http://www.itechdynamic.com/en/products_spec.asp?cid=1&pid=01041 أفضل سماعة استخدمتها شريتها من اسبوع أو أقل تقدر تشبك جهازين عليها تصدر صوت لما يجيك اتصال لها زرين الي بالجهاز نفسه حق التحكم بالصوت وفي لها زر بالسماعة علشان ترد وتسكر ، واذا دسته مرتين وره بعض تلقائي يتصل بآخر رقم سعرها 14 بس خذيتها من صاحبي ب12 اللون الأبيض واللون الأبيض عليه طلب وايد بالتوفيق
عزيزي بوفهد إدخل على الرابط التالي : http://www.sonyericsson.com/cws/products/accessories/overview/hbh-ds205?cc=ae&lc=ar#specifications واتمنى أكون خدمتك . وبالتوفيق
يمكن نوع الجهاز عندك مأثر عليها عموماً لحد الآن حلاوة معاي وفي اللحين خمسة من ربعي خذو منها حتى رفيجي قالي مو قاعدين نلحق عليها وصراحة كانت تقطع معاي على أجهزة الآي فون والآي ميت بس السوني والنوكيا والإيركسون شغالة حلاوة بالتوفيق للجميع
والله اخوي السماعة الي قالوا عنها الاخوان جداا ممتازة بسس مشكلة سماعات البلوتوث انهم يخلصون شحن التليفون بسرعة !! عكس السماعات العادية توفر الشحن احيانا بالتوفيق انشالله
ابوفهد لاتدور بعد هذي السماعه احسن و احلى و اخف سماعه عالاطلاق وفيها اهم ميزه الي اهي منع الضجيج الى من حولك يعني لو قاعد بسوق الصفافير ما يطلع الا صوتك وواضح بعد وهذا موقعهم http://www.jawbone.com وهذي صوره
