@@ قطعة BandLuxe C120 ببرمجه جديده و سرعة 7.2 ميجا مع كفاله سنه @@

[وليد السعيدي]

السلام عليكم

اخوي عبدالعزيز انا اشتريت منك هذي القطعه من فتره .. وبصراحهت القطعه ممتازه ..


لكني لعبت بجهازي بالدوام ولغيت ملفات منه وبعدها حاول اعرفها من جديد ما قدرت ..

كل ما احط القطعه باليواس بي ما تطلعلي ..

ماني عارف طريقة البرمجه شلون ؟ لو ما عليك امر تشرحلي شلون اعرفها من جديد


وشاكرلك

 

[Abdulazeez]

أخوي بوسعود آنا أشك بكلامك "اسمحلي".....شريت القطعة قبل مدة من السعودية وعليها كفالة مرفقة ولمدة سنة...والكفالة تبديل القطعة مو تصلحها...

وأظن إنك ما تقدر تثبت إنه عندك وكالة في الكويت ولا موزع معتمد في الخليج...ولا راح انشوف إسم شركتك في موقع الشركة...والدليل الدكاكين اللي قاعد اتبيع عليهم.

ليش منتج راقي مثل هذا ومكفول ما ينباع بمحلات الالكترونيات والكمبيوتر الضخمة والمعروفة طقت يوريكا والغانم ؟ لأنك منت وكيل.

على كل حال الله يوفجك ويرزقك..بس ماله داعي أفلام وكيل بالكويت وموزع بالخليج..وقريبا اسم الشركة على سايت المصنع !!

السلام عليكم

أخوي كلامك مو بمحله

وراح أرد على كلامك حبه حبه

انت شاريها من السعوديه ودام سنه تبديل أكيد من احد الوكلاء عدل أو الموزعين

وفي شيء نسيت تقرأه ... تقدر تستلم من عندي قطعه خربانه وتروح تبدلها لي بالسعوديه عند موزعكم أو وكيلكم ؟؟ يعني تعطيني بدالها قطعه جديده راس براس ؟؟

هل عند وكيلكم أو موزع السعوديه صلاحيه فك أو برمجه أو تبديل برنامج القطعه بدون ما تطيح الكفاله ؟؟؟

هل عند موزعكم جميع برامج القطعه تساعد على إعاده برمجتها أو تبديل البرنامج بداخلها أو حتى كسر قفلها لو كانت مقفوله بالخطأ ؟؟؟

وثاني شيء أنا ما بعت على أي محل ولا دكان ... المحلات الي تمتلك القطعه هي بالنهايه فرع واحد لشركه صاحبي

بس بعت على محلين للكمبيوتر .. لأنهم معرفه أو عن طريق معارف

وإذا أنت ما أتعرف هل الشيء .. كل شخص أتصل علي وكلمني هني وطلب رقم وعنوان المحل .. يعرف أن الـ 16 فرع هم محل واحد ولهم نفس الإسم

بس في كم موزع مثل كاميو والهاتف الأوروربي وغيرهم ... أعتقد هل الإسمين مو محلات سكراب إذا عندك معرفه بهل شيء

أمـا كلامي أنه ماعندي وكاله أو شيء ... فلو سمحت إذا أنت عند كلمتك وأتعرف تقرأ إنجليزي تواعدني اليوم بالليل وأخليك تقرأ ورقه الوكاله الغير حصريه والي لنا الصلاحيه بتسويق القطعه وعرضها وعمل إعلانات رسميه لها والتصريح ببيعها لأي مشغل خدمات ونقال بالعالم ..

مو من واجبي أني أعرضها على المنتدى هني ولا راح أعرضها يمكن .. بس أنت تكلمت وأنت طلبت وإذا أنت عند كلمتك تعال وأعطيك نسخه منها ... بس عشان تكحل عيونك و أرجو تكون عند كلامك ؟

بس أنا بغير كلامكي و رأيي وعرضت نسخه مرسله قبل ما ترسل بالبريد .. أقرئها عدل اوكي

يعني مو بس كلام طبعته وكتبته بالمنتدى هني وتروح تمشي وتسكت .. الرجال يكون عند كلمته دام كان على خطأ أو صح .. وناطرك اليوم وبكرا بعد إذا تقدر .

