إخواني الكرام اشيروا علي اشتريت دنانير عراقية بمبلغ وقدره >>> الله لا يخسر واشوفه كل ماله بالنزول أبيع وإلا أنتظر خاصة إني شاري وهو غالي 250 دينار للمليون وقت الشراء واليوم أسمع أنه 220 .... إذا بعت اليوم خسرت فوق 3 آلاف دينار كويتي اشيروا علي يا أخوان
أخوي أنت صادق ؟ وإلا تمزح الكل يلومني والأخبار مأسأوية واليوم قرأت خبر عن تعاقد العراق مع شركة صرافة لبنانية لاستبدالها بالدولار >>>> يعني أكلتها عدل مدل سألت مجموعة من الصرافين >>> وليس كلهم فقالوا لا نشتريها الله يستر على أخوكم اللهم آجرني في مصيبتي وأخلفني خيرا منها اللهم لا تجعل مصيبتنا في ديننا ولا تجعل الدنيا أكبر همنا
الله يعطيكم العافية اخوي تطمن الدينار ماراح يتغير الا بحكومة عراقية شرعيه وانت عندك وقت كبير واصبر عليه اشويه لا تستعجل بالبيع ولا تتحسف الاخبار حاليا كلها جيدة وتبشر بالخير واذا لك خاطر انا ب 200 د.ك للمليون دينار بريمر شراي ههههههههه
الله يعافيك أخوي اي اخبار تقصدون ...... الأخبار اللي قريتها ما تطمن وإذا أنت متفائل أخذ المليون ب2000 دينار وما يعزوون عليك >>>> أنا أريح رآسي وأنت تستفيد إذا صارت قيمته 2000 دينار بعد ...... سنة يا ريت اللي عنده أخبار تطمن يضعها هنا وإلا اضطريت أبيع ب2000 لأخوي hanikwt
الأخ / الصبر زين عندي لك حلين 1- كانك منت مستعجل عليهن أحتفظ ب 100 مليون ( ترى الأخبار تبشر بخير 2- وكانك مستعجل عليهن ترى المليون بالعراق وصل إلى 285 دينار دورلك واحد ثقه يصرفلك بالعراق ولا تنسى الحلاوة إذا فرجت أبو نجود
حياك الله أخوي أبو نجود وأبشر بالحلاوة ..... ما في أفضل من الدعاء آخر الليل لكن الحل الأول ما فهمته والثاني الله يرضى عليك .... شلون داخل العراق هذا سعره وداخل الكويت تحت 230 للشراء يعني البيع أقل و عندك فكره إذا كان اللي بيدخلهم ثقة أنه ما يتضرر >>> ما ابي اضر من يريد نفعي الله يجزاك خير ..
لا تبيع اخوي لا تبيع نصيحه خلهم والدينار عراقي قاعد يرتفع كل يووم عن يوم واذا العراق شكل حكومه راح يرتفع اكثر واكثر واذا العراق صدر اول شحنه نفط في ظل حكومته راح يرتفع اكثر واكثر في مصر حاليا وصل الف دينار يعني ممكن باي لحظه يوصل للسعر هذا انا عن نفسي شاري ومو مفكر الا اقل من سنتين ما ابيع وشكرا
معقوله ألف دينار يعني دينار كويتي إذا كان صحيح هالخبر بيكون خوش خبر يا خوش ولد وبعد يا أخوي انا مهتم واسأل لأني المبلغ كبير شوي وأشوفه في الكويت كل ما له وينزل أمس سألت قالوا لي وصل 208 دنانير الله يعين
مساكم الله بالخير اخوي الصبر زين سافر الى المملكة العربية السعودية هناك من يشتري الدينار العراقي لكن صراحة لا اعرف بكم الان , اول شيء تاكد من الجوازات يسمحون لك بالدخول بالدينار العراقي وبعدين خذ فرة وشوف الاسعار اتمنى التوفيق للجميع
