الحنفية المضيئة .. حصريا لدينا :)

[شنواسمي]

سهم فسفوري بارك الله فيك

اخوي تاشو اعتقد عليك حق لما قلت سعر البضاعه يمكن الريال يايبهم بسعر غالي

انت كسرت في بضاعته مايجوز الله يسلمك

الله يرزقك اخوي ويبارك في حلالك وان شاء الله النفوس طيبه

 

[TaShOo]

انا علي حق عشان قلت سعر البضاعة ؟!؟!

وعادي لمن ايي واحد ويتعدي على الحقوق الحصريه ؟!!

هذا حقي واهوه اعتدى عليه

وانا ماقلت السعر عشان اطيح من سوق البضاعه
اشفيكم يا جماعة الخير
اقرو كلامي عدل
قاعد اقول محد يدري ضروف الطلبية شنو
والاخ ابو ريتاج واحد من الناس الي شرو مني من هالمنتج ترى

انشالله يبيع القطعه ب20 دينار الله يهنيه
المسأله مسألة انه يبي يطلعني ما اعرف ولا افهم بهالقطعه

وبما انه خالصه من عندي قلتله وين يروح يحصلها وجم سعرها بالضبط ويقدر يجربها او يشوف مواصفاتها

شغله انا فاهم فيها ويوم حبيت اعدله المعلومات يبي يطلعني ما اعرف غصب ؟!؟!؟

هل يجوز الغش والتدليس في المواصفات ونسب الحقوق الحصريه لنفسه ؟!!!

 

[SBr]

السلام عليكم

ماشاءالله سويتوا موضوع الرجال جات كتابي

TaShOo ممكن سؤال

المنتج هذا عندك عليه اوراق تثبت انه حصري لك

و اذا ثبت ذلك اشتكى على من تعدى على حقوقك

و اذا ما عندك اوراق تثبت يعني لا تقول حصري لك

و اخوي اللي عرض بضاعته هو حر بسعره و بمواصفات بضاعته

و ترا قطع الاعناق ولا قطع الارزاق اللي بيشتري من مرينا يدلها مو انت تقولهم

و اذا سعره مو عاجبك ياخوي غيرك عاجبه و بيشتري فلا تقطع رزق الرجال

و البضاعه مو حصريه لا لك يا TaShOo ولا لغيرك

و اسف على التدخل يا صاحب الموضوع

TaShOoاسمحلي اذا قلت كلمه غلط

 

[حطوير]

اخوي SBr انت واحد من الاثنين انما انك صاحب الموضوع الاصلي وداخل باسم ثاني
او تدافع من باب خالف تعرف

الان الاخ وضح وقال لا تقول حصريا
وهو اول شخص استورد البضاعه للكويت
وله الحق بذلك الا اذا فيه حد قبله
وهو لم يتباهي ويقول انها حصريه لي

فالاولي بالاخ انه لم يقل حصريا ويزايد بالسعر بشكل كبير ومبالغ فيه جدا بزياده تصل الي 110% !!!

وانلا شخصيا اشكر الاخ TaShOo لتوضيحه الامر لجميع المسلمين
وهذا امر مطلوب اما التدليس واغماض العين عن الخطأ الواضح البين وغش المسلميين
فهذ هو الامر المنهي عنه


وانا اقول الله يرزقه ويعطيه علي قد نيته

 

[al.dosari]

بالمارينا أغلى سوق بالكويت تنباع على 5 دنانير و850 فلس

وأخينا بالله دابل السعر علينا ب 12 دينار

ليش يعني شايفنا مغفلين ويبي يضحك على عقولنا !!!

والله انك يا أخ TaShOo طلعت شقردي والله يعطيك العافيه وبالعكس ياشباب المفروض من اي واحد هني بالمنتدى يشوف واحد قاعد يضحك على أعضائنا برفعه للاسعار بشكل مبالغ فيه المفروض يكشفه لنا ... شنو احنا ناقصين رفع أسعار الديره مولعه وحارقتنها معاها الواحد يادوب معاشه يلحق .. هذا غش مو رزق اذا واحد يبي يزيد يزيد بالمعقول مو دبل السعر وزياده !!!!

مانقول غير لاحول ولاقوة إلا بالله على الجشع

 

[kwaity1978]

شفيكم شبيتوا على الريال !
واحد يوضح السعر ويقول ان البضاعه جذي يا اخي هذي ارزاق ومن حق كل واحد يحط سعر غير مبالغ فيه , وفي فرق بضائع وفي ترزق يعني انا اول مره ادري ان في حنفيه بالالوان وان الموضوع جهاز صج اهل الصين ما خلو شي

وبالنسبه لصاحب الداخله عجبني اصراره على ان الموضوع مو حصري لكن الدخول بمتاهات ومنو جايب الموضوع اول المفروض يحط عنوان صفحة الموضوع وليس الدخول بمهاترات

وبالنسبه للاخ الي شايف البضاعه بالمرينا مشكور بروح اشوفها بس كسرت بالرجال لانك قلت السعر ومن الافظل لو لم تذكرها على العام والمهتم وحريص جم يدفع يروح المرينا ويشوف

انا مو ضد انك تحط بضاعه موجوده اصلا بالكويت بسعر طيب لان في ناس كساله ويبون الشي يوصل لي عندهم ببلاش !


وشكرا جميع اخواني على المداخلات

وحبيبي صاحب الموضوع نزل سعرك شوي تره الاعضاء يستاهلون وانا مافهمت هل اهيا حنفيه كامله او جهاز يركب على الحنفيه يعني في داعي اركب خلاط جديد ؟ وجم سعرك من الاخر ؟

واعذروني على التطفل

 

[TaShOo]

ارد على الاخ الي يدافع عن موضوع الحقوق الحصريه

انا لا اشتكي وولا شي والحمدلله كل شي يبين

الي ابي افهمه حق الاخ صاحب الموضوع لا يكتب انه اهوه الوحيد والحصري الي عنده وفيه ناس غيره قبله يبيعونهم بالديره

واذا تبي تعتبر اني مو اول واحد هذا شي راجعلك بس الحمدلله انا عارف نفسي وعارف شنو قاعد اسوي

المهم انه الريال بدعايته قال انه حصري حاليا موجود هذا اول شي
وثاني شي غش بالمواصفات وانا اخذتها بحسن نيه وقلت اعدله يمكن اهوه يكون مو قاري الي على العلبه عدل او موفاهم المكتوب بس اصر على كلامه ويقول شعرفني ومن هالسوالف

حبيت ابينله اني اعرف ومتأكد من كلامي فقط لا غير

الموضوع نهائيا مو موضوع سعر

يعني ما يرظيكم الريال تطلع عليه القطعه واصله الكويت 10 دنانير او حتى يكون فوق 12 وتبونه يبيع اقل من هالسعر

القطعه في موقعها الرئيسي قيمتها 35 دولار
وتختلف المواقع وقيمة الخصم الي يحصلونه
لو نفترض انه الريال شاريها من الموقع الرسمي يعني تطلع عليه بارضها 10 دنانير بدون رسوم اي شحن داخلي او خارجي حتى او رسوم جمركيه

هذا موضوع ثاني انا مو قاعد اتكلم فيه

انا اتكم عن موضوع المواصفات وسالفة انه عنده حصري

 

[kwaity1978]

والله ردك معقول بالتوفيق للجميع ولانحكم على النوايا

 

[SBr]

اخوي SBr انت واحد من الاثنين انما انك صاحب الموضوع الاصلي وداخل باسم ثاني
او تدافع من باب خالف تعرف

الان الاخ وضح وقال لا تقول حصريا
وهو اول شخص استورد البضاعه للكويت
وله الحق بذلك الا اذا فيه حد قبله
وهو لم يتباهي ويقول انها حصريه لي

فالاولي بالاخ انه لم يقل حصريا ويزايد بالسعر بشكل كبير ومبالغ فيه جدا بزياده تصل الي 110% !!!

وانلا شخصيا اشكر الاخ TaShOo لتوضيحه الامر لجميع المسلمين
وهذا امر مطلوب اما التدليس واغماض العين عن الخطأ الواضح البين وغش المسلميين
فهذ هو الامر المنهي عنه


وانا اقول الله يرزقه ويعطيه علي قد نيته

غش المسلمين

والله لو اني صاحب الموضوع مثل ما تقول جان مو هذا ردي

و بعدين لله الحمد انا معروف من غير هالامور بس بذمتكم رزق الرجال

وبعدين ما يخص اي واحد يتدخل بسعر البيع و خصوصاً اذا البضاعه مسعره ياخوي اذا ما تبي تشتري سكر الباب ورك

و انا اعتبر هذا الشي قطع رزق

و للعلم و محد يجبرني اقول هالشي بس والله العظيم مو انا صاحب الموضوع ولا اعرفه ولا ادافع عنه لأي غرض بس كلمة الحق تنقال

ارد على الاخ الي يدافع عن موضوع الحقوق الحصريه

انا لا اشتكي وولا شي والحمدلله كل شي يبين

الي ابي افهمه حق الاخ صاحب الموضوع لا يكتب انه اهوه الوحيد والحصري الي عنده وفيه ناس غيره قبله يبيعونهم بالديره

واذا تبي تعتبر اني مو اول واحد هذا شي راجعلك بس الحمدلله انا عارف نفسي وعارف شنو قاعد اسوي

المهم انه الريال بدعايته قال انه حصري حاليا موجود هذا اول شي
وثاني شي غش بالمواصفات وانا اخذتها بحسن نيه وقلت اعدله يمكن اهوه يكون مو قاري الي على العلبه عدل او موفاهم المكتوب بس اصر على كلامه ويقول شعرفني ومن هالسوالف

حبيت ابينله اني اعرف ومتأكد من كلامي فقط لا غير

الموضوع نهائيا مو موضوع سعر

يعني ما يرظيكم الريال تطلع عليه القطعه واصله الكويت 10 دنانير او حتى يكون فوق 12 وتبونه يبيع اقل من هالسعر

القطعه في موقعها الرئيسي قيمتها 35 دولار
وتختلف المواقع وقيمة الخصم الي يحصلونه
لو نفترض انه الريال شاريها من الموقع الرسمي يعني تطلع عليه بارضها 10 دنانير بدون رسوم اي شحن داخلي او خارجي حتى او رسوم جمركيه

هذا موضوع ثاني انا مو قاعد اتكلم فيه

انا اتكم عن موضوع المواصفات وسالفة انه عنده حصري

لا تعليق

 

[ahmadm]

غش المسلمين

والله لو اني صاحب الموضوع مثل ما تقول جان مو هذا ردي

و بعدين لله الحمد انا معروف من غير هالامور بس بذمتكم رزق الرجال

وبعدين ما يخص اي واحد يتدخل بسعر البيع و خصوصاً اذا البضاعه مسعره ياخوي اذا ما تبي تشتري سكر الباب ورك

و انا اعتبر هذا الشي قطع رزق

و للعلم و محد يجبرني اقول هالشي بس والله العظيم مو انا صاحب الموضوع ولا اعرفه ولا ادافع عنه لأي غرض بس كلمة الحق تنقال






لا تعليق

لا تعليق

 

[speed up]

انا اقترح اغلاق هذا الموضوع من قبل الادارة .. و الاخ صاحب الموضوع يسوي له موضوع جديد و خالي من الجدال اللي ما منه اي فايده ..

خلو الريال يترزق الله و تمنوا الخير حق غيركم علشان الله يرزقكم

 

[(-علي-)]

جم سعرك النهائي اخوي

 

[ملاك-77]

بالتوفيق

 

[شنواسمي]

اخوي تاشو كل هذا علشان حصري

والله خوش,,,,,,,,,, استاذي الكريم لا تضن باخوك غلط يمكن ماشاف موضوعك

انا اذا بغيت انزل موضوع اقرا جميع المواضيع هذا شي مو معقول واضح من عنوان الموضوع
الريال يبي يسوي دعاية


واذا كان الموضوع حصري لك عندك وكاله بالبضاعه


واخوي الدوسري لا تضن ان بعض الضن اثم


وتقبلوا مروري وان شاء الكل حبايب

 

[الحيشان]

السلام عليكم يا جماعه خلو الريال يترزق الله وخيكون في معلوم الجميع اللي ياخذ كميه من المصدر غير ولي ياخذ بلحبه غير ويمكن الريال ما خذهم من مكان ثاني زايدين السعر عليه يعني ما يبيع ابخساره وتحصل وايد يعني لما انا اروح محل في الصين واخذ بضاعه يمكن انت لما اتروح تاخذ البضاعه نفسها مو شرط يعطونك نفس السعر يمكن ازيدون عليك او انقصون وهذا وارد وهذا السوق ولي عنده كلمه طيبه يقولها ولا يسكت لان حرام تكسرون ابحلال الناس وانتو مو عارفين كم طالعه عليه الحبه لك خاطر تشتري اشتر مالك خاطر قول الله يوفجك واذا عندك تعليق يريت بينك وبينه علي الخاص علشان لا تكسر ابحلاله ومشكورين

 

[ahaji]

السلام عليكم ورحمة الله وبركاته


الحمدلله وحده .. والصلاة والسلام على من لا نبي بعده


أشكر جميع الأخوة اللي تكرموا ودخلوا على الموضوع .. !!


آن الأوان للتعليق



أولا :

سبق وتأسفت من الأخ توشي على الموضوع وقلت له ما شفت إعلانك .. ومو معقولة اذا بغيت انزل إعلان أدور بكل اعلانات المنتدى عشان أعرف اذا احد منزل نفس البضاعة والا لا .. !



ثانيا :

بالنسبة لكملة حصري .. أنا كتبتها لقصد الدعاية فقط ومادريت أنك منزل الإعلان .. وبعدين يا أخي البضاعة خالصة من عندك (على كلامك) يعني البضاعة موجودة عندي حصريا

وبعدين منت وكيلها بالكويت عشان تقول حقوقي واني اعتديت على حقوقك واذا فعلا انت وكيلها شلون دخلتها بالكويت أنا وغيري من المحلات على كلامك ؟؟

ياخي كبر عقلك .. محد من الأعضاء عمل الزعزعة هذه إلا أنت مع انه فيه اكثر من عضو يبيعون نفس المنتج ومحد اعترض على الثاني او دش بمخ الثاني وسوى الزحمة هذه إلا أنت .. !

واذا انت وكيلها أطلب منك إنك تصور الورقة اللي تثبت أنك وكيلها بالكويت .. عشان أعتذر منك وأسحب الموضوع قدام أعضاء المنتدى !



ثالثا :

ماله داعي نهائيا تخرب على أخوانك بالمنتدى (سواء أنا أو غيري) وتقول هذه تباع في المحل الفلاني أو المكان الفلاني ؟؟ (هذا يسمونه حسد وما يسمونه ذكاء)

اللي يبي يشتري من عندي أو من أي محل ثاني الله محييه .. أنا ما أجبر أحد على الشراء مني



رابعا :

بالنسبة للسعر .. هذا السعر بالنسبة لي أشوف أنه عادل جدا ومو مبالغ فيه .. !

وأنا مو قد المحلات الكبيرة اللي تشتر الكميات الضخمة عشان يطلع عليها رخيص .. أنا على قدي

أنا وراي شحن وتكاليف تليفون (محادثات مع المصنع في الصين) و إيجار ودفع رواتب



خامسا :

سبق وقلت لك أنك مو أفهم من المصنع اللي مصنعها .. وأنا عند كلامي .. لأن هذا كلام المصنع

وكل مصنع يقول المواصفات الي عنده .. !

وهذا كلام المصنع اللي أشتريت منهم بضاعتي



سادسا :

أشكرك على ترقيعك لسالفة السعر .. وانك تقول يمكن طالعة علي غالية .. لأنها فعلا طالعة علي بفلوس



سابعا :

كل هالشوشرة ماله داعي .. كان بإمكانك تنتقدني على الخاص .. وراح أتقبلها منك بكل رحابة صدر

بس الظاهر أنك تحب تبين للأعضاء أنك أبو المفهومية وأنك عارف كل حاجة



ثامنا :

أعتذر عن هذا الأسلوب في المعاملة سواء معك أو مع غيرك من الأعضاء .. !



تاسعا :

أتق الله يا أخي الكريم .. وأنا أسامحك وألتمس لك العذر



عاشرا :

أشكر جميع الأخوة مرة ثانية على مروركم وتعليقكم الإيجابي أو السلبي

وأرجو من بعض الأخوة .. أن يحسنوا الظن ببعضهم

فالأصل في الإسلام .. إحسان الظن بالمسلم

ومن لديه تعليق .. أرجو إرساله على الخاص .. وشكرا

 

[asd_asd44]

مع الاحترام لجميع من شارك في الموضوع
ولكن من ناحية شرعية فما فعله اخونا اشو صحيح لانه لا يجوز ان الانسان يبيع على انسان ما عنده سالفة عن البضاعة بأغلى من سعر السوق لذلك نهى الرسول صلوات الله وسلامه عليه أن يبيع حاضر لباد لان اللي جاي من البادية كان لايعرف السعر فيستغلهم بعض من أهل المدن او غيرها
وهذا للعلم مع احسان الظن طبعا بصاحب الموضوع

 

[كويت2]

الزبدة .. تبيعلي قطعه ب 3 دنانير أخوي ؟

 

[ahaji]

السلام عليكم ورحمة الله وبركاته

السعر ثابت أخي الكريم

وشكرا

 

[سهم فسفوري]

ahaji الله يوفقك ويرزقــــك