@@ زين واخر قراراتها ( تمادت فهل من موقف )@@

التسجيل
19 فبراير 2006
المشاركات
827
--------------------------------------------------------------------------------

السلام عليكم

ان لم تستحي فاصنع ماشئت





ينطبق المثل على شركة زين

مسوية شبكة واحد لعدة دول ( العراق _الاردن _ البحرين و السودان) و السعودية بالطريق يونيو القادم تعرفة الاتصال بدون تكاليف الاتصال الدولى او التجوال باهض التكاليف لاي من مستخدمى الشبكات بهذة الدول

وتاركة الكويت والكويتين والمقيمين بهالبلد

المعاملة والتفرقة واضحة

مع ان الفضل لله ثم للكويت واهلها وحلالهم فيما وصلت الية لاكن مع الاسف هذا ماصنعتة


نعم للمقاطعة كوسيلة ضغط حتى تعامل الشركة المذكورة الكويت بالمثل

واتمنى من حكومتنا اتخاذ اجراءات تجبر هذة الشركة على معاملة الكويت بالمثل او التضيق عليها والتسريع باجراءات الشركة الثالثة للاتصالات

شارك برأيك فى كيفية الرد والمعاملة لهذا الظلم
 
التسجيل
24 يناير 2008
المشاركات
201
اخي الكويت معاهم ماظنتي بيضعون لنا قانون لوحدنا ماتدخل العقل
وحتى لو لم تفعل هذا الامر تحتاج شركة زين بعض الطراقات عشان تحترمنا وكذلك الوطنيه للاتصلات
يعني الى مته والدقيقه عندنا ب40 فلس لازم تنزل هذي التسعيره الى اقل شي 30 فلس
 

Madridi

عضو نشط
التسجيل
28 يناير 2008
المشاركات
1,691
الشركة ماراح تحرم اهلها وتقط خيرها بره

لكن شنقول على القرارات الداخلية

والشاطر يقهم
 
التسجيل
19 فبراير 2006
المشاركات
827
اخي الكويت معاهم ماظنتي بيضعون لنا قانون لوحدنا ماتدخل العقل
وحتى لو لم تفعل هذا الامر تحتاج شركة زين بعض الطراقات عشان تحترمنا وكذلك الوطنيه للاتصلات
يعني الى مته والدقيقه عندنا ب40 فلس لازم تنزل هذي التسعيره الى اقل شي 30 فلس

مشكور على الرد ولو انى اخالفك الرأى

الحكومة تعجبك كافى طردتهم للبحرين اهى موطردة بالمعنى الصحيح لاكن لان الحكومة لم تتساهل بسالفة شركة الاتصالات الثالثة وايضا بضعط من مجلس الامة لما شركة زين عارضة وسوة حملة وان لاتوجد جدوى اقتصادية وان الكويت لاتسع لثلاث شركات اللة يذكره بالخير وليد الطبطبائى قال تعليق مميز فى خضم الحملة ضد اقرار الشركة الثالثة ( هل فية احد يستشير الزوجة الاولى انى بتزوج عليج وتوافق يعنى شركة زين ) وتم بيع الرخصة الثالثة على شركة الاتصالات السعودية تقريبا مليار دولار دخل على خزينة الدولة هذا غير اكتتاب الكويتيين اللى راح يتم خلال شهر او اكثر السهم بمية فلس ويتوقعون ينباع بدينارين اذا مو اكثر
 

blkhard

عضو نشط
التسجيل
3 مايو 2008
المشاركات
22
للعلم الموافقة على الدخول في هالشبكة ينطلب موافقة وزارة المواصلات لكن وزارة المواصلات بالكويت رافضتها لأته تحصل مدخول جيد من الاستخدام الدولي..........
 

Madridi

عضو نشط
التسجيل
28 يناير 2008
المشاركات
1,691
للعلم الموافقة على الدخول في هالشبكة ينطلب موافقة وزارة المواصلات لكن وزارة المواصلات بالكويت رافضتها لأته تحصل مدخول جيد من الاستخدام الدولي..........

