ايهما افضل التداول الاكترونى او التداول بالبورصه ؟

الموضوع في 'السوق الكويتي للأوراق الماليه' بواسطة تركى الثامر, بتاريخ ‏13 مايو 2008.

  1. تركى الثامر

    تركى الثامر موقوف

    التسجيل:
    ‏3 أكتوبر 2007
    المشاركات:
    78
    عدد الإعجابات:
    0
    ايهما افضل التداول الاكترونى او الحضور الى البورصه والتداول بها ؟ ارجو ذكر السبب
     
  2. abo ali

    abo ali عضو جديد

    التسجيل:
    ‏30 مايو 2004
    المشاركات:
    88
    عدد الإعجابات:
    0
    اتوقع بعد سنه ما راح نشوف شي اسمه التداول بالبورصه

    وراح تعمم فكره التداول الالكتروني
     
  3. رذاذ المطر

    رذاذ المطر عضو جديد

    التسجيل:
    ‏15 مارس 2008
    المشاركات:
    398
    عدد الإعجابات:
    0
    الالكتروني :)
     
  4. هداف

    هداف عضو نشط

    التسجيل:
    ‏16 أغسطس 2007
    المشاركات:
    316
    عدد الإعجابات:
    3
    لاحظ الفرق اخوي
    في السابق لمل كنت اتداول بالبورصة اروح بدري بنص ساعة علشان احصل مسفط(هذا اذا لقيت) وطبعا نص ساعة مشوار واذا لقيت مسفط يكون بعيد ومن غير مظلة ولما ارد (في الصيف ) القى السيارة تطبخ
    والله لايوريك الطلعة اشلون زحمة مع انتهاء الدوامات
    نروح حق التداول
    الشهادة لازم تكون معاك علشان تسلمها الوسيط يبيعها لك ولما يبيعها يعطيك شيك بالمبلغ وهم تروح مراجعة ثانية للبنك علشان تصرفة وتحطه بحسابك
    وطبعا لما تروح هناك لازم تشتري من كافتريتهم اللهم يديم النعمة اللي فوق هذا غالية مادري ليش
    غير هذا لما يكون عندك اسهم بحسابك نازلتهم منحة تراجعهم علشان تاخذ المنحة والكاش اللي يعطونك فيه جيك وهم تراجع البنك مرة ومرة ومرة
    اش لك بالطلايب
    التداول الاكتروني دلع واغلب المتعاملين فيه الشباب اللي يعرفون طريقته
    قاعد بالتكييف ببيتكم لابس البجامة ريوقك جنبك تشتري وتبيع بثواني والفلوس والمنح والكاش تنزل بحسابك بدون دوخة راس
     
  5. متطور

    متطور عضو نشط

    التسجيل:
    ‏30 ابريل 2005
    المشاركات:
    284
    عدد الإعجابات:
    0
    السلام عليكم
    عندي استفسار
    شلون تحول الاسهم الي شريتهم عن طريق الدلال الي حساب التداول الالكتروني

    وشكرا
     
  6. تركى الثامر

    تركى الثامر موقوف

    التسجيل:
    ‏3 أكتوبر 2007
    المشاركات:
    78
    عدد الإعجابات:
    0
    شكرا على اجابتكم . يعنى اللى موجودين فى البورصه كبار السن والله اليوم وقفت سيارتى وراء حسينية معرفى الشرقيه والجو حار
     
  7. nasy

    nasy عضو مميز

    التسجيل:
    ‏13 نوفمبر 2005
    المشاركات:
    2,359
    عدد الإعجابات:
    151
    مكان الإقامة:
    الكويت الحبيبه
    تروح للمكتب اللي تتعامل معاه وتطلب منه نقل اسهمك الى الشركه الجديده والنقل ما يتم بنفس الوقت ياخذ على الاقل ثلاث ايام اذا مو اكثر
     
  8. hassana

    hassana عضو نشط

    التسجيل:
    ‏10 مارس 2008
    المشاركات:
    1,644
    عدد الإعجابات:
    77
    مكان الإقامة:
    الكويت
    أتصدق عاد اخوي هداف صارلي اكثر من 8 شهور مشترك بالخليج ولا يوم تداولت عن طريقه أخاف أشتري وأغلط برقم مثلاً بدال خمسين الف أخاف أحطلي صفر زياده بالغلط اروح فيها ذيك الساعه وين اروح وين اوللي ما تقوللي إنت شمسوي وإذا الواحد غلط شيسوي ؟:rolleyes:
     
