العسكري بالصين ماينزل راسه ابدا.. والسبب

jamalll

عضو نشط
التسجيل
23 أبريل 2007
المشاركات
1,492
الإقامة
الكويت
جمال انتا ---------------------ميه ميه

حاضرين اخوي مطاري

للأفادة ايضا:
بعض الدول الشرطه اللي عندهم جحافل اللي اذا نزل وقالك وين الاجازة والدفتر او انك مخالف الشغله الفلانيه تتجرأ تتفلسف؟؟؟؟

اما بالكويت:)
شرطة سوق شرق انطقوا طق ما بعد طق!!!! وغيره من الاسواق لعدم وجود هيبه للشرطي لعدم توفر المواصفات اللي تأهله ان يكون فعلا شرطي ومنها: الطول والعرض والقوه (الله كان يختار الاقوياء ليكونوا انبيائه).

اذن وين الامن ومنو اللي يحفظ الامن اذا الشرطي غير مؤهل؟؟؟

واقص ايدي اذا اللي طقوا شرطة سوق شرق تعاقبوا على فعلتهم؟
أأأأأأأأأأأأأأأخ لو كان ذاك الجحفل اللي ما يدش الباب جان تشوف الشباب يمشون ويطالعون وراهم من الخوف:))


يا معود:)
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
التعامل مع الجمهور فن يحتاج الى ناس مثقفه دارسه لانهم واجهه
 

al3zeez

عضو نشط
التسجيل
7 أكتوبر 2007
المشاركات
589
الشي الوحيد المفقود عند شرطه الكويت هو هيبهم (ادري البعض بيقولي من فعايل بعض الشرطه)
ولكن خلونا نقارنها عدل
الداخليه فيها شرطه مو مضبوطين وفيها الي يمثلون دور الشرطي
الصحه فيها الدكتور الي يسوي تجارب وهذا الي شفته بكذا مستشفى وفي الدكتور الي عارف شغله ويتسمى دكتور
الصحه فيها الممرض الي يجتهد ويشتغل بامانه وفيها ممرض (طبعا كويتي) يقولك اخاف صج ابدل فراش مريض ولا اغير ملابسه
التعليم في المدرسين الي تتخرج منها اجيال نافعه وفيها الي يصور الجهال شلون يترقصون ويوزعه بلوتوث
الاوقاف فيها الرجل المتدين الي خايف الله بكل شي وفيها الي يحطله لحيه علشان يمشي شغله
البلديه فيها الي قاعد يشتغل ويجتهد بصدق وامانه وفيها الي يقزرها فرفره على المحلات بسياره البلديه علشان اذا ما نزلوله بالسعر او عطوه هديه يتصرف معاهم
وغيرها وغيرها طبعا بدون تعمق
انا ملاحظ شغله
عندنا بالكويت الظاهر تبون الشرطي يكون رسول لايخطئ ولا يسوي شي غلط
اوكي كلنا فاهمين ان الداخليه الوزراه الحساسه بكل دول العالم وكلكم تبون الاحسن
لكن مو بهالاسلوب الطفولي الي يقولي واحد حاط عود بحلجه والثاني يقولي خلفلا على شرطتنا
يا اخي في دكاتره تارسه روسها جل ليش محد تكلم؟
في موظفين بكل الوزارات قاعد ياخذ معاشات غير معاشاتها علشان تمشي معاملات فيها تجاوزات (طبعا موظفين عاديين )
بكل مكان في السيئ وفي الزين
مستغرب من اي موضوع سواءا هني او بره المنتدى ينفتح عن الداخليه الكل يعلق ويطلعون عذاريب ويعممون الكلام على الوزاره بكبرها
قبل كنا نخاف من الشرطه حتى لو مو مسوين شي بس نشوفهم نخاف
اما الحين كل من هب ودب قام يتكلم ويتطنز ويسولف ومحد يحاسبه
الكلام هذا مو علشاني منتسب لهالوزاره بالعكس والله
لكن يحز بخاطري لمن اشوف ......... يتكلمون بشي اكبر منهم
وشكرا واسف على الاطاله
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
بس في شرطه مايستحون على ويهم اهما نفسهم مو حاطين حق نفسهم احترام ... نفس أخونا الي مخلي البنيه تلبس بدلته وترقص فيها ... :eek: يعني شفت شلون معطي بدلته ورتبته هيبه :(
 

al3zeez

عضو نشط
التسجيل
7 أكتوبر 2007
المشاركات
589
اخوي زوي هذا واحد بالميه واخذ جزاه هو وغيره
هذا نعم مو مال احترام سواءا شرطي او دكتور مانختلف بهالشي
لكن الغلط التعميم الي حصل في هالموضوع للاسف
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
انا ما عممت انا قلت في شرطه يعني مو الكل ...

انا عندي 3 من عيال خالاتي ضباط مو معناتها انه مالهم هيبه وإلا مو محترمين لا طبعا في وايد ضباط وشرطه محترمين ويفرضون احترامهم على الكل :)
 

al3zeez

عضو نشط
التسجيل
7 أكتوبر 2007
المشاركات
589
مو انت ياقلبي والموضوع بعيد عنك راجع ردود الي قبلك وانت تعرف الكلام عن منو:)
 

fullmoon_q8

عضو نشط
التسجيل
14 أبريل 2006
المشاركات
156
السؤال إلي يطرح نفسة لو يعطس شصير فيه؟
:confused::confused::confused:
 

jamalll

عضو نشط
التسجيل
23 أبريل 2007
المشاركات
1,492
الإقامة
الكويت
انا ملاحظ شغله
عندنا بالكويت الظاهر تبون الشرطي يكون رسول لايخطئ ولا يسوي شي غلط
اوكي كلنا فاهمين ان الداخليه الوزراه الحساسه بكل دول العالم وكلكم تبون الاحسن
لكن مو بهالاسلوب الطفولي الي يقولي واحد حاط عود بحلجه والثاني يقولي خلفلا على شرطتنا


اخي الكريم
الموضوع مو موضوع أخطاء!! الموضوع عن العسكري ومواصفاته ومؤهلاته، فالتعليق الحاصل بالصفحه ناتج من الاشخاص الغير مؤهلين بالسلك العسكري وليس كل العسكريين، احنا نقول لو ان هناك مواصفات ومعايير لأختيار العسكري جان ما شفت السبهلله



مستغرب من اي موضوع سواءا هني او بره المنتدى ينفتح عن الