الفرق بين المواطن و الوافد من الناحية الاقتصادية

الموضوع في 'إستراحة المنتدى' بواسطة المحسود, بتاريخ ‏26 ابريل 2008.

  1. المحسود

    المحسود موقوف

    التسجيل:
    ‏1 أغسطس 2004
    المشاركات:
    909
    عدد الإعجابات:
    0
    الكل يلاحظ ان اليوم نوعا ما في بطالة يقول احد الاخوى الكرام انه ذهب مع ابنه الذي تخرج حديثا من معهد التطبيقي و اخذ يتجول علي القطاع الخاص و على البنوك و لربما يكون بأستطاعته ان يوظف ابنه يقول في كل مره كنت اصادف سكرتيره امامي و في كل مره كنت اقول لهم ان كان بأمكاني اقابل صاحب الشركة كان يأتني الجواب دائما بالنفي ليس لدينا وظائف و يردد الاخ الفاضل و يقول ان هناك وافدون كثيرون في الشركات و القطاع الخاص ولم ارى كويتيون من بينهم و يقول هل تصدق اخي العزيز ان داني و ماريين و شقيقاتهم يوظفونهم مثل رشفة الماء...اما الكويتي مع الاسف الشديد غير مطلوب و بالنسبة ل{اى المتواضع ان الوافد يركب احسن سيارة و يسكن شقة ببلاش على حساب الشركة و يجيب اهله و يوظفهم هذا شيء حصل امامي في احد البنوك العريقة ان احد السكرتيرات الوافدات الجيكرات نهرة مواطنة تقدمت بوظيفة مع الاسف دائما نتكلم عن التكويت بس نسوق لهذه الجملة اخشى ان يأتي يوم نصير مثل دبى الهندي يطرد المواطن من وظيفته و الكويتيون اليوم اخص الطلبة جاعدين علي المقاهي و يشربون شيشة و الله يكون بعون الاباء ترى الوافد قلبه على مصلحته اما المواطن قلبه علي بلده فليفهم هذا شوفوا امريكانا اعرق شركة و الحمدالله و نفتخر بهذه الشركات لكن نصيب الوافد في العمل مئة في المائة كذالك هذا حال القطاع المصرفي ...عاش كومار و عاش داني .....وشكرا
     
  2. عاشق سدني

    عاشق سدني عضو جديد

    التسجيل:
    ‏10 أكتوبر 2007
    المشاركات:
    322
    عدد الإعجابات:
    0
    مكان الإقامة:
    في الاعماق
    الحكومه حطت قانون التوظيف في القطاع الخاص والزمت الشركات بنسبه معينه لتوظيف الكويتين
    وانشئت برنامج اعادة الهيلكه لتوظيف الكويتين في القطاع الخاص مثل ديوان الموظفين
    وشركة هيومن سوفت المجهزين بالدورات وتدريب الموظفين
    لكن التقاعس من جهة اصحاب الشركات والمواطن الي يرفض الخاص
     
  3. INFINITI

    INFINITI عضو نشط

    التسجيل:
    ‏19 سبتمبر 2007
    المشاركات:
    4,316
    عدد الإعجابات:
    2
    مكان الإقامة:
    راس العايــــر
    كلام حلو يالمحسود
    شكرا
    وعاشت ميري
     
  4. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    الله يــعين .... السالفه مــعروفه عين عـــذاري ... شكــرا
     
  5. المحسود

    المحسود موقوف

    التسجيل:
    ‏1 أغسطس 2004
    المشاركات:
    909
    عدد الإعجابات:
    0
    شكرا يا اخوي و يعطيك العافية لك و للجميع
     
  6. بو راس يابس

    بو راس يابس عضو نشط

    التسجيل:
    ‏20 ابريل 2006
    المشاركات:
    1,661
    عدد الإعجابات:
    0
    مكان الإقامة:
    كيفان
    الله بالخير ...


    اسمح لي ولد عمي اخالفك بوجهة نظرك ..