هذا القصد من مشاركتي السابقة :)



وبالنسبة لرد الأخو:


الحكومة تعجبك كافى طردتهم للبحرين اهى موطردة بالمعنى الصحيح لاكن لان الحكومة لم تتساهل بسالفة شركة الاتصالات الثالثة وايضا بضعط من مجلس الامة لما شركة زين عارضة وسوة حملة وان لاتوجد جدوى اقتصادية وان الكويت لاتسع لثلاث شركات اللة يذكره بالخير وليد الطبطبائى قال تعليق مميز فى خضم الحملة ضد اقرار الشركة الثالثة ( هل فية احد يستشير الزوجة الاولى انى بتزوج عليج وتوافق يعنى شركة زين ) وتم بيع الرخصة الثالثة على شركة الاتصالات السعودية تقريبا مليار دولار دخل على خزينة الدولة هذا غير اكتتاب الكويتيين اللى راح يتم خلال شهر او اكثر السهم بمية فلس ويتوقعون ينباع بدينارين اذا مو اكثر


شركة زين كانت تبي تنقل ادارتها لخارج الكويت مو بسبب شركة الاتصالات الثالثة

أسباب عديدة وكثيرة اهمها انه سوق الكويت لا يناسب الانفتاح على العالمية ومسيس
 

blkhard

عضو نشط
التسجيل
3 مايو 2008
المشاركات
22
موبس جذي أخوي....للعلم الى اليوم قوانيننا الأقتصادية ما تعدلت علشان تفتح بابك على العالم...والبحرين معروفة انها مركز تجاري عالمي تقدر زين تفتح من هناك على الدول كلها لأن قوانينها تسمح
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
الله يخلي الوطنيه :D
 
التسجيل
19 فبراير 2006
المشاركات
827
للعلم الموافقة على الدخول في هالشبكة ينطلب موافقة وزارة المواصلات لكن وزارة المواصلات بالكويت رافضتها لأته تحصل مدخول جيد من الاستخدام الدولي..........





مستحيل ان وزارة المواصلات ترفض اخوى عطنى دليل ان كلامك صحيح
وبعدين اهى شبكات تملكها الشركة الكنترول عند زين وربطها مع بعض حق لهم







هذا القصد من مشاركتي السابقة :)



وبالنسبة لرد الأخو:





شركة زين كانت تبي تنقل ادارتها لخارج الكويت مو بسبب شركة الاتصالات الثالثة

أسباب عديدة وكثيرة اهمها انه سوق الكويت لا يناسب الانفتاح على العالمية ومسيس

بالنسبة للنقل للبحرين اعتقد تم والسبب زعلانة على الزواج من الثالثة وسالفة الانفتاح العالمى هذا للتغطية واتوقع بيردون او يغيرون موقع المركز لان البحرين مكلفة يمكن لدبي وتذكر هالحجى
 

blkhard

عضو نشط
التسجيل
3 مايو 2008
المشاركات
22
موضوع الرفض مو من اليوم واذا تراجع تصريحات البراك كانت واضحة بهالخصوص...ومافي أى مسؤل من وزارة المواصلات رد عليه بأن هذا الكلام مو صحيح,,,والشي الثاني ان الشبكات والموجات كلها تحت سيطرة وزارة المواصلات وأي خدمة جديدة لازم تمر بموافقة...الشي الثالث ليش معطين الشركة السعودية أكبر من حجمها...ترى ما تعادل ربع زين...بعدين احنا المفروض نفتخر ان شركة كوييتية توصل الى انها ترعى مهرجان 46664 العالمي و يشوف العالم كله اسم الكويت
 

Madridi

عضو نشط
التسجيل
28 يناير 2008
المشاركات
1,691
بالنسبة للنقل للبحرين اعتقد تم والسبب زعلانة على الزواج من الثالثة وسالفة الانفتاح العالمى هذا للتغطية واتوقع بيردون او يغيرون موقع المركز لان البحرين مكلفة يمكن لدبي وتذكر هالحجى


