اعلامي
عضو مميز
السلام عليكم ...
اليوم لقيت اني من الواجب اقول هالكلمتين اللي يقرقعون في قلبي من غير اي مجاملات .. لأن اليوم اللي يجامل يطلع اهو اللي مو زين ونيته سيئة .. الخ من الحجي اللي تعودنا عليه طيلة فترة تواجدنا في المنتديات ..
كثير من الناس اللي تتداول في البورصة تسأل عن افضل سهم يعطي ربح في السوق .. او يعطي توزيعات اخر السنه تعوض عن خسائر في السهم .. وناس تسأل عن تحليل سهم معين وشنو وضعه .. وشنهي اهدافه ومتى يحقق الاهداف الخ من الاسئلة اللي تعودنا عليها ...
اليوم لما يخالف تحليل سهم معين .. نلاحظ ان التعليقات و الهجوم من كل صوب تتهم المحلل ايا كان بانه غير قادر على التحليل او انه تحليله غلط او انه ما يعرف بالتحليل او انه يستغل الآخرين وغيره الكثير من الكلام ..
انا اقول كل هذا كلام مشروع .. لكن خلونا اشوي نحلل المواقف ونشوف وين الخطأ ومنو الغلطان في هذا الموضوع ..
كمحلل لما يقول انه السهم الفلاني زين من الناحية الفنية .. فاهو يقصد ان التحليل يشير الى ان السهم زين .. بس ما قال ان الشركة زينه او مو زينه .. لأن ممكن تكون شركة مالها اصل ولا فصل ولكن تعطي ارباح مضاعفة في السوق ... بالتالي عبئ البحث عن الشركة الافضل في السوق يقع على عاتق منو؟؟؟ يقع على اتق الشخص اللي يبي يحط قلوسه في هذي الشركة ...
لكن اللي الاحظه اهو التالي ... كثير من اللي يتداولون في البورصة يشتري السهم بناءا على قالولي .. يقولون السهم بيصعد .. سمعت انه عندهم خبر .. وصوني على السهم .. وغيره من هالكلام ... طيب انت يا صاحب راس المال اللي قررت تحط فلوسك في الشركة سين ... هل كلفت على نفسك تبحث عن الشركة هذي .. اوحاولت تعرف تاريخها طبيعة عملها ..ارباحها تشغيليه ولا من مضاربات .. شنهي اصولها وموجوداتها ... من اهم ملاكها ... كم راس مالها .. وشنهي توزيعاتها في السنوات السابقة وارباحها المحققة ... منو اعضاء مجلس ادارتها !!! ترى هذي كلها امور مهمه لكل شخص يبي يتري اسهم في شركة على الاقل لازم يعرف اهو راح يحط فلوسه مع منو !!
يعني لابد يكون في معيار لاختيار الشركات المحترمة وما اكثرها في السوق ... تماما مثل معيار الكفاءة اللي تكلموا عنه اثناء الانتخابات البرلمانية !!
طيب .. اللي يحصل ان كثير من الاخوان يشتري السهم بناءا على ان التحليل يقول ان السهم زين .. بس من غير ما ينظر الى الشركة او يحاول يبحث عن بعض المعلومات الاساسية عنها ... وفي حالة خالف السهم التحليل على منو يقع الخطأ ؟؟ على المحلل اللي قدم اتحليل على السهم ولا على الشخص اللي اختار يحط فلوسه في شركة ما يعرف عنها شي ؟؟ يعني المحلل قال ان السهم زين بس ما قالك غصب طيب حط فلوسك في الشركة .. لأن بالنهاية اللي ينفذ صفقة شراء لاسهم اهو صاحب راس المال مو المحلل ..
بالتالي يا اخوان .. لابد ان تتغير سلوكيات التداول في البورصة ... ولابد يكون وعي اكثر تماما مثل الوعي اللي حصل بعد التصحيح اللي تم عام 2006 واللي كان من نتائجه الايجابية ان الناس بدت تتعلم التحليل الفني وطلع لنا كثير من الاشخاص من خيرة المحللين الفنيين ... عندهم القدرة و الكفاءة لقراءة اتجاهات السوق و الاسهم بالتالي احنا بحاجة لنقل وزيادة هذا الوعي الى الحد اللي يمكن كل شخص من اتخاذ قرارات البيع و الشراء و الاستثمار بناءا على ما يملكه من معلومات اساسية وجوهرية في السهم ... تسهل عليه اتخاذ كثير من القرارات وتحد من كثير من الخسائر ...
