شكرا أخوي ،،، بس ماهي الضمانات ؟؟؟ وهل هناك شخص يقدر يحدد لك نظافة السيارة قبل الشراء خصوصا القديمة ،،، وماهي أفرب الولايات وأفضلها من حيث الكلفة ؟؟؟ وكم تطلب أتعاب لهذي الخدمة ( طبعا لكل ولاية سعر حسب المسافة ) بس نبي سعر تقريبي خصوصا ان السيارة اللي راح أطلبها سعرها بحدود ال 15 الف دولار ،،، تحياتي ،،،
يمكن تقديم خدمة الوساطة لشراء سيارة من موقع ebay motors او اي موقع شركة سيارات او ديلر في امريكا . وفحص السيارة والشحن . تكلفة الفحص الشامل مع صور اضافية تقريبا : 250-300 دولار . تكلفة الشحن : سيارة في حاوية 20 قدم = 2800 دولار اكثر من سيارة في حاوية 40 قدم يتم توزيع التكلفة على عدد السيارات ، مثلا سيارتين تكلف كل سيارة تقريبا 1750 دولار تكلفة النقل الداخلي حسب المكان تقريبا من 400 - 1000 دولار عمولة المكتب = 1000 دولار . مدة الشحن تقريبا 60 يوم . طريقة دفع قيمة السيارة : يمكن ان يدفع المشتري الى البائع مباشرة في امريكا اذا كان يثق به ويعرفه او المكتب يقوم بذلك . دفع تكلفة الشحن والعمولة للمكتب . يحق للمواطن استيراد سيارة واحدة في السنة من اي موديل . يمكن ان يقوم المكتب بالاستيراد باسمه لصالح المشتري من موديل 2004- 2008 فقط يقدم المكتب خدمة فحص مبدئي للسيارة عن طريق موقع ::AUTOCHECK للتاكد من عدم وجود حوادث - وتكلفتها 10 دنانير للسيارة - وتعتبر مجانية في حال الشراء .
قيمه الفحص 300 دولار الشحن 2800 دولار نقل داخلي 1000 دولار عموله المكتب 1000 دولار يعني المجموع 5100 دولار خمس الاف دولار يعني لونحسبها بالكويتي تطلع تقريبا 2000 دينار كويتي !!! معقوله كل هالتكلفه هذي !!! يعني اذا بغيت اشتري سياره قيمتها الف دينار عشان اجيبها ادفع 2000 دينار غير سعرها !!! شباب شرايكم موجنه غالي حيل !!!
طيب واذا انا شاري سياره شلون يعني انطر احد يشحن سيارته معاي !!! هذا السعر ماتغير فيه شي يعني 2800 دولادر ونقووول فرضا كان في نقل داخلي هذا 1000 دولار والعموله 1000 دولار ولاتزعل المجموع4800 دولار = 1285.5633 دينار كويتي بعدين اخوي اكثر الطلبات على السيارات القديمه لانها نادره النظافه خصوصا بالكويت والجو الحار عكس الجديد متوفر وشاكرلك اذا بغيت اطلب لي سياره تقدر اتجيبها لي ؟
ممممممم تقريبا نفس سعر السوق او اكثر شويه تقريبا على هذا الحجي سعر الديره ارخص ؟ السياره سعرها هني 9250 جديده وبره 7200 تقريبا +2000 مستعمله
الموضوع كان رد على طلب من يعرف يطلب سيارة وليس من احسن الاستيراد او الشراء المحلي . وتم الرد والجواب حسب السؤال والطلب . ويمكن ان يتم وضع سؤال اخر عن ايهما افضل الاستيراد او الشراء المحلي للمشاركة في الرد . نصيحة ان يتم التركيز وعدم التعميم في الاجابة لانه غير صحيح ، والا لما استورد احد سيارة من الخارج .فهناك سيارات لاتستحق الاستيراد وتكون غالية واخرى تكون مناسبة وهناك اسباب اخرى للشراء غير السعر .