  9. الفايدة للجميع

    الفايدة للجميع عضو نشط

    التسجيل:
    ‏22 أكتوبر 2005
    المشاركات:
    1,168
    عدد الإعجابات:
    2
    ما في شك التداول الالكتروني أفضل وأريح للمتداول
     
  10. sporty72

    sporty72 عضو نشط

    التسجيل:
    ‏4 فبراير 2006
    المشاركات:
    1,680
    عدد الإعجابات:
    71
    مكان الإقامة:
    الكويت
    انا ودي من زمان احطلي تداول الكتروني بس الي اشوفه والي مخليني اتداول عن طريق البورصة ان متابعة الاسهم عن طريق البورصة برأيي الشخصي افضل بكثير للاسباب التالية :
    -جميع شاشات الاسهم جدامي يعني اقدر اتابع اسهم اكثر بنفس الوقت من التداول عن طريق شاشة صغيرة
    -شريط الاسعار واضح ومداه طويل وبالالوان وموجوده فيه معدل الارتفاع والانخفاض
    -اقدر اتداول بالكسور
    -مااحاتي ان يعلق معاي الجهاز او يهنق او الصفقة ماتتم انا وايد اسمع من الناس يواجهون مشاكل من هذا القبيل
    - الاسعار بالبورصة فورية ولحظية بعكس مانسمع ان بالتداول الاكتروني في تاخير بسيط او ماتقدر تحط الاوامر قبل بداية السوق
    ياليت الاخوان يوضحون لنا شنو المشاكل الي يواجهونها من حيث متابعة الاسعار عن طريق التداول الاكتروني ؟
    وشنو افضل شركات الوساطة للتداول الاكتروني ؟
    تقبلو تحياتي
     
  11. مفتاح

    مفتاح عضو نشط

    التسجيل:
    ‏4 مايو 2005
    المشاركات:
    663
    عدد الإعجابات:
    0
    مكان الإقامة:
    الكويت
    فرق السما عن الأرض :)

    من أشتركة في التداول الأكتروني وأنا مرتاح ... أنت دلال نفسك ... تقعد بالبيت منسدح ببيجامة النوم والشاي والقهوه يمك وتلفزيونك شغال واذا طلعت من البيت لاب توبك معاك ( بس لاتطالعه الا بأشاره أو وقفت )


    شقول .. والله فرق السما عن الأرض ... لو اللي بالبورصه يعرفون للكمبيوتر ماتشوفهم قاعدين ... وبيجي يوم البورصه تهوي مافيها احد
     
  12. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    فى الحقيقة 90 % من المتواجدين فى البورصه شياب وما يشترون ولا يبيعون بس قاعدين مسوينها دوانيه ، وانا لاحظت هذا الشئ بس قاعدين مبققه عيونهم على الشاشات ويرجع للبيت وكانه هامور وهو لا يشه ولاينش ، ولو تبى تدقق تعرف انه عنده كم سهم اكتتاب ,
    التداول الاكترونى افضل ولكن فى ناس توهقت ولها سوالف فى الغلطات والخسائر والتوهق .
     
  13. مدور الفوايد

    مدور الفوايد عضو نشط

    التسجيل:
    ‏5 أكتوبر 2007
    المشاركات:
    677
    عدد الإعجابات:
    0
    برايي الشخصي ان التداول عبر الكمبيوتر افصل مليون مره ولا عمري رحت حق البورصه الا مره وحده كان عندي مراجعه قريب من البورصه خلصت قلت خل اشوف البورصه الحقيقه دخلت اكسرو خاطري اكثرهم شياب ويشترون على الاشاعه من يقول لهم واحد اشترو في السهم الفلاني شرو والغريب ماشفت شاشه حق العرض والطلب ماشوف غير شريط الصفقات قاعد اسأل نفسي الناس هذي شلون يشترون من غير ما يشوفون العرض والطلب اعتقد سياستهم من يشوفون سهم عليه تداول قوي يدشون عليه اعتقاد منهم سوف يرتفع:D ... ماقول غير الله يكون بعونهم

