........قصه محزنه وقصيده احزن.......

BMW2007

عضو نشط
التسجيل
17 مايو 2006
المشاركات
2,293
وهذي قصة رجل وله ثلاث عيال ماتت امهم وهم صغار وعيا الاب يتزوج

ثانيه خائف على عياله من المره الثانيه تعذبهم وتشقيهم و المهم

الرجال رباهم وتعب عليهم وكان يطلع من الصبح ولا يرجع الى بالليل

ونوبات يتاخر كله هذا على شأن يوفر لهم الاكل وكان كل ماطلع

خلاهم عند جاره يلعبون مع عياله وواذا جاء من المقناص سوالهم

العشى وعشاهم وكان ما يتعشى الا اذا شبعوا عياله وياكل من بقايا

اكلهم.

ودار الزمن وكبروا العيال وزوجهم ابوهم وشاب الاب الطيب ولا عاد يقدر

على القومه والطلعه الا بالمساعده المهم قامن حريم عياله يتشكن منه

لا زواجهن الين اجتمعوا العيال وكل يقول للثاني خله عندك حتى اجتمعوا

على راي واحد انهم يطردونه الاب مالقا غير جاره وعياله الاولين الطيبين

ورعوه وكرموه وطيبوا مكانه كأنهم عياله وقال الاب القصيده المذكوره

ودعوته المشهوره فيها المهم ....عياله ماتوا كلهم ولا واحد منهم خلف له

ولدوانقطع ذكرهم ونسلهم .....



وهذه القصيده:-


قال الذي يقرا بليا مكاتيب = ياللي تقرون العمى من عنـاكم


يا عيالي اللي تشرفون المراقيب = تريضوا لي واقصروا من خطاكم


خذو كلام الصدق مابه تكاذيب = مثل السند مضموم للي وراكم


يا عيال لا صرتوا ضيوف ومعازيب = ترى الكلام الزين ملحة قراكم


وتروا السبابه من كبار العذاريب = وهرج البلايس ما يطول لحاكم


المذهب الطيب فهو مذهب الطيب = والمذهب الخايب يبور نساكم


يا عيال ما سرحتكم باللواهيب = يا عيال ما عمر المعزب ولاكم


ياما توليت القبايل تقل ذيب = من خوف لا ينقص عليكم عشاكم


وياما شريت السمن من عرض ما جيب = يفزقلبي يوم يبكي حداكم


وياما قطعت من الفيافي العباعيب = ندور من صيد البراري غذاكم


يا عيال دوكم لحيتي كلها شيب = هذا زمان قعودنا في ذراكم


قمت اتوكا عوج المصاليب = قصرت خطانا يوم طالت خطاكم


عطوني القرضه عليكم مطاليب = عطوني القرضة جزى من جزاكم


لابد يوم عاوي دوني الذيب = بالقبر ما افرق طيبكم من رداكم


ماني بفاضحكم بوسط الاجانيب = با عمالكم يدرون كل اقرباكم


لو كان تدرون الردي والمعاييب = صرتوا مع المخلوق مثل خوياكم


خوالكم بالطيب تروي المغاليب = ولو تتبعون الجد محد شناكم


وش علمكم يا تاركين المواجيب = حسبي عليكم هالردى وين جاكم


يالله عسى اعماركم شمسها تغيب = يعتم قمركم ثم تظلم سماكم


يا علكم في حاميات اللواهيب = ياللي على الوالد خبيث لغاكم


شفت الجفا والحيف والغلب والريب = بضلوعكم لا بيض الله قراكم


اطلب عسى نساكم ما تحمل ولا تجيب = ولا احد من الوغدان يمشي وراكم


اخسوا خسيتوا يا كبار اللغابيب = اهبوا هبيتوا يقطع الله نماكم







وســــــلأمتكم وشكرا لكم. ((منقوله))
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
بارك الله فييك
 

رذاذ المطر

عضو نشط
التسجيل
15 مارس 2008
المشاركات
398
لاحول ولا قوة إلا بالله

يالله ......رضاك من رضا أميمتي...
 

ياسر الروقي

عضو نشط
التسجيل
11 يونيو 2007
المشاركات
3,829
الإقامة
بلدة طيبة ورب غفور
الحريم الله يقطع رودهم يقربون البعيد ويبعدون القريب الا من رحم الله
مشكور يا ابن العم على القصه والقصيده
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
لاحول ولاقوة إلا بالله ... والمشكله مو بحريمهم المشكله بالعيال الخسيسين :(
 
أعلى