ما هو افضل سهم للمضاربة الاسبوعية ؟؟

الموضوع في 'السوق الكويتي للأوراق الماليه' بواسطة saam, بتاريخ ‏1 مايو 2008.

  1. saam

    saam عضو نشط

    التسجيل:
    ‏4 سبتمبر 2001
    المشاركات:
    445
    عدد الإعجابات:
    0
    مكان الإقامة:
    kuwait
    مرحبا يا اخوان

    بودى اسال عن سهم للمضاربة الاسبوعية او يكون حتى اليومية

    بحيث من السهل حفظ سلوكه

    1) يكون مستوى تردده ثابت

    2) يكون مستوى انخفاضه او ارتفاعه مع السوق ( البيتا ) قليل جدا

    3) تكون تحليله المالية ممتازه

    4)ان يكون حجم تداول جيد


    ولكم جزيل الشكر والامتنان
     
  2. hassana

    hassana عضو نشط

    التسجيل:
    ‏10 مارس 2008
    المشاركات:
    1,644
    عدد الإعجابات:
    77
    مكان الإقامة:
    الكويت
    شوف كان من فتره في عدة اسهم للمضاربه اليوميه والاسبوعيه بس اغلب الاسهم هذي ارتفعت وصارت تخرع شوي ولكن بعد في بعض الاسهم فيها خير مثل مجموعه د شراء من 305 الى 315 وبيع من 320 الى 330 والمستثمر د شراء 248 الى255 وبيع من 260 الى 270 وجراند شراء 300 وبيع 310 وجيزان شراء 255 الى 265 وبيع 270 الى 280 هذا راي من تجربه بالاضافه ان تداولهم اليومي طيب وتقدر تراجع صفقاتهم خلال شهر كامل وتشوف وتقارن وبالنهايه القناعه كنز لا يفنى يعني أهم شي تقتنع برزقك حتى لو كان قليل ولا تجازف ولا تتحسف :)اخوك بوعلي والله يوفقك
     
  3. saam

    saam عضو نشط

    التسجيل:
    ‏4 سبتمبر 2001
    المشاركات:
    445
    عدد الإعجابات:
    0
    مكان الإقامة:
    kuwait
    تسلم يا بوعلي الرد والاهتمام

    واتمنى ان رأى بقية الاخوان؟
     
  4. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    بضيف صكوك


    حبيت أضيف سهم صكوك الى القائمة ولاتنسى العراق القابضة .
    يعنى تقدر تطلب صكوك على 128 أو 130 وتبيع 134 أو 136 طبعا حسب السوق ، لأن السهم وراه صعده وبيعدل حاله لكن يبيله أشهر ، والله أعلم
     
  5. hassana

    hassana عضو نشط

    التسجيل:
    ‏10 مارس 2008
    المشاركات:
    1,644
    عدد الإعجابات:
    77
    مكان الإقامة:
    الكويت
    صحيح أخوي ملاك ( صكوك حلوه بعد للمضاربه اليوميه )
     
  6. boursachi

    boursachi عضو نشط

    التسجيل:
    ‏22 أغسطس 2007
    المشاركات:
    554
    عدد الإعجابات:
    0
    انا كنت اضارب على المال حق الوالد ما بين 300 الى 325 ولازلت اشوفه حبيــــــــب خاصة وانه مرجح للصعود بفضل التكهنات بربحيته واحكام التمييز الي صدرت لصالح مجموعته

    لكن من خلال متابعتي هالايام اعتقد ان قرين قابضة ممتاز للمضاربة بس للامانة ما دشيت عليه لحد لان .. حاطه تحت المراقبة عشان افهم حركته واعرف مايته
    ناهيك عن سعره الرخيص.. اعتقد ان الي فايد القرين هو انه يتحرك مع مجموعتين .. جلوبل (ومثل ما شايفين يالربع الحركة على قروبهم الاسبوع الي طاف) وايضا مرجح يتحرك مع قروب المشاريع لملكية الزمردة فيه والعلاقة وان كانت نفسية ما بينهم
    غير هذا.. هم القرين مرجح للصعود للتكهنات بارباح الربع الاول وتغيير نشاط الشركة .. والشركة في عام 2007 ارباحها تفشل من باب الصراحة .. لكن هذا يعطيك دافع للمغامرة ان معدلات النمو ستكون كبيرة جدا .. وهذا الشي ايضا بنيت عليه مضاربتي على المال

