مقارنة اسعار بين الكويت والسعوديه

[حطوير]

ودي مقارنه لعدة اصناف مهمه ومرغوبه متداوله بكثره

1- الماكنتوش الكبير

2- التانج البودرة الاصلي

3- كرتون البيبسي 24 حبه القواطي الكبيره


انا راح اجيب سعرهم من الجمعيه
بس لو حد يعرف سعرهم بالسعوديه يحطها
لان شخص قالي فرق كبير بالسعر ارخص عندهم

 

[al3zeez]

امس راجع من السعوديه
والله يا اخوان اسعارهم رخييييييييييييييييييصه جدا جدا
مثال
انا شريت من مجمع نفس مركز سلطان اخذت بيبسي طبعا الحبه بريال
طبعا حليب كيديدي الي هني شاقينا شق هناك ماتغير السعر واخذت للامانه حليب صغير الواحد بريال طبعا كميه كبيره خذيت لان بنتي مدمنه عليه
واخذت العاب سعرهم عادي كان
طبعا الحلويات عد وخربط بس المهمات جواهر الجلكسي العلبه اخذت الكبير ب24 ريال تغريبا
وهني فوق ال3
بيره بيسون ب2 ريال
بيرد موسوي 2 ريال
واغراض كثيره والله
وبالاخير حسابي كله 170 ريال يعني تغريبا 11 وخرده

اوعدكم انشاءالله نهايه الشهر لمن بروح اشتري للبيت من هناك احطلكم الاسعار بالضبط

ملاحظه بسيطه:
الي عنده عائله صغير راح تكون خساره بالنسبه له
لان طريق السفر البانزين بروحه رايح راد 8 دنانير(لحفر الباطن طبعا الي هي اقرب شي )
والتأمين 6 دنانير لمده اسبوع (والي هي اقل مده)
يعني 14 دينار غير الاغراض
والاغراض الي بياخذهم بموجب صغر عائلته نفرض خيشه عيش يطلعله الفرق دينار تغريبا والدجاج الفرق نقول بعد دينار
والمشويات والاجبان نفرض فرقهم 10 دنانير
يكون بهالحاله خسر دينارين غير التعب
اما الي عائلته كبيره مثال
خيشتين عيش + كرتونين دجاج + ذبيحه + مشويات واجبان يطلع حسابهم يستاهل العنوه لانه بتفرق اقل شي 40 او 60 دينار




طبعا انا رايح لزياره واحد من الشباب راح السعوديه وماراح يرجع والله يوفقه ومريت وشريت وعجبتني الاسعار علشان هالشي على نهايه الشهر بروح مره ثانيه منها زياره ومنها اجيل

وشكرا

 

[ابو بندر2000]

اخوي الخفجي اقرب من حفر الباطن لاهل المنطقة العاشره وبالبانزين ارخص بوااااااااايد في السعوديه ويطول بالسياره من مثلنا يعني انا عندي لاندكورز اعبي فول 8.500 دينار وبالسعوديه افول الاندكوزر 55 ريال يعني 4 دنانير تقريبا يعني النص .

بالنسبة للاسعار انا اشتري بعض السلع من السعوديه لاني دايم راوح اهناك واشتري
1- الاندومي ( شعيريه ) عيالي مدمنين عليه سعره بالكويت 450 فلس للباكت الواحد فيه 6 حبات
بالسعوديه الاندومي يفرق من بعض التجار تقريبا 27 ريال للدرزن فيه 12 باكت كل باكيت فيه 6 حبات
يعني الفرق اقل من النصف
2- البيض اشتري الطبقه الواحده 5 ريال وفي بعض الاماكن 7 وفي البعض 10 حسب توفره والحجم ممتاز وعندنا 1 دينار يعني راح توفر الثلث .
2- الدجاج الفرق تقريبا دينار .
3- بالنسبة للعيش لا عندنا ارخص
4- الحلويات الفرق واااضح وكبير وخاصه المصنوعه في السعوديه تجدها بالكويت 3 او 4 اضعاف
5- مواد التنضيف والاواني المنزليه حدث ولا حرج والفرق كبيررررررررررررررررررررر جداا
6- العاب الاطفال السعر رخيص جدا .

واضيف الي ذالك فرق العمله حيث وصل الريال مقابل الدينار 14 ريال مقابل 1 دينار

 

[al3zeez]

بو بندر عدل الخفجي اقرب لكن يرحم امك شنو فيها غير البقالات؟

 

[cc555]

متابع للموضوع
بس سؤال عن حليب الاطفال البودرة في الصيدليات هناك ارخص ؟؟؟

 

[tarek550]

السلام عليكم

بالنسبة للخفجي فية جمعية الشركة وفية سلة الغذاء وايضا مركز التوفير

وسوبرماركت القرني وانشاء الله في الطريق مجمع المزرعة في مخطط الخليج

وشكرا

 

[حطوير]

يا شباب بارك الله فيكم للتفاعل الطيب
ترا ما فيها اذكروا لنا المجمعات علشان نعرف وين نروح بالضبط

اخوي العزيز
شسمه المجمع الي بحفر الباطن ووين مكانه بالضبط

وشكرا للجميع حقيقه تعاون ممتاز

 

[ابو بندر2000]

متابع للموضوع
بس سؤال عن حليب الاطفال البودرة في الصيدليات هناك ارخص ؟؟؟

اخوي مو وايد حليب بروجرس بالصيديليات بالسعودية تقريبا 21 ريال قبل الزيادات هل تغير السعر مادري وبالكويت 1.825 في مركز سلطان واهو اقل ب100 فلس عن الجميعه التعاوينة .
21ريال = 1500 بالكويتي

 

[ابو بندر2000]

