فنادق في دبي

[kinghamad]

منو عنده فكره عن فندق في دبي شبابي ورخيص .

 

[ولد عطا]

عندي فندق عائلي ومافيه اي مشروب ولا ديسكو ومحترم اسمه فندق الشرق بجن دوار السمكه مقابل فندق كلاريج وسعره معقول وانصح انك تسكن فيه انا كل ما اروح دبي اسكن فيه وعائلي ومايسكنون شباب ورقمه 0097142227775 وشكرا وترجع بسلامه

 

[ALSERHAN]

بشارع الرقه شقق فندقيه أسمه السيف عقب لفه فندق لوتس على اليمين..

ب 700 درهم بس غرفتين وصاله ومطبخ و3 حمامات وأنت بكرامه..

 

[بوزييز]

تبخص مكان بدبي بسوق نايف فنادق عزابية رخيصه او احسن منهم شقق فندقيه بشارع الرقه

 

[(طموح وقنوع)]

احسن شقق فندقية بدبي الضيافة
واحسن فندق رينيسانس بشارع ابو بكر (قريب من الرقة والمرقبات)روعة وعلى ضمانتي من ناحية الهدوء والرقي.وفي واحد ارخص شوي اسمة كورال ديرة محافظ ومافيه مشروب وكلام فاضي وطبعا كلاهم خمس نجوم.
اما الفنادق الصغيرة الشبابية ماانصح فيها الا اذا مجرب.تخوف شوي.
في فنادق رخيصة جدا بسوق مرشد (مثل قصر ديرة)بس لك على نضافتهم شوي.
بالتوفيق​

 

[ولد عطا]

عندي فندق عائلي ومافيه اي مشروب ولا ديسكو ومحترم اسمه فندق قصر الشرق بجنب دوار السمكه مقابل فندق كلاريج وسعره معقول وانصح انك تسكن فيه انا كل ما اروح دبي اسكن فيه وعائلي ومايسكنونه شباب ورقمه 0097142227775 اخذ اسويت عباره عن غرفه ومطبخ وحمام وصاله وترجع بسلامه ان شاء الله

 

[zoya_y]

 

[برميت]

والله في شقق فندقيه خووش شي يم برجمان

الاول اسمه قولدن سن

والثاني اويسس كورت

واسعارهم وايد حلوه عباره عن شقه مكونه من غرفتين الي ثلاث غرف وحمامين وصاله ومطبخ ودار غسيل