوكى عطونى المبلغ كاش كويتى طبعا قال مع الاسف عندى الف دينار بس رجعت للثانى قلت ابى اصرف كويتى قال للاسف ماعندنا !!!!! كأن السالفه فيها سر ياجماعه الحمدلله على الكويت اثارينا ابنعمه بسبب الانظمه الماليه الجيده اللى عندناااا
طبعا قررت اسحب كل المبلغ اللى بحسابى بالعمله السعوديه تخيلوا قالولى ماعندنا سيوله ونطرت ثلاث ساعات علشان يجمعون من العملاء المبالغ اللى يضعونها بحساباتهم ( ايداع )

ماعندي اي رد صراحه على هالكلام غير الحمدلله على النعمه الي حنا فيها
واشكرك تشريفك موضوعي سهم استراتيجي

والله المستعان

 

[العباسي]

اذا عندك خبره بهالموقع ياليت تفيدنا الله يرحم والديك

والله اخوي انا مرتاح من خدمتهم لكن رسومهم شو عاليه

لكن لا يخدم بخيل