يا شباب بارك الله فيكم للتفاعل الطيب
ترا ما فيها اذكروا لنا المجمعات علشان نعرف وين نروح بالضبط

اخوي العزيز
شسمه المجمع الي بحفر الباطن ووين مكانه بالضبط

وشكرا للجميع حقيقه تعاون ممتاز

اخوي بالنسبة للمأكولات والمشروبات في مجميعن
1-العزيزيه وموجود في الشارع الرئيسي شارع السوق وسط المدنية
2-العثيم موجود علي شارع الستين مقابل منطقة الربوه
3-لتنظيفات والملابس والادوات المدرسية والالعاب في اكثر من مجمع واهمها مجمع الشارقه ومجمعات قريبه منه وهي موجوده في طريق الرياض السريع مقابل الاحوال المدنية وفي كم مجمع اخر لاتذكرها وكلها تتنافس بالاسعار واسعاره بتداء من 2 ريال .

 

[ابو بندر2000]

بو بندر عدل الخفجي اقرب لكن يرحم امك شنو فيها غير البقالات؟

اخوي اشياء كثيره ارخص من عندنا بووووووووووويد عندك مثلا الادوات المدرسية الكشاكيل والاقلام ..........الخ اسعار مميزه ونفس الاصناف الموجوده عندنا بس السعر غير انا هذي 3 سنة كل ادوات المدرسة اشتريها من السعوديه لان انا اولادي الدارسين مشاء الله 4 اذا ابي اشتري من الكويت بقط 400 دينار تقريبا يعني 100 دينار ادوات 50 وملابس 50 لكل طالب الحين انا اشتري من الكويت فقط الالبسه يكلفني كل واحد تقريبا من 40 الي 50 دينار للملابس اهني والادوات المدرسة تكلفني اهناك تقريبا 20 لكل واحد لو بشتري كل شي يخطر في بالك .

وغير الادوات المدرسية هناك امور كثيره مثلا الكمبيوتر وملحقاتة في عروض بالسعوديه لاتوصف التلفزيونات اسعارها رخيصه وهذا بالرياض فقط والمدن الرئيسية من الدمام وجده اما في المدن القريبه من الكويت مثل الخفجي والحفر لا السعر تقريبا مثل الكويت .

 

[ابو بندر2000]

اخواني الاسعار تختلف في المدن الرئيسية مثل الرياض والدمام السعر اقل من المدن القريبه من الكويت مثل الخفجي والحفر .
..........
اي واحد بيروح راح يشعر بالفرق بالسعر بعد الجوازات في سوبرماركت اسمه سوبرماركت الكويت عبي بانزين واذهب واشوف الاسعار بتشوف الفرق .

الله يوفق الجميع

 

[كويتي فهمان]

ياحسافه ياحسافه

 

[ابو بندر2000]

ياحسافه ياحسافه

ليش تتحسف ؟

مافي شي يستاهل تتضايق عشانه !!!!!!!

 

[cc555]

رخص المواد الاستهلاكيةفي السعودية يرجع لعاملين مهمين
اول شي
فرق العملة يعني الدينار = 14 ريال واحسن شي تصرف عند الصرافين بالمباركية غيرهم غاليين مثل المزيني وربعه يعني تاخذ وياك فلوس سعودي حق التأمين والبنزين والماجلة

ثاني شي اغلب المواد الاستهلاكية صناعة محلية يعني سعودية 100% مثل المواد الغذائية كمنتجات الالبان والمعجنات والاكلات المعلبة و المنتجات الكيماوية مثل الصابون ومواد غسيل الملابس وخلافه

 

[حطوير]

لا والله مو مسألة صناعه محليه او غيرها
اقرب مثال الكي دي دي صناعه محليه
تبيع بالسعويه اقل من الكويت !!! اليس هذا تناقض !!!
وغيره وغيره

ولكن الحاصل بالسعوديه التنافس
ومراقبة الاسعار المشدده

 

[cc555]

اي والله صح كلامك
انا شفت حليب الفراولة كي دي دي بالبحرين سعره 120 فلس جنه يعني بالكويتي 90 فلس تقريبا

 

[سهم فسفوري]

حليب كي دي دي 1 لتر تقريبا 440 فلس كويتي بالاردن.......!!!!

 

[بو دلول2]

تو ني راد من مكه فشفت اسعار الادويه - الله يكافيكم الشر الامراض- ارخص بوايد يعني اللي 10دنانير بالكويت نفسه بالسعوديه 6دنانير

 

[kuwaitey]

شباب انا بدليكم مكان

طبعا اهو صثعب انى اوصفه لكم

تروحون الخفجى

تسألون عن جميعة الخفجى المشتركه

اهى موجوده بنفس القطعه اللى فيها مدخل الشركه

طبعا تدخلون عادى وشوفو الاسعار انا بعطيكم بس صنفين

وبخلى الباقى لكم انتو تحكمون لما تروحون اهناك ان شاء الله

كورن فلكس .. نوع قولكز حجم 750 جرام ( اكبر حجم ) ارخص من الكويت بــ 850 فلس

هذا السعر قبل لا يرفعون سعره فى الكويت يعنى الحين يفرق دينار وربع يمكن

الهيل سعر الكيلو 27 ريال وشرط ريحته تبط الرااااس بط من كثر ماهو قووى

والهيل عندنا فى الكويت بحدود 6 دنانير

يالله هذا صنف ثالث دعاية حق اللى عندهم اطفال

حفاظات البامبز يفرق عن الكويت دينار فى العلبه الكبيره

بتوفيق ان شاء الله

 

[Knights]

الله يرحم حالنا بس ويوفق السعوديه يستاهلون شعبهم والله على الاقل في اهتمام فيهم بعكس عندنا بس الله كريم وفوق كل تاجر طماع بس همه الربح وبس