    واذا تبي سهم كل يوم يشيّشني وما عمري دشيت عليه .. قابضة مصرية
    ياخي اليوم تطل عليه 1040.. وبعد يومين 1140 .. والي وراه 1060 ويومين الا تشوفه 1120 ... ؟
    واحد من الربع قالي ان هذا السهم يعتبر مصيبة في السوق المصري .. دايما الاعلى تداولا وماني عارف ايش فيمكن لهذا السبب تشوف حركته عندنا جذي؟ ماني متأكد من كلامه الصراحة ..
    للاسف ان الكميات متواضعة جدا (اذا كنت تبي تضارب بمجازفة وكميات تتعدى الاربع وحدات يعني عشان العائد بالدينار يكون جيد في حال وفقك الله)

    مشكور على الموضوع واحب اشكر الشباب الطيب على لفت النظر على اسهم اخرى .. الصراحة احنا بحاجة لمواضيع نفس هذي يكون فيها النقاش بصورة عامة والتعرف على افكار الاخوان .. ملينا هواش ونجرة في صفحات الاسهم المتخصصة :)
     
  7. قنوع ؟

    قنوع ؟ عضو مميز

    التسجيل:
    ‏28 يونيو 2007
    المشاركات:
    5,577
    عدد الإعجابات:
    1
    مكان الإقامة:
    الكويت
    الصلبوخ افضل سهم للمضاربه :)

    نازل تكتين اشتر وبيع بسعر اعلى بتكه او تكتين :p
     
  8. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    افق القابضه

    الاستهلاكيه

    اخذ بالنازل وقط تكتين فوقهم
     
  9. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    حبيت أضيف

    حبيت أضيف منشأت سهم بيكون له أنطلاقة ممتازة ، حتى لو أنه ماصعد أن شاء الله مايخسرك وحاول انك تصيده بالسعر التالي 350 أو 360 ، توزيعته طيبة ووراه صعده حلوه ، ولاتنسى مبرد سعره حلو ومميز وأيضا حاول أن تطلبه بأقل الأسعار تقريبا بالـ 260 أو 270 فلس ، سهم محمل بالأرباح وتقدر تصبر عليه فترة بسيطه وتصرف بأعلى وهذه مجموعة أسهم أسلاميه .
    وغير اسلاميه مركز سلطان للعلم سهم جيد ومحمل أيضا بالأرباح وسعره المناسب 400 و 405 .
     
  10. الوافي ابو محمد

    الوافي ابو محمد عضو مميز

    التسجيل:
    ‏1 أكتوبر 2007
    المشاركات:
    6,146
    عدد الإعجابات:
    58
    مرحبا أخوي ميكانيكي ماهو السعر المناسب للشراء والبيع
     
  11. saam

    saam عضو نشط

    التسجيل:
    ‏4 سبتمبر 2001
    المشاركات:
    445
    عدد الإعجابات:
    0
    مكان الإقامة:
    kuwait
    تسلمون يا اخوان على الردود والمشاركة والاهتمام
     
  12. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    شرأيك بتوصياتي

    أخي الفاضل ، تابعت الحركة اليوم على الأسهم اللي ذكرتها لك
    منها صكوك ومنها منشأت ومنها ومبرد ، ،،،، أعتقد لو أنك شريت اليوم وبعت بنفس اليوم أن شاء الله بتطلع لك لقمة حلوة ، وللعلم تابع هالأسهم وأعمل كما أوصيناك .
    وبالتوفيق مرة أخرى .