أما بالنسبه لكلامك ليش ما بعته على يوريكا أو الغانم ... فيبين من كلامك أنك ما أتعرف السوق عدل موليه

أخوي أعطيك 100 حبه كتجربه وإذا قدرت تبيعهم على يوريكا كاش بعطيك نص الربح بجيبك ... بس للعلم عشان أتعرف يرويكا مثلا ما تشتري و تعرض بضاعه عندها موليه كاش

يوريكا كمثال لازم تعطيهم البضاعه ويحطون عليها ربحهم وبعد البيع يعطونك فلوسك وقت تسكيره الحسابات والميزانيه عندهم .. يعني أصبر كم شهر فهمت

لاتقول شنو دليلك .. تبي دليل روح أي فرع وكلم مديرهم

قدرت أوصل حق المدير العام عن طريق واحد يصير له ... وهل الشخص عرفني عليه نسيبه وكان زبون إشترى مني القطعه

المشكله أنه طلب أكثر من 30% من البيع .... يعني مو الربح البيع .. يعني شغلك ماشي بالرشوه

والغانم شغلهم ألعن بدون ما أدش بالتفاصيل

قبل ما أنســى ليش الإسم بالسايت تأخر .. السبب : المدير العام للمبيعات .. وعدني لو زرت تايوان راح يسهل للشركه الكثير من الأمور ومنها تعجيل وضع إسم الشركه

والمشكله السفر لازم تروح دبي وبعدها تايلند وبعدها تايوان ... وبالأخير أنا رب عائله مو فاضي دواره على الطياره بروحي
--------------------------------

وبالأخير قبل ما تكتب شيء أو تقول أفلام وكيل بالكويت وما راح نشوف إسم وكيل الكويت وما أدري شنو ... ودامك ضيف داش المنتدى

تكون محترم وأتعرف تتكلم معاهم بدون تشهير

ورقه الوكاله الغير حصريه مرفقه نزلها وأقرأ .. وقبل ما ترجمها غلط في ناس غيرك أتعرف تنزلها وتقرئها

وللعلم ما أقول نص بس أقول أكثر من كم شخص ومحل من السعوديه قام يشتري من الكويت بكميات كبيره وجمله ويعرضها عندكم .. لازم يكون عندك علم بهل الشيء

وأنا عارف جم سعرها عندكم ... وللتأكيد إحنا بالجمله أرخص موزع بالعالم ومن السعوديه نفسها

يعني كافي أن ماعندكم أحد يبيعها أقل من 580 ريال ... عدل كلامي

بسبب كبر وكثرة المنافسه ... ما أقدر أفصح عن سعر الجمله لا بالدينار أو الدولار أو حتى الريال ولاحتى عن أسماء المشترين

يا أخي أكسب إحترام الناس قبل ما تشهر فيهم ... يا تقول كلام طيب يا أنك تسكت

تسجل جديد بالمنتدى وتكتب لك رد بس عشان التشهير والتخريب

الله يعينك على نفسك بس

بالتوفيق

 

[Abdulazeez]

السلام عليكم

اخوي عبدالعزيز انا اشتريت منك هذي القطعه من فتره .. وبصراحهت القطعه ممتازه ..

لكني لعبت بجهازي بالدوام ولغيت ملفات منه وبعدها حاول اعرفها من جديد ما قدرت ..

كل ما احط القطعه باليواس بي ما تطلعلي ..

ماني عارف طريقة البرمجه شلون ؟ لو ما عليك امر تشرحلي شلون اعرفها من جديد

وشاكرلك

أخوي عندك كم حل

أنك تودي الجهاز عند الورشه بالفحيحيل وراح يبرمجها لك الفني ويبرمج لك الكمبيوتر لو تبي

أو أنك تواعدني على اليوم بالليل أو بكرا عشان أشوف بنفسي

 

[وليد السعيدي]

مشكور اخوي عبدالعزيز بس درب من الجهرا لي الفحيحيل

 

[Abdulazeez]