وسامحوني اذا كان كلامي ثقيل على البعض
موفقين
اليوم لقيت اني من الواجب اقول هالكلمتين اللي يقرقعون في قلبي من غير اي مجاملات .. لأن اليوم اللي يجامل يطلع اهو اللي مو زين ونيته سيئة .. الخ من الحجي اللي تعودنا عليه طيلة فترة تواجدنا في المنتديات ..
كثير من الناس اللي تتداول في البورصة تسأل عن افضل سهم يعطي ربح في السوق .. او يعطي توزيعات اخر السنه تعوض عن خسائر في السهم .. وناس تسأل عن تحليل سهم معين وشنو وضعه .. وشنهي اهدافه ومتى يحقق الاهداف الخ من الاسئلة اللي تعودنا عليها ...
اليوم لما يخالف تحليل سهم معين .. نلاحظ ان التعليقات و الهجوم من كل صوب تتهم المحلل ايا كان بانه غير قادر على التحليل او انه تحليله غلط او انه ما يعرف بالتحليل او انه يستغل الآخرين وغيره الكثير من الكلام ..
انا اقول كل هذا كلام مشروع .. لكن خلونا اشوي نحلل المواقف ونشوف وين الخطأ ومنو الغلطان في هذا الموضوع ..
كمحلل لما يقول انه السهم الفلاني زين من الناحية الفنية .. فاهو يقصد ان التحليل يشير الى ان السهم زين .. بس ما قال ان الشركة زينه او مو زينه .. لأن ممكن تكون شركة مالها اصل ولا فصل ولكن تعطي ارباح مضاعفة في السوق ... بالتالي عبئ البحث عن الشركة الافضل في السوق يقع على عاتق منو؟؟؟ يقع على اتق الشخص اللي يبي يحط قلوسه في هذي الشركة ...
لكن اللي الاحظه اهو التالي ... كثير من اللي يتداولون في البورصة يشتري السهم بناءا على قالولي .. يقولون السهم بيصعد .. سمعت انه عندهم خبر .. وصوني على السهم .. وغيره من هالكلام ... طيب انت يا صاحب راس المال اللي قررت تحط فلوسك في الشركة سين ... هل كلفت على نفسك تبحث عن الشركة هذي .. اوحاولت تعرف تاريخها طبيعة عملها ..ارباحها تشغيليه ولا من مضاربات .. شنهي اصولها وموجوداتها ... من اهم ملاكها ... كم راس مالها .. وشنهي توزيعاتها في السنوات السابقة وارباحها المحققة ... منو اعضاء مجلس ادارتها !!! ترى هذي كلها امور مهمه لكل شخص يبي يتري اسهم في شركة على الاقل لازم يعرف اهو راح يحط فلوسه مع منو !!
يعني لابد يكون في معيار لاختيار الشركات المحترمة وما اكثرها في السوق ... تماما مثل معيار الكفاءة اللي تكلموا عنه اثناء الانتخابات البرلمانية !!
طيب .. اللي يحصل ان كثير من الاخوان يشتري السهم بناءا على ان التحليل يقول ان السهم زين .. بس من غير ما ينظر الى الشركة او يحاول يبحث عن بعض المعلومات الاساسية عنها ... وفي حالة خالف السهم التحليل على منو يقع الخطأ ؟؟ على المحلل اللي قدم اتحليل على السهم ولا على الشخص اللي اختار يحط فلوسه في شركة ما يعرف عنها شي ؟؟ يعني المحلل قال ان السهم زين بس ما قالك غصب طيب حط فلوسك في الشركة .. لأن بالنهاية اللي ينفذ صفقة شراء لاسهم اهو صاحب راس المال مو المحلل ..
بالتالي يا اخوان .. لابد ان تتغير سلوكيات التداول في البورصة ... ولابد يكون وعي اكثر تماما مثل الوعي اللي حصل بعد التصحيح اللي تم عام 2006 واللي كان من نتائجه الايجابية ان الناس بدت تتعلم التحليل الفني وطلع لنا كثير من الاشخاص من خيرة المحللين الفنيين ... عندهم القدرة و الكفاءة لقراءة اتجاهات السوق و الاسهم بالتالي احنا بحاجة لنقل وزيادة هذا الوعي الى الحد اللي يمكن كل شخص من اتخاذ قرارات البيع و الشراء و الاستثمار بناءا على ما يملكه من معلومات اساسية وجوهرية في السهم ... تسهل عليه اتخاذ كثير من القرارات وتحد من كثير من الخسائر ...
وسامحوني اذا كان كلامي ثقيل على البعض
موفقين
