مكتب تاجير سيارات

[فايز1978]

السلام عليكم ورحمة الله وبركاته


الله يعطيكم العافيه


بفتح مكتب تأجير سيارات بالكويت اذا في احد عنده معلوومات يفيد اخيه قبل لا يفتح المكتب
جزاكم الله خير


بسرررررررررررررعه

 

[عاشق سدني]

الله يوفقك ...
لازم تسويلك جدول دراسي لمشروعك تحط فيه اسعار السيارت ونوعيتها وقيمة الربح
مثلا عندك التيما موديل 2005 الى اخر موديل نفس الشكل الا ان السعر يختلف فاالافضل الجوده والرخص وليس الموديل
واهم شي موقع المكتب يفضل في منطقه معروفه بالتأجير والسيارات

وضروري تشوفلك وتسأل عن احسن شركة تأمين شامل حق السيارات لان في شركات نصابين ...
وانصحك انك تروح حق المكاتب وتسألهم بنفسك راح تعلم وتستفيد من اخطائهم

 

[فايز1978]

جزاك الله خير على تفاعلك بالموضووع

تقريبا سألت عن الاسعار بس بسأل عن اذا في احد عنده تجربه
قائمه ممكن استفيد منها

 

[متفائل محبوب]

مشكور وتسلم ايديك

 

[الفايدة للجميع]

أخ فايز تاجير السيارات فيها خير بس يبيلها مجابل والاهم من هذا مشاكل التأجير مثال على ذلك:

1- يأجر منك السياره كم يوم ويبدل جير السيار ويرد لك السيار وما تعرف ان الجير مبدل
أو اي شئ أخر يستحق التبديل

2- تستعمل لتوزيع المخدرات ... أحد أقاربي عنده مكتب تأجير وقفو سياره مستاجرها واحد منه
صادوه المباحث يبيع مخدرات وأحجزوا السياره أكثر من 5 شهور على ذمة القضيه

3_ يأجرها منك وافد رايح فيها أسبوع يقعد شهرين ما يردها أثاري الريال حاطها بالمطار ورايح ديرته وحاسب حسابه انه مراح يرجع الكويت مره ثانيه


حبيت أعطيك المعلومات اللي عندي ولا أبي أضيق خلقكك لأن كل مهنه لها مشاكلها

 

[مطاري]

انا اقول اشتغل محامى احسن لانك بتكون يوميا بالمحاكم كلها مشاكل هالشغله ماتسوي فايدتها والله حتى فايدتها مو مثل قبل وانت ماعندك كمبيوتر مال الداخليه كل الى ياخذ منك سياره تشيك عليه امنيا ماتقدر
لو يجي واحد مطلوب وياخذ منك سياره على اساس يومين ويستلم السياره وياخذها شهر
بعد شهر يصيدونه اصلا اهو عليه احكام قبل لا ياخذ سيارتك
وعارف نفسه داش السجن داش
قولى تكفه شلون بتاخذ حقك عقوبته سنتين ثلاث بالسجن وانتا محد راح يعوضك يبه شوفلك شغل ثاني صدقنى

 

[INFINITI]

وانا ازيد على كلام اخوي الفايدة للجميع
راح تتلعوز بالبلاغات
يعني يأجرها ويطنشك وتعال بلغ عنها وسو بحث وتحري ( خيانة امانه )
واذا لقيتها انت محظوظ
لان اغلبهم امسكربينها وبايعينها سكراب او حارقينها
انا عندي صديق متلعوز من هالسوالف
والله يوفجك
عاش

 

[مطاري]

نسيت اقولك بعد احسن زباين عندك منتظمين اهم الى ياخذون السياره منك واهم يكدون عليها الايجار خمس دنانير يكد عليها اليوم كله يطلع --15--دينار ايجار يدفعه خمس دنانير وبانزين ثلاث دنانير وداش مخباته كل يوم سبع دنانير بس لاعن خير السياره ولا تقولى العداد يصيده يلعبون بالعداد

 

[فايز1978]

والله يا جماعه ما ادري شقوولكم
اول شي المشاكل موجووده بكل عمل تجاري
ثاني شي فيها امر عجيب

ان اول سنه الارباح مو كبيره


بس بعد اربع سنواات الارباح كبيره

بالاضافه الى عدد السيارات اللي تملكها


كم تبيعها اذا كل سياره مثلا بألف وانت عندك عشرين كم تبيعها


علما بأن السيارات في الاول كانو عشره مطلوبين والسنه الثانيه زادو ثلاثه والسنه الثالثه 6 والسنه الرابعه تقريبا 10 سيارات يعني تقريبا راح تطلع ب 30 سياره تقريبا بعد 5 سنوات

بس اهم شي ان يكوون واحد متفضي ما عنده شغل غير هالشغله


الموضووع ما خلص الى الان قيد الدراسه مشاركتكم ضرووريه

 

[نجم الراية]

