بسافر تركيا

الوسواسي

عضو نشط
التسجيل
29 فبراير 2008
المشاركات
157
يعطيكم العافيه ابي اسأل عن شقق مفروشه في اسطنبول و بورصه مجربه وامان وشكرا
 

مطاري

موقوف
التسجيل
22 مايو 2008
المشاركات
110
روح فندق احسن لك اسطنبول كلها حراميه وعموما كل عاصمه بالدنيا يتجمع فيها العاهات ديربالك
 

السوق توافيق

عضو نشط
التسجيل
11 أكتوبر 2007
المشاركات
1,131
اتمنى لك رحلة سعيده ان شاء الله ،،،

وانصحك بمدينة ترابزون بتركيا حيث جمال الطبيعه وطيبة الناس،،،

وعلشان تستفيد اكثر عن ترابزون وما حولها اضغط ـــ هنا
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
تروح وترد بالسلامه اوخيي :)
 

الوسواسي

عضو نشط
التسجيل
29 فبراير 2008
المشاركات
157
الله يعطيكم العافيه ومشكورين على تعاونكم المثمر
بس انا ابي المزيد من المعلومات عن بورصه واستنبول الأني محدد المنطقتين واذا احد رايح من قبل شقه مفروشه ومناسبه يدليني عليها الأنا معاي عائلتي كبار وصغار واخوي مطاري لا تخرعنا
 

Madridi

عضو نشط
التسجيل
28 يناير 2008
المشاركات
1,691
أخوي انا هم مابي أخرعك لكن النصيحة واجبه علي

الحذر ثم الحذر من تركيا

شعبها شوي لك عليه


يعني عادي مثلاً تعطيه 100 دينار مثلاً

يقولك انت عطيتني 10

بواقين وايد بالشوراع

الأفضل تطلع مع أحد الأشخاص مثلاً تعرفهم بتركيا أو تطلع نظام جروبات سياحية



كطبيعة وآثار وخصوصاً الآثار الإسلامية ماشاء الله المنطقة تستاهل الزيارة، والجو حلو

لكن غالية


تروح وترجع بالسلامة والله يحميكم
 

مطاري

موقوف
التسجيل
22 مايو 2008
المشاركات
110
هلا

اخوى انا رايح تركيا ست مرات مرتين مع الاهل ومرتين تجاره ومرتين فندقه وزندقه يعنى سياحه مع الربع
بما انك بتروح مع الاهل بقولك انا شسويت انا اعرف الاتراك مايتفاهمون عصبيين ومالهم خلق لحد وعلى ادنات الدون يعصبون عشان جذى لازم تضبط نفسك من المكاتب هنى بحيث انك ماتحتاج لحد هناك
انا حجزت الفندق وحجزت معاه سايق من الاسكندرون والاسكدرون هذا لواء الاسكندرون يتكلمون عربي حجزت السايق مع السياره وكان معاى طول الرحله من نزلت المطار لقيته كاتب اسمى مع الى يستقبلون وطبعا كان رقمه معاى خذانا من المطار سيدا للفندق قعدنا اول يومين واخر يومين باسطنبول واسبوع فى بورصه ويومين بازمير تقريبا قعدنا اسبوعين
اسطنبول ترى ماتصلح حق عوائل يعنى لا تفتر فيها ليما تكون تعرف وين رايح
بقولك وين تروح باسطنبول
1- مسجد محمد الفاتح
2-ايه صوفيا
3-قصر محمد كمال اتاتورك
4-سوق طوب قابي
5-قلاع العثمانيين
6-مدينة الملاهي بوسط اسطنبول
7- شارع التقسيم هذا سوق متطور وفيها مطاعم عجيبه وهنى متروس حرامية ديربالك اربط وسطك بشماغ على البوك لا ينسرق
هذى تقريبا اسطنبول
رحلتك حق بورصه
--------------------
تروح حق شركة اسمها يولوسوي
على بحر مرمره
تحجز بالعباره عشان تروح بورصه
طبعا كل شي رخيص هناك والعباره مدت رحلتها ساعه ونص
اول شي يمرون جزيره صغيرة اسمها جزيرة الاميرات جزيره مالها مثيل بالعالم
ممنوع السيارات هناك ولا التكييف ولا فيها مصانع وممنوع اى شي يلوث كل شي ممنوع عشان جذى بصراحه جزيره روعه المره لما شافتها دقت مركابه قالتلى مابي طالعه من هنى
فلل روعه وشاليهات وناس محافظين وسيلة المواصلات هنى خصان وحمار وحنطور بس
يصعدون فيك حق اعلى جبل تشوف اقدم كنيسه بالعالم وترد تتمشي فيها سوقها في اشياء قديمه وشعبيه راح تستانس
المهم تخلص تركب العباره وتكمل حق منطقه اسمها على ما اعتقد ادانه هذى قبل بورصه ما اوصيك عندهم حمامات تفريك وعندهم احواض سمج اسود صغير ياكل اللحم الزايد بالجسم تشوف نفسك تضحك من غير اي سبب لا تنقد على نفسك لان كل الى يمك يضحكون لان السمك يدلدغ
تطلع تاخذ شاورما صح شاورما صمون فرنسي تكفيك يومين انتا والاهل مو عندنا الشاورما تحلف عليها بس ماتاكلها
تتمشي شوي وبعدها تطلع على بورصه وما ادراك مابورصه
تلفريك وطبيعه خلابه وجو بديع تعرف قهاوى حولى مو يحطون رذاذ ماى بالقهاوى
فى بورصه الرذاذ ربانى طول ما انتا ماشي فى رذاذ بارد يرش عليك من السما بورصه عائليه بصراحه ماتشوف فيها شي يضيق خلقك
اخر التلفريك فى مطاعم شوف اقرب مطعم عالبحيره فى شايب ظخم شاربه ولحيته بيضه قوله ابي اغدى غزال
يوديك حق شبك ورى المطعم فيه غزلان تختار الغزال الى انتا تبيه
جدامك يذبحه ويسويه لك اربع اصناف
صنف تكه صنف كباب صنف ريش وصنف كفته
طبعا قبل لا يوصل الطلب تكون المقبلات تارسه الطاوله ايشي فتوش واشي تبوله واشياء اول مره اشوفها بس حلوه
تخيل عاد البحيره فيها بجع وبط وتاخذ من طاولتك وتقط عليهم ياكلون
والشجر ينزل منهم سناجب شحلو اشكالهم
موعندنا كل مطعم يطلعلك منه عتوى حول ينطرك متى تخلص
لا يبه هناك غير
واخر شي ترد تتسوق من اسطنبول وترد للحر والغبار وكانك يابو زيد ماغزيت
بس انصحك نصيحه قض البصر هناك لان اجكر وحده هناك تشبه لميس
اذا قعدت تحز صدقنى لسان حالك يقول العن ابو العجله ليش استعجلت وتزوجت نصيحه خلك عالتلفريك والتمشي بس ورد واسف عالاطاله
 

الوسواسي

عضو نشط
التسجيل
29 فبراير 2008
المشاركات
157
أخوي انا هم مابي أخرعك لكن النصيحة واجبه علي

الحذر ثم الحذر من تركيا

شعبها شوي لك عليه


يعني عادي مثلاً تعطيه 100 دينار مثلاً

يقولك انت عطيتني 10

بواقين وايد بالشوراع

الأفضل تطلع مع أحد الأشخاص مثلاً تعرفهم بتركيا أو تطلع نظام جروبات سياحية



كطبيعة وآثار وخصوصاً الآثار الإسلامية ماشاء الله المنطقة تستاهل الزيارة، والجو حلو

لكن غالية


تروح وترجع بالسلامة والله يحميكم
تسلم على النصيحه الطيبه الي راح احطها بالي على طول السفره عاد بروحي وسواسي
بس ابي الحين الأفاده بشقق المفروشه وشكرا لكم جميعا
 

ALSERHAN

عضو نشط
التسجيل
25 فبراير 2007
المشاركات
2,289
تروح وترجع بالسلامه..:)
 
أعلى