مبتدئ يطلب النصيحة

الصبر زين

عضو نشط
التسجيل
17 يناير 2004
المشاركات
357
بسم الله الرحمن الرحيم


إخوتي الكرام

انا مبتدئ

أو سأكون مبتدئا في الاسهم عن قريب


اخوكم

الصبر زين ...... أسعى للدخول لسوق الأسهم


وأسأل عن البداية كيف تكون


أولا .... كيف أدخل في بورصة الكويت .... سمعت أنه لا بد من اشتراك معين >>>> انا حتى لا أعرف عنوان البورصة :D


ثانيا ...أنا سأبدأ بمبلغ عشرة آلاف كويتي >>> فهل هذا كافي للبداية ؟؟.


ثالثا ... ما هي الأسهم التي تنصحوني بها ؟

أنا لا أحبذ الاستثمار الطويل ..... بل البيع والشراء السريع أقول هذا حتى أسهل عليكم إرشادي لنوعية الأسهم ....

من هاب الريح اللي بيرد على اسئلتي :D ؟؟
 

almotaktak

عضو نشط
التسجيل
4 فبراير 2004
المشاركات
356
الإقامة
الكويت
صناعات وطنية واتحاد عقارية

أخي الكريم كلنا مبتدئون ولكن سبقناك بعامين في البورصة ولدغنا منها وكسبنا فأنصحك أن تشكل استثماراتك قسم في الأسهم الممتازة مثل الصناعات الوطنية وقسم في أسهم العقارات وأرشح سهم الإتحاد العقارية فأرباحه قريبة وسعره مناسب وسبق أن وصل إلى 320 فلس أما الأسهم المضاربية فهي بيني وبينك تخوف مثل سهم الكيبل التلفزيوني اللي ارتفع من 80 فلس إلى 570فلس اليوم فهذا شيء غير صحيح وفيه مخاطرة كبيرة ولك الإختيار اسمع منتي ومن غيري وصل واستخير واتوكل على الله وندعولك بالتوفيق
 

ميثاق

موقوف
التسجيل
1 فبراير 2003
المشاركات
595
الصبر زين حياك الله
بكل بصاطة روح للبورصة الدور السادس عند الشركة الكويتية للمقاصة وقلهم ابي افتح حساب تداول في البورصة واعطه البطاقة المدنية فقط و3دنانير يعطيك وصل تراجعهم اليوم الثاني يعطيك بطاقة باسمك وفيها رقم التداول مالك.
بعدهااا تروح لمكاتب الوساطة الي موجودين في القاعة الرئيسة والدور الثاني اي مكتب تحب روح له (الخليج للوساطة المالية) وقله اشتر لي في الشركة الفلانية راح يقدم لك عليها ولما يشتريها لك وتم البيعه اليوم الثاني تحول الفلوس في حساب الشركة الكويتية للمقاصة في البنك الي تعامل معه وتجيب شيك مصدق بذالك وتعطيه مكتب الوساطة المالية ويعطيك شهادة بالاسهم اللي شريتها وهكذااااااا
:) :)
اما بخصوص الشركات والاستثمار فيها ما اعرف والله فيها بس انصحك في الوطنية للاتصالات تراها ممتازة وسعرها زين الحين 2740د.ك

مع السلامة
 

ابو غانم

عضو نشط
التسجيل
19 ديسمبر 2003
المشاركات
1,288
أخوي الغالي اذا أشغالك كثيره ودوامك مايسمح لك تطلع كثير .

أنا أنصحك لاتروح للسوق ولا الدور السادس ولا الدور العاشر :) مع أحترامي لاخوي ميثاق وهذا رأي طبعا .

أنصحك تروح لشركة الأوسط وتفتح حساب بخمس دقايق وبعدها تحول لهم فلوسك وتحط عندهم رقم حساب بنكك اللي انت عليه ... وبعدها توكل على الله .... ولاتشوفهم ولايشوفونك .. وتبيع وتشتري بالتلفون أو عن طريق الانترنت وربحك تبيه يجيك في حسابك تسوي تحويل الى بنكك بالمبالغ اللي تبيها وخلصنا :

وهذا موقعهم على الانترنت https://www.alawsat.com/servlet/ControllerServlet

أما عنوانهم تلقاه في مبنى البنك العقاري الرئيسي اللي مقابل المباركية في السوق داخل .... الدور العاشر .