مشكور اخوي عبدالعزيز بس درب من الجهرا لي الفحيحيل

مو مشكله هم عندي لك حل

سلمها لفرع النسيم أو الواحه إذا المشكله بالقطعه

أما إذا كانت المشكله بالكمبيوتر والتعريف .. فعندك حل تمر علي البيت وماراح أقصر إن شاء الله

أتصل علي بكرا الصبح

 

[q1888]

ابو سعود الرجاء الاتصال انا صارلي اسبوع ادق ورقمي 9022091

 

[q1888]

ارجو الاتصال 9022091 اخو عبدالعزيز انا ابي محلك اي صوب

 

[Abdulazeez]

ارجو الاتصال 9022091 اخو عبدالعزيز انا ابي محلك اي صوب

السلام عليكم

أنا آسف ... الصدف أخوي هي المشكله

الوقت الي تتصل فيه أكون نايم أو مو عند التلفون

على العموم يبين أنك متصل علي مره اليوم على الساعه 2

راجع الخاص أخوي دزيت لك العناوين

 

[Abdulazeez]

للرفع​

 

[alqreeb2]

السعر ممتاز الصراحه الله يوفقك

O_O ?

 

[Abdulazeez]

O_O ?

نعم آمــر أخوي

عندك ملاحظه أو تعليق أو شيء ...

 

[alqreeb2]

عندك ملاحظه أو تعليق أو شيء

نعم آمــر أخوي

عندك ملاحظه أو تعليق أو شيء ...

لاوالله اخوي عبدالعزيز ما عندي شي الا سلامتك بس ملاحظه بسيطه
مثل انت واقف في الحراج تبي تشتريلك سياره ويمرك واحد ماله شغل
ويقول والله سياره سعرها رخيص يجوز هذا اما القطعه انا ما اعرف عنها
شي بس شفتها عند واحد من ربعي ويمدحها والعلم عند الله لك كل الود
والله يوفقك ويرزقك الرزق الحلال

 

[صالح 78]

45 شراي ابي 3 حبات
7838290

 

[باركر]

الاخ العزيز عبدالعزيز ياليت لو تسويلنا عروض وخصومات على القطعه مثلا لمدة اسبوع

 

[ahmadm]

عرض

الاخ العزيز عبدالعزيز ياليت لو تسويلنا عروض وخصومات على القطعه مثلا لمدة اسبوع

نفس كلام الاخ يا ريت عرض لأعضاء المنتدى مثل باقي المنتديات في كل دول العالم.

 

[صالح 78]

45 ابي 3 حبات

 

[صالح 78]

7838290

 

[Abdulazeez]

لاوالله اخوي عبدالعزيز ما عندي شي الا سلامتك بس ملاحظه بسيطه
مثل انت واقف في الحراج تبي تشتريلك سياره ويمرك واحد ماله شغل
ويقول والله سياره سعرها رخيص يجوز هذا اما القطعه انا ما اعرف عنها
شي بس شفتها عند واحد من ربعي ويمدحها والعلم عند الله لك كل الود
والله يوفقك ويرزقك الرزق الحلال

أول شيء آسف بالتأخير على أي رد منك ... بصراحه توني راد من السفر تعبان

وكافي مده السفر مع الترانزيت أكثر من 15 ســاعه

======================

كلام طيب ورد أطيب منك

الله يوفقك دنيا وآخره

شوف أخوي .... الأخ the2nd ما أعرفه إلا هني عن طريق المنتدى كمشترك بمواضيع البيع والشراء

وكلامه مجرد رأي صريح منه والقطعه إن شاء الله تستاهل سعرها وممزياتها

 

[Abdulazeez]

45 شراي ابي 3 حبات
7838290

أخوي آسف على التأخير بسبب السفر

تستاهل .. بكرا أتصل علي بعد صلاة الظهر

 

[Abdulazeez]

الاخ العزيز عبدالعزيز ياليت لو تسويلنا عروض وخصومات على القطعه مثلا لمدة اسبوع

نفس كلام الاخ يا ريت عرض لأعضاء المنتدى مثل باقي المنتديات في كل دول العالم.

السلام عليكم

إن شاء الله أول ما يرجع صاحبي من السـفر راح أكلمه وأسوف شنو رده ورأيه

مهما يكون بالأخير هو صاحب الحلال الأول