احب اعطيك بعض المعلومات اللي عندي وانت وكيفك يا خوي /

اولا - تاجير سيارات لازم تامين للمرور واعتقد 5 الاف دينار
ثانيا - لا تاجير علي عرب عدا النساء
ثالثا- سنة الصنع لازم مو اقل من 5 سنين قديمة او 3 سنين
رابعا - لادش بتسهيلات علي السيارات مع ان الوكالات تناديك احسلك
خامسا - اشتر سيارات كاش افضلك وابدا خطوة خطوة
سادسا- دش مناقصات للاوقاف والصحة والتربية اكثر وزارات للسيارات -- بالحالة هذي اخذ من الوكيل اذا ضمنت العقد او المناقصة
سابعا- وضف عمالة اسيوية احسن
ثامنا- اعمل عقودك عند محامي ممتاز
تاسعا- لا تكثر مصاريفك الشهرية
عاشرا- لاتجامل بعملك ولا تاجر معارف
احدي عشر - لا تسالني اكثر هذا كل ما اعرفة واوصيك فيه




نجـــــــــــــــــــــــــــــــــــــــــــــم الرايــــــــــــــــــــــــة

 

[zoya_y]

والله ماعرف

 

[فايز1978]

احب اعطيك بعض المعلومات اللي عندي وانت وكيفك يا خوي /

اولا - تاجير سيارات لازم تامين للمرور واعتقد 5 الاف دينار
ثانيا - لا تاجير علي عرب عدا النساء
ثالثا- سنة الصنع لازم مو اقل من 5 سنين قديمة او 3 سنين
رابعا - لادش بتسهيلات علي السيارات مع ان الوكالات تناديك احسلك
خامسا - اشتر سيارات كاش افضلك وابدا خطوة خطوة
سادسا- دش مناقصات للاوقاف والصحة والتربية اكثر وزارات للسيارات -- بالحالة هذي اخذ من الوكيل اذا ضمنت العقد او المناقصة
سابعا- وضف عمالة اسيوية احسن
ثامنا- اعمل عقودك عند محامي ممتاز
تاسعا- لا تكثر مصاريفك الشهرية
عاشرا- لاتجامل بعملك ولا تاجر معارف
احدي عشر - لا تسالني اكثر هذا كل ما اعرفة واوصيك فيه




نجـــــــــــــــــــــــــــــــــــــــــــــم الرايــــــــــــــــــــــــة

جزاك الله خير والله المشرووع حلو بس الناس خوفوني من المشاكل بنهاية الكلام ابي تصويت ادش والاااا لااااا

تكفوون ترى تعقدت

 

[فايز1978]

على فكره اكيد بدش اقصاد مو كاش

يعني الالتزامات الشهريه لا تقل عن 1000 دينار

 

[duwailah]

على فكره اكيد بدش اقصاد مو كاش

يعني الالتزامات الشهريه لا تقل عن 1000 دينار

الف دينار التزمات شهريه هل راح تكون اقصاد؟

انا برأيي المشروع مو اي شخص يشتغل فيه وافضل حل لك تروح لاي مكتب سيارات وتسأل الاشخاص اللي يشتغلون هناك عن المحاسن والمساوئ ...

لانه المبلغ كبير والتزامات كبيره ومشاكلها اصلا كثيره .. فلا تجازف الا اذا كنت دارس المشروع ومغطيه من جميع النواحي .. وتوق اسوء الاشياء التي ممكن تحدث لك وكيف ستتصرف ..
وبالتوفيق اخوي

 

[فايز1978]

شباب بس لو ما عليكم امر اللي يعطي رايه لا ينسى يصوت


مشكوور دويله المشرووع يدر فلوس والمشكله انه لازم اطلع يومي 40 على شان اكوون مغطي ها الالف


ما ادري شرايكم

 

[فايز1978]

للرفع

 

[مستثمر عنيد]

مشاكلها وايد

 

[فايز1978]

اها

 

[بو راس يابس]

الله يوفقك ...
لازم تسويلك جدول دراسي لمشروعك تحط فيه اسعار السيارت ونوعيتها وقيمة الربح
مثلا عندك التيما موديل 2005 الى اخر موديل نفس الشكل الا ان السعر يختلف فاالافضل الجوده والرخص وليس الموديل
واهم شي موقع المكتب يفضل في منطقه معروفه بالتأجير والسيارات

وضروري تشوفلك وتسأل عن احسن شركة تأمين شامل حق السيارات لان في شركات نصابين ...
وانصحك انك تروح حق المكاتب وتسألهم بنفسك راح تعلم وتستفيد من اخطائهم

قصدك : (( دراسة جدوى )) يعني دراسة فائدة المشروع من خلال معرفة وضع السوق والأرباح والمخاطر المتوقعة



ــــــ

أخوي فايز الله يوفقك بس ما أنصحك بهالمشروع لأنه ما يسوى لويته ... وكمحامي أقولك الصراحة تيينا قضايا وايد بالمكتب من هالنوع ومن التكاسي الجوالة بعد ،،، الله يجيرك ،،، وانت بكيفك

 

[فايز1978]

قصدك : (( دراسة جدوى )) يعني دراسة فائدة المشروع من خلال معرفة وضع السوق والأرباح والمخاطر المتوقعة



ــــــ

أخوي فايز الله يوفقك بس ما أنصحك بهالمشروع لأنه ما يسوى لويته ... وكمحامي أقولك الصراحة تيينا قضايا وايد بالمكتب من هالنوع ومن التكاسي الجوالة بعد ،،، الله يجيرك ،،، وانت بكيفك

مشكوور حبيبي وجزاك الله خير وشكلي ببطل عنه

لانه الاعتراض اكثر من الموافقه