تلفونهم 2245099

طبعا ماهي دعاية لهم بس مرتاح معاهم والله .
 

ميثاق

موقوف
التسجيل
1 فبراير 2003
المشاركات
595
ابوغانم جزاك الله خير...
انا اسمع في الاوسط بس مادري اذا اقدر اتداول في بورصة الكويت .

ممكن توضح لي طريقة الشغل معاهم لانه انا احيانا ما اقدر لا اروح ولا اجي والسبب الدواام.
مثل مافهمت من كلامك..
@ افتح حساب في الشركة الاوسط.
@ اعطيهم رقم حسابي في بنكي.

واذا ابي اشتري او ابيع بالتلفوون ؟؟
كم العمولة ؟؟
وشلون معاملتهم يتجاوبون معاك بسرعة او في اهماال ؟؟

ياليت توضح لنا كل شيء عنهم جزاك الله خير
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
الاخ الصبر زين

مساك الله بالخير بخصوص المبلغ دير بالك يكون المبلغ الي معاك ياثر عليك اذا خسرت

يعني لازم تدخل كبدايه بمبلغ بسيط بالنسبالك حتى لو تخسره عادي بعدين لما تتعلم على السوق تكثر الجيله
;)
 

الفهلوي

عضو مميز
التسجيل
22 سبتمبر 2003
المشاركات
4,254
الإقامة
في قلب أمي
مرحبا اخوي ميثاق

اسمحلي اشرحلك عن الأوسط

1- مراحل التسجيل عندهم:-

* الحضور شخصيا عندهم في مبنى البنك العقاري

* احضار البطاقه المدنية وبطاقة السحب الألي فقط .

* لا يشترط ان يكون لديك اشتراك في البورصة .

* يقوم الموظف بأعطائك رقم خاص ( رقم محفظة ) خاص بك وحدك

* تقوم بإختيار رمز خاص بك مع رقم سري للتداول .

* يعطيك الموظف ارقام الحسابات الخاصة بهم التي تحول لها اموالك .

=============

2- اول خطوات الدخول للبرنامج :-

* تحول المبلغ لهم من حسابك وتذكر رقم محفظتك على وصل التحويل

* ترسل نسخه من الوصل للأوسط عن طريق الفاكس

* تقوم بتنزيل برنامج الأوسط برو عن طريق الأنترنت من موقع الأوسط

https://www.alawsat.com/servlet/ControllerServlet

* سوف تجد ان البرنامج يعمل وتم تفعيله وبعدها يمكنك ان تشتري

ماتريد من الأسهم بدون انتظار او تأخير

* لن تحتاج ان تتصل على احد وقد يرد عليك وقد لا يرد ، او تكون الخطوط مشغوله

* واذا لم يكن لديك كومبيوتر تستطيع ان تتصل بهم وارقامهم كثيرة

* ملاحظه : جميع خطوطهم مراقبه ويتم تسجيل الصوت بها ، وذلك حماية لحقوق الطرفين انت وهم .

===============


3- العمولة

* دينارين ونصف فوق عمولة السوق سواء بيع او شراء


===============

4- تقييم الشخصي للأوسط

* ممتاز وجعلني انسي حتى مكان البورصه




والسلام ختام:D
 

ابو غانم

عضو نشط
التسجيل
19 ديسمبر 2003
المشاركات
1,288
أخي ميثاق

أخونا الفهلوي لم يقصر بكل شي ... وأحب أزيد أنه في حساب واحد تستطيع التداول فيه في السوقين الأمريكي والكويتي .... وبالنسبة للرد على التلفون ماأذكر أني مره تعقدت منهم او مايردون .. على العكس من الاتصال الأول يردون عليك ويعملون لك كل شي تبيه ... معاملتهم طيبه ومريحه جدا .. وعلى فكره اذا أخونا نسا مكان السوق أنا ماعمري دخلت مبنى البورصة بتاتا :)
 

ميثاق

موقوف
التسجيل
1 فبراير 2003
المشاركات
595
جزااك الله خير وكثر الله من امثالكم.
 
أعلى