سيناو 2000

[AL-WATTAR]

--------------------------------------------------------------------------------

للبيع سيناو بحاله ممتازه جدا
استعمال خفيف
مع كامل معداته الاصلية
اريل للبيت
2اريل للسيارة
اريل للجهاز نفسه
شاحن بيت
شاحن سيارة
جلده حماية للتلفون

مدى التوصيل ما بين50 الى 100كيلومتر
ملاحظه سعره جديد 400 دينار
سعر البيع 200دينار للجادين فقط
ت:7708501​

 

[عبدالعزيز-كويت]

السلام عليكم ورحمة الله وبركاته
اخوي متى تاريخ الشراء ؟
وهل معاه كفاله ؟
هل اقدر اشبك عن طريقه بالنت اذا كنت مثلا بعيد عن البيت 10 كيلو ؟؟
وجزاك الله خير

 

[AL-WATTAR]

بسم الله الرحمن الرحيم
أعتذر عن تأخيري على ردكم
الجهاز ما فيه كفالة واستعملته تقريبا لمدة شهر و نصف
ولا أعلم كيف طريقة الشبك
وتاريخ الشراء
5/2008

 

[الــو ا ر د]

يعطيك العافيه اخ الوتار بس حبيت استفسر من وين اشتريه جديد ولما انت استعملته هل يختلط بالموجات الاخرى ؟؟
هل المكالمه صافيه وهل صحيح المسافه اللي كاتبها؟؟
واذا خرب وكالته بالكويت تصلحه اقصد هل لها ورشه؟؟

وجزاك الله خير

 

[AL-WATTAR]

السلام عليكم......
أخوي الوارد يعطيك العافيه وتامر أمر بس الجهاز ماله وكالة بالكويت بس انا اقدر اعطيك رقم شخص ملم بتلفونات السيناو وعنده قطع غيار له ويعطيك كفاله على شغله ,وسؤالك الثاني اذا كان يوصل المسافة الي انا ذكرتها من قبل نعم ممكن يغطي مدينة الكويت بشرط انك ترفع الويلس (الهوائي) مسافة كافيه والجهاز مشفر يعني محد يقدر يدش عليك وحياك الله يا الوارد.

 

[q8taub]

50 دينار
قابل للزياده الي نصف إذا صافي صوت

 

[AL-WATTAR]

q8taub مساك الله بالخير يا خوي تستاهله بلاش بس والله يسوى أكثر زيد بعد و حاضر و تامر

 

[العقيد]

110دينار

 

[AL-WATTAR]

السلام عليكم......
مساك الله بالخير يا العقيد زيد بعد شوي على السعر الي انت الحين حاطه والجهاز يكون لك انشالله ترى والله الجهاز حيل نظيف ويسوى أكثر وسامحنا ياالغالي وشكرا لك.

 

[r77a]

اخوي الجهاز مو ممنوع هني بالكويت .؟
والا عادي استعماله مسموح .؟
وبالنسبة لاريل البيت كم طول الواير اللي معاه
وبالنسبة لسعره جديد تقول 400 دينار وين بأي مكان
ما عليه سامحني كثرت عليك الاسئلة
ناطر جوابك يالغالي

 

[AL-WATTAR]

يا خوي انا كنت شاريه من الامارات و وما ادري اذا ممنوع او لا

 

[falehh]

salam all

يعطيك العافيه اخوي اسمحلي اقول ان التليفون هذا ادخل في شريحة اللي اهي الخط مالي ولا على خط البيت ولا شلون طريقته

 

[ورق خسران]

هلا بوسامي شلونك

 

[Fishta]

انا بيتنا باليرموك اذا ويوصل شاليهنا في بنيدر والصوت واضح اشترية منك ب 200


شقلت

 

[كويتي ماركة]

والله شباب انا ما اعرف الريال لكن عندي نفس الجهاز

زحاب اخط لكم خبرتي فيه

انا بيتنا بالشاميه

كان يوصل معاي لغايه القرين او ابعد شويه بعد و بعدها يبلش يخرخش

بس انا حاط اريل طوله تقريبا 7 متر فوق السطح

عموما الى بيتهم بجانب البحر يعطيه مسافات اكثر

وبالنسبه حق شبك الانترنت هذا الجهاز ما يشبك في موديل نزل بعده اهو الى يشبك

بشكل عام الجهاز ممتاز حق الى ما يبي مخاسير وفواتير

ويعطيك 50 كيلو تقريبا

 

[AL-WATTAR]

اخواني الاعزاء....

الي انا اعرفه ان كل ما رفعت الويلس الي ينحط على السطح يعطيك مسافة اكثر واعرف ناس حاطه ابراج بس عشان يغطي مدينة الكويت كلها تقريبا مسافة بعيده
ومشكور و ماقصرت اخوي كويتي ماركة صح لسانك أن اشهد انك ماركة


وعسى الله يغفر لنا خطايانا وزلاتنا قولوا أمين ...أميييييييييييييييييين يا رب العالمين.

 

[key_larg]

-

السلام عليكم انا عندى نفس الجهاز وحاط الاريل برتفاع 3 امتار بالشاميه
يوصل معاى الى شاليهات الدوحه وشكرا للجميع

 

[باب عوود]

السلام عليكم
انا عندي نفس الجهاز كنت مستخدمه من قبل 6 سنين
الحهاز قوي جدآ و ابعد حد وصلت فيه الظباعيه ورافع الاريل
فوق البيت 10 متر مغطي تقربنآ الكويت كلها
وانا ساكن بكيفان وممكن تقوي الارسال والاستقبال
بتركيب له امبلي فاير وتحصله عند الشركه سيناو بدبي
لاني شاريه منهم ومركب له اريل على السياره قوة 9 ديبي
واي استفسار عنه انا حاضر

 

[الهــاوى]

اسلام عليكم ..

انا عندى الجهاز حاليا .. بارتفاع 7 امتار فوق البيت فى العارضيه .. اكلم من هديه صافى اذا رفعت الاريل بس تطلع خرفشه بسيطه اذا تحركت .. ومرات اكلم فيه من جبد .

يعنى 20 - 25 كيلو اكيد بالاريل العادى وفوقها مثل ما قالوا الاخوان يحتاج تقوية الارسال ..