     
  14. FOCUS

    FOCUS عضو نشط

    التسجيل:
    ‏5 مايو 2006
    المشاركات:
    675
    عدد الإعجابات:
    1
    مكان الإقامة:
    الكويت
    هذا الكلام يذكرني بسالفة قديمة عن الكاميرات وخاصة كاميرة الديجتال عند طهورها ... شقولون أصحاب الكاميرات عند ظهورها لا يبا خربوطه أخرطي كاميرا الفيلم أوضح اشلك بالديجيتل ... كلامهم يكون عدل قبل جم سنة :confused: أما الآن بعد ماوصلو 8 و15 مليون بكسل صارت تنافس كاميرا الفيلم وبجدارة ... وأغلب المعارضين يملكون الديجيتل الآن .... الخ ...

    ونفس الشئ بالتداول الألكتروني بداية ظهوره في سلبيات أما الآن ضبط وأغلب الشركات والبنوك اتجهت اليه وفتحوا وساطة إلكترونية كثيرة ... إيجابياتها تختصرلك الوقت بدال ماتروح البورصة ياخذلك وقت كثير .. أما الأن أنت في بيتك وفي سيارتك على الموبايل يمكن تتداول تضارب تبيع وتشتري أكثر من مرة بنفس اليوم والفلوس موجوده في محفظتك ... من غير بونات أوجيكات .... وأعتقد في المستقبل ماراح تروح الناس البورصة إلا قليل من الشياب والناس الأميين ....

    وشكرا لكم

    أخوكم فوووووكس .
     
  15. n5eeb

    n5eeb عضو جديد

    التسجيل:
    ‏7 فبراير 2008
    المشاركات:
    208
    عدد الإعجابات:
    0
    لاتخاف مادري لاتخافين المهم ,, بعد ماتحطين امر البيه او الشرا يطلع لج مربع مكتوب فيه الرجاء قراة الامر وتقريين المعلومات كامله وبعدين تظقطين ايقونه تحت مكتوب عليها ارسال الامر
     
  16. بو يوسف المبارك

    بو يوسف المبارك موقوف

    التسجيل:
    ‏16 ديسمبر 2007
    المشاركات:
    346
    عدد الإعجابات:
    0
    مكان الإقامة:
    الكويت
    يا شباب عندي سؤال بسيط واتمنى الرد عليه شنو افضل الشركات للتداول الاكتروني يعني انه مثلا متوجه لفتح حساب تداول عاالبنك الوطني فا حبيت اسال في شي افضل منه لانه في ناس ما مدحوه وامدحولي الاوسط برو او غيرها فا ابي اعرف الافضل
     
  17. الرسته جوكى

    الرسته جوكى عضو نشط

    التسجيل:
    ‏7 مارس 2006
    المشاركات:
    623
    عدد الإعجابات:
    0
    اولا يبين معاك الكميه اللى طالبها بدينار يعنى طالب سهم سعره 300 فلس 10 الاف سهم يبين انه المبلغ المستحق 3 الاف دينار ويبين على طرف العموله 4 دينار جذى السالفه سهله انت بس دقق عدل يومين وتعرف سهله كل شى بالعربي وعشان لاتغلط او تاخذ اكثر من المبلغ اللى عندك دق على التداول الاكتروني مكتب الخليج وقوله لاتحطلى طاقه شراء يعنى لايحطلك مبلغ اكثر من المبلغ اللى عندك وسلامتك وتعيش
     
  18. الرسته جوكى

    الرسته جوكى عضو نشط

    التسجيل:
    ‏7 مارس 2006
    المشاركات:
    623
    عدد الإعجابات:
    0
    عندك الخليج للوساطه انا اتعامل معاه صارلى 3 اسنين ممتاز
    وعندك بيت التمويل الكويتى يمدحونه
     
  19. بوبدوور

    بوبدوور موقوف

    التسجيل:
    ‏5 مايو 2008
    المشاركات:
    172
    عدد الإعجابات:
    0
    انصح الصراحه الاوسط برو كميفك ممتاز بكل شى
     
  20. sporty72

    sporty72 عضو نشط

    التسجيل:
    ‏4 فبراير 2006
    المشاركات:
    1,680
    عدد الإعجابات:
    71
    مكان الإقامة:
    الكويت
    يا شباب فيدونا شنو عيوب التداول الاكتروني ؟ وأيهم الأفضل ؟
    واذا ماتوفرت الاجابة نفتح لها موضوع خاص