موستانج دوريه بالكويت

[السراي]

نظره أوليه لفورد موستنج 2008 مطور لإستخدام دوريات الشرطه بالكويت.بقوه حصانيه 500.
http://www.5car5.com/press_news_details_ar.aspx?news_id=19

 

[zoya_y]

ممممممم ... ازقــرت والله ... سيارتـــي المفضله ​

 

[malek]

قوية

نظره أوليه لفورد موستنج 2008 مطور لإستخدام دوريات الشرطه بالكويت.بقوه حصانيه 500.
http://www.5car5.com/press_news_details_ar.aspx?news_id=19

جاكم الذيب ,,,,,,,, هلا هلا رحتوا فيها يالورعااااااان بعد ماكو زيوت بالشوارع من اليوم ورايح ماخلو زيت حق المطبخ بالبيت ، مازولا وغيره كل عطله تشوف كل واحد تاله قوطي ورايح يستعرض ، يعني صايدينكم صايدينكم ,,,,,,,, كملت ـ أتوقع شرطتنا مايقصرون بس يشوفون بنية ، بيقومون بالواجب وينسون أنهم راكبين دورية وتأخذهم غريزتهم بالفطرة ويطيحون له إستعراض .....
بس تهقون يصيدون البورشه ه ه ه ه ه ه ​

 

[متفائل محبوب]

h,tv pg, اوفر حلو وايد

 

[السراي]

في تحديث لصور دورية شارجر ودورية أودي.

ديرتنا بترول وخرده.. ليش ما يسوون دوريات فيراري ولمبورجيني بعد

 

[عاشق سدني]

المشكله ان الى الان في درويات شرطه صني وهونداي موديل التسعينات وسكراب

 

[ALSERHAN]

!!!!!!!!! زادوا المخالفات وكشخوا على حساب العالم...!!!

 

[ابو عيسى]

لوووووول يالسرحان ومشكور صاحب الموضوع ويالله خل يستانسون الضباط بهالدوريات

تذكرني اول ما نزلوا دورية البي ام دبليو ما يسوقها إلا ملازم اول تالي يوم كرفوها قطوها على الشواصي

يبي يردون ايام الشباب الشرطه مقاوم

 

[malek]

الصبح اليوم كان موجود على المسنجر شفته وكلمته

المشكله ان الى الان في درويات شرطه صني وهونداي موديل التسعينات وسكراب

عادي لاتستغرب يخلونهم حق السواق وحق الفشله جدام العالم​

 

[اطفـــائي محترق]

يعطيك العافيه اخوي السراي على الموضوع الطيب
والله خوووش مواتر
شكلي بقدم استقالتي من الاطفاء وبروح الداخليه علشان اسوق هالسيارات الكشخه

 

[السراي]

انا اعتقد ان راح يفشل هذا المشروع لان شنو راح يصير لما هالموستانج يروح صبحان مثلا ويلحق الشباب اللي يتسابقون.. مثلا راعي كورفيت انحاش ولحقه الموستانج ووصلوا سرعة فوق 200 بعدها راح يبتون الكورفيت على هذه السرعه العاليه عشان ينحاش والنتيجه الله يستر.. مثل السياكل لما كانووا يطاردونهم وايد شباب توفوا من الحوداث وبعدها طلعوا قانون ان ممنوع الدوريات تطارد السياكل.. فقاموا الشرطه يلبسون ملابس مدنيه ويتربصون لهم ويصيدونهم عند اشارات المرور بغفله.

 

[yoyo1983]

أبو الدرداء رضي الله عنه ( أي حكيم كان )

متى تكون موجوده بالكويت ؟

 

[السراي]

حاطين صور جديده للموستانج
http://www.5car5.com/press_news_details_ar.aspx?news_id=19

 

[مطاري]

يا اخوان العبره مو بالسياره العبره بالى داخل السياره
قبل الغزو الغاشم كنا نخاف نرتعب من الشرطه والدوريات وكانت الدوريات نوعين البي والعقرب
البي شكلها جنها صنى والعقرب شفر يدش بالطوفه يهدمها
لكن الهيبه كانت من الناس الى بالدورية الى اهم افراد الشرطه كان حزم ومصداقيه وكنا معجبين بشخصية الشرطى كان كفؤ وكان يحسسك انك تكلم وكيل وزاره
مو الحين الشرطى قاصلى سبايكي والبنطرون مخصره والنظاره ماتطيح منه وياليت الشكل بس الى اتغير جان غضينا النظر لكن المضمون تغير
قبل الدورية تفتر انتا مدرك انها لحمايتك
الحين الدورية تفتر لسبب واحد فقط تتصيد مخالفات
ومنظر شفته عالدائر الخامس بعمرى ماراح انساه لانى يصراحه حدى نقدت عليهم 12 دورية تقريبا مطفين الليتات وكل واحد يحذف بتوين بين السيارات عشان يصيدون الى يتكلمون بالنقال واذا شافه يتكلم يبطل ليتاته مع الفلشر كانه صاد ايمن الظواهري المتهم الثانى فى تفجيرات امريكا
المسكين راعى السياره تفاجي قام يطق بريكات وافتلت منه السكان ولسان حاله يقول من وين طلعلى هذا
هالامور اهى الى لازم ننتبه لها تدريب الفرد اعداده نعلمه مهارات التعامل مع عامه الناس
مو نركبه سياره متروسه تقنيه واهو فارغ من الداخل
مانقول الكل لكن للاسف الاغلبيه والله يصلح حال البلاد والعباد

 

[boalons]

حق التقحص

 

[سلطان الخليج]

تنفيع بتنفيع

 

[Camaro]

على افاك يامواطن ويامقيم