اخوي البراك لما اقروا الشركة الثالثة قال انه السوق ما يتحمل شركة ثالثة بس راح تدفع السوق للتنافس ونفس الشي بالبحرين قال نفس الكلام

تره الشركة الثالثة ماتبين جدام زين

بس معطينها هالة إعلامية كبيرة علشان اكتتابها والربح من وراها الي راح يحصل إن شاء الله


ما تلاحظ انه بره الكويت كل شركات الاتصالات عندهم خدمات عديدة وكثيرة وعجيبة غريبة مو موجودة عندنا لا بالاتصالات ولا بزين

تعتقد هالشي من الشركتين ؟؟

بعدين البراك من زمان ينتقد قرارات واسلوب السوق الكويتي ويقول انه مايشجع على التنافس ولا الانفتاح من قبل الشركة الثالثة
 

blkhard

عضو نشط
التسجيل
3 مايو 2008
المشاركات
22
ماشي وسع صدرك معاي وراح ارد عليك نقطة نقطة.....تقريبا 25% من زين تملكه الحكومة هل تعتقد انها تنتقل لو هيئة الاستثمار مو شايفة ان فيه مصلحة..... بعدين ترى ارباح زين مو بس من خدمتها اللي تقدمها بالكويت تري ما تجي شي من الارباح اللي تدخل من برة....اما بالنسبة للخدمات اللي تقدمها الشركات برة لا تنسى ان هذي الشكات تقدم بعد خدة التلفون المنزلي و تجني منه ارباح كبيرة في أكثر دول الخليج مثل السعودية و قطر و البحرين و الامارات ...شوف أخر عرض بالسعودية مع كل خط منزل تحصل تشترا ك انترنت dsl.....وقيس عليه
 

بوغمازات

عضو نشط
التسجيل
15 مايو 2007
المشاركات
2,416
ماكو الا العافيه انشالله :) شكو اقاطع شركه عشان تعريفه :confused: وخطي صارله 7 سنين عندي :confused: الوضع طبيعي :)
 

blkhard

عضو نشط
التسجيل
3 مايو 2008
المشاركات
22
كلامك كله عدل....اقاطع شركة كويتية عشان 10 فلوس واحط فلوسي بشركة قطرية أو سعودية؟...أهل الكويت أولى فيهم
 
التسجيل
19 فبراير 2006
المشاركات
827
اقاطع لما تكون ماتعاملنى الشركة كمستخدم حالى حال غيرى من المستخدمين للدول الاخرى

اقاطع لما تكون تنظرى ككويتى والله مرهى علي وحلال هالمكاسب الفاحشة منى ( اعلى تعرفة للدقيقة )

اقاطع لما تكون الكويت الوحيدة فى العالم اللى يحسب على الاتصال الدولى لما يكون داق عليك

اقاطع لما يتم دمج شبكات الدول اللى حوالينا الا الكويت

وبعدين استغرب الدفاع المستميت من بعض الاعضاء وردودكم بهالطريقة
والغير مقنعة تخلينى اعرف منو اللى قاعد يرد على وصدقونى بس تفتح الاتصالات الثالثة حتى موظفين الشركة راح يتجهولها اذا ماكان فية معاملة مختلفة لهم وخصم خاص ماندرى عنة وكلامى هذا من واقع تجربة الاتصالات بالسعودية سواء موبايلى الاماراتية او الاتصالات السعودية الدقيقة سعرها عجيب

وهذا سبب الهلع اللى صاير لزين منها
 

Madridi

عضو نشط
التسجيل
28 يناير 2008
المشاركات
1,691
اقاطع لما تكون تنظرى ككويتى والله مرهى علي وحلال هالمكاسب الفاحشة منى ( اعلى تعرفة للدقيقة )

الوطنية اعتقد أغلا من زين

اقاطع لما تكون الكويت الوحيدة فى العالم اللى يحسب على الاتصال الدولى لما يكون داق عليك


الاتصالات تسوي هالشي ولا اهو هجوم فقط على زين ؟



بالنهاية ما أدري ليش الهجوم هذا على زين ؟؟


فقط احقاقاً للحق لا تفكر اني شغال فيها أو شيء من هذا القبيل

:)
 
التسجيل
17 يونيو 2005
المشاركات
952
انا كنت مشترك بالوطنيه وقاطعناهم
واشتركت بزين وفواتير وصراحه غاليه مو حاله 200 دينار بالشهر
واللحين بكنسله واخليه ايزي
وبشوف شيصير
 
التسجيل
19 فبراير 2006
المشاركات
827
الوطنية اعتقد أغلا من زين




الاتصالات تسوي هالشي ولا اهو هجوم فقط على زين ؟



بالنهاية ما أدري ليش الهجوم هذا على زين ؟؟


فقط احقاقاً للحق لا تفكر اني شغال فيها أو شيء من هذا القبيل

:)



واضح جدااا انك مو شغال فيها بس ليش ما تعترض مثلى على هالوضع يعنى عاجبك اللى ذكرته شئ محير

وبعدين من قالك ان الوطنية افضل ايضا الوطنية لقت القرعى ترعى وسايبة فسوت نفسها ولازم يتم معاملتها ايضا بالمثل
 

blkhard

عضو نشط
التسجيل
3 مايو 2008
المشاركات
22
الأخ سهم استراتيجي أولا دفاعي عن زين لأتها شركة كويتية 100% مو مثل غيرها وللعلم انا حتى اسهم ما لي فيها...بعدين وضحتلك ليش ما قدروا يدخلون الكويت ضمن الشبكة...وانت حر في اللي تحب تستخدمه...بس بالنسبة لي الفلوس اللي بدفعها مكالمات أحسن تروح حق شركة كويتية 100% مو قطرية أو سعودية....واذا الله عطانا عمر وياك ذكرني اذا الشركة السعودية شغلت الخدمات اللي تقدمها بالسعودية من غير ما تسويها زين أو الوطنية
 

(فزاع)

عضو نشط
التسجيل
18 ديسمبر 2007
المشاركات
4,472
الإقامة
.. الكون ..
اقاطع لما تكون ماتعاملنى الشركة كمستخدم حالى حال غيرى من المستخدمين للدول الاخرى

اقاطع لما تكون تنظرى ككويتى والله مرهى علي وحلال هالمكاسب الفاحشة منى ( اعلى تعرفة للدقيقة )

اقاطع لما تكون الكويت الوحيدة فى العالم اللى يحسب على الاتصال الدولى لما يكون داق عليك

اقاطع لما يتم دمج شبكات الدول اللى حوالينا الا الكويت

وبعدين استغرب الدفاع المستميت من بعض الاعضاء وردودكم بهالطريقة
والغير مقنعة تخلينى اعرف منو اللى قاعد يرد على وصدقونى بس تفتح الاتصالات الثالثة حتى موظفين الشركة راح يتجهولها اذا ماكان فية معاملة مختلفة لهم وخصم خاص ماندرى عنة وكلامى هذا من واقع تجربة الاتصالات بالسعودية سواء موبايلى الاماراتية او الاتصالات السعودية الدقيقة سعرها عجيب

وهذا سبب الهلع اللى صاير لزين منها





واضح جدااا انك مو شغال فيها بس ليش ما تعترض مثلى على هالوضع يعنى عاجبك اللى ذكرته شئ محير

وبعدين من قالك ان الوطنية افضل ايضا الوطنية لقت القرعى ترعى وسايبة فسوت نفسها ولازم يتم معاملتها ايضا بالمثل




عدل كلامك ..
ويعني علشان ان الشركه كويتيه ..؟ تقعد تحرقني حراق ..؟
اذا الموضوع جذي .. انا اقول يا هلا بالشركات السعوديه والاماراتيه والقطريه وحتى الهنديه ..!
 
أعلى