    المشكلة مع الاسف الشديد ليست في الشركات بقدر ما هي مشكلة الشباب انفسهم ... اتكلم من واقع عملي كمحامي في القطاع الخاص منذ ان تخرجت من كلية الحقوق ، الشركات وأرباب العمل والقطاع الخاص بأكمله لا يمكن أن يخطو أي خطوة إلا مكسر حساباته ألف مرة ومتأكد أن هذي الخطوة راح تفيده ... وأحد أهم هذي الخطوات هي التوظيف ... ثق تماماً أنه لا توجد أي شركة ناجحة تقوم بتوظيف شخص لا يمكن الاستفادة منه بشكل مباشر ولا غير مباشر لا عاجلا ولا اجلا (( وانا اتكلم بشكل عام )) فمع الاسف بعض الشباب مع انه ما عنده خبرة يبي يتوظف مدير اول ما يتخرج ويبي معاش راهي ويبي بدلات وفوق هذا ما يبي يداوم وما يبي يكون قيمة مضافة للعمل ويصير عالة على الشركة ..... اخوي ، خذها من اخوك .... تدري ليش الوافدين يتوظفون ؟؟؟ لأنه فيهم عكس الصفات اللي قلناها فوق .. اولا : الخبرة ومع هذا الاخلاص وفوق كل هذا ما يبين من اول شي انه داش على طمع ،، تلقاه يدش على المدير ويقول له اكرفني ومابي منك معاش شهر شهرين (( ترى احنا سوينا جذيه اول ما بدينا عادي )) ويقول حق المدير جربني منت خسران وانا متأكد إني راح اعجبك وحتى لو ماعنده خبرة يتعلم ،، تلقى الشركة تصك الساعة 8 بلليل وهو قاعد لي 10 يقرا ويشوف شغل الشركة واوراقها ويعلم نفسه بنفسه .... وشوي شوي راح يثبت وجوده والشركة اهي اللي راح تترجاه يتم عندها ويتعزز اهو (( ويحق له يتعزز ويحصل كل المميزات اللي يحلم فيها وزيادة ،، وتيي له عروض من شركات ثانية ويحقق ذاته )) ...... وانا لاحظت شغلة الصراحة في موضوعك ما عجبتني .. لما قلت انه هذا الشاب اللي تخرج من التطبيقي وماخذه ابوه يدور له شغل !!!!!!!!!!!!!! شالسالفة ؟؟؟؟؟؟؟؟ (( بيملج ولا بيشتغل )) الصراحة لو انا مكان هالمدير ويايني ريال يبي يتوظف ويايب معاه ابوه الصراحة راح احط اكس عليه لأنه هذا ما عنده ثقة بنفسه ويايب ابوه وياه !!!!!!! ولا تقول لي لازم واسطة ومن هالحجي ... لايبا ثق تماما انه حتى اللي يدش بواسطة ويخمبق بالشركة راح يقظبونه الباب عاجلا ام اجلا ،،


    وهذي وجهة نظري المتواضعة واذا ما عجبتك قطها بحر وانا اخوك.. ولا تقول اني اتكلم كلام خيالي .. لا يبا هذا الكلام خلاصة تجربتي الشخصية وتجارب شباب وايدين اللي بدا قبلنا واللي معانا واللي عقبنا ... وفمان الله
     
  7. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    موقف صار ويانا ونحن نعمل في هيئة حكومية

    موظف من جنسيه عربيه عين ابنه عندنا بالدوام وبقطاع مهم أيضا وهالولد ماظل عندنا غير 3

    شهور و تالي مل من الدوام وماله خلق يشتغل وهذا غير ان كان ادائه دون المستوى أيضا !

    زين يعني لو موظفين كويتي من اللي ينتظرون دورهم ماكان أحسن ؟!

    لو إحنا حتى فراش مانقدر نوظف بدوامنا وهذا الأخ يعين ابنه بالواسطات !

    يعني حتى بالقطاع الحكومي القياديين يعطون الأولوية لغير الكويتي ليش مادري !!!
     
  8. متفائل محبوب

    متفائل محبوب موقوف

    التسجيل:
    ‏24 يناير 2008
    المشاركات:
    204
    عدد الإعجابات:
    0

    انت تلوم القطاع الخاص وخليت عنك الوزارات الحكوميه اقرب دليل روح لمجمع الوزارات شوف كم الف مصري بتلقاه موظف هناك وياليت وظيفه مهمه لاادخال بيانات يطلعلك ورقة تهمك انت يامراجع وكله بالكمبيوتر بعرف هي دولتنا توظف الوافد على شنو خلاص جيب كويتي واطلب منه يتعلم كمبيوتر دورات الحاسوب
    ووظفه بدال المصري الي عال جبودنا بالكويت والمصيبه والي ادهى من هذا
    ان راتب هذا الوافد هو نفسه الي بياخذه الكويتي يعني تجد راتبه ماصارله سنتين يوصل الى 400 دينار
    والي قلته انا مايسمى حسد لان هذي دولتنا وهي الي لازم تهتم في شبابها

    .
     
  9. ALSERHAN

    ALSERHAN عضو نشط

    التسجيل:
    ‏25 فبراير 2007
    المشاركات:
    2,289
    عدد الإعجابات:
    2

    لا زويا لا تقولين عين عذاري كتبت موضوع وسميته عين عذاري توقف ديري بالج مو وقته..

    :)

    كتبي نفسي...

    الله يعين..

    شكراً أخوي على طرح هالموضوع والله يجزاك خير..
     
  10. dnyay

    dnyay عضو نشط

    التسجيل:
    ‏22 ابريل 2004
    المشاركات:
    346
    عدد الإعجابات:
    0
    الفرق بين الكويتى والوافد فى القطاع الحكومى

    انا بقولكم سالفه فى جهه حكوميه وهى الهيئه العامه الشباب والرياضه
    راح تبين لكم الفرق بين الكويتى والوافد.......
    قبل اسبوعين بالضبط تم توزيع الاعمال الممتازه على الموظفين وراح اعطيكم امثله ..... موظفه مصريه راتبها 180 دينار نازلها 600 دينار اعمال ممتازه الله يهنيها ... مراسل عند مدير اداره راتبه 120 اعماله الممتازه 450 ( مع العلم ان نص الكويتيين تقاريهم امتياز ما اخذوا حتى ربع دينار ) وعلى هالمثل قيس الامور .... وطبعا لا ننسى خشمك واذنك وبطنك وظهرك
    يعنى اللى يشوف هالامور جدام عينه ما يحقله يقول بالطقاق وخل القرعه ترعى ويتذكر المقوله اللى تقول ( خدعوك فقالوا : الكويتى انفع ) .
     
  11. luv21

    luv21 عضو جديد

    التسجيل:
    ‏9 يونيو 2008
    المشاركات:
    70
    عدد الإعجابات:
    0
    اول شي طرح جميل ورائع وموضوع هادف وشكرا لك اخوي ..

    بالبدايه التكويت صعبه لانه اغلب المواطنيين كسولين وهذا سبب دلع الحكومه للمواطن الكويتي الشركة او الوزارة تقول ليش اييبلي كويتي واعطي دبل وبدون انتاج خل اييبلي موظف اجنبي واعطيه شويه واخذ الانتاج دبلات ..

    العيب فينا احنا والكسل وحياة الترف سيطرة علينا لو كل واحد يقوم الصبح قبل مايروح الدوام يقول يارب رب خلني أدي واجبي على اتمم وجه واشتغل بكل صدق وامانه وخل ضميره يحاسبه ويكون رقيب على نفسه ومايفكر بالفلوس وبالراتب يفكر شلون يخدم هالديره جان ماوصلنا جذي ..

    بس الي حاصل المواطن الكويتي يقوم الصبح ايي متأخر ولا هامه يقعد على المكتب يشرب جاي وقهوه ويتمشى ويطرش بلوتوث وقط كلشي على الوافد .. طبعا مو كلهم في مواطنين والنعم فيهم ومخلصين بعملهم ..

    يعني انا الواحد الكسول اليوم اليوم لووووووووول دوامي عصر دق علي مسؤولي امس قال لا اداوم اليوم انا بوقعلك شفت شلوووووووووووووووووووون لووووووووووووووووووووووووووووووووووول
     
  12. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    ياجماعة والله قهر
    اخوي متزوج وعنده شهادة 3 ثانوي بس عنده شهادة كمبيوتر 9 شهور
    صارله سنة مو لاقيله وظيفة والله قهر
     
  13. Madridi

    Madridi عضو جديد

    التسجيل:
    ‏28 يناير 2008
    المشاركات:
    1,691
    عدد الإعجابات:
    0
    114368 - لا يؤمن أحدكم حتى يحب لأخيه ما يحب لنفسه
    الراوي: أنس بن مالك - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 13
     
  14. مطاري

    مطاري موقوف

    التسجيل:
    ‏22 مايو 2008
    المشاركات:
    110
    عدد الإعجابات:
    0
    هلا

    هلا اخوي عاشق كلامك صح لكن تدرى جم النسبه؟؟؟
    كل ثلاثين وافد لابد معاهم كويتي
    يعنى نسبه1-30
    ثلاثين مصري مقابل واحد كويتي
    وسجل يازمن
     
  15. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..

    هلا والله جمايكي ..
    اشلونك شخبارك قلب ..؟
    يعني النسبه تصير 3.% مع اني اللي سمعته 2% ..

    هل متأكد من هالمعلومه ..؟
     
  16. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    بإختصار ...
    الأول جيبه فاضي...
    والثاني جيبه مزنقل :)
    وسلامتكم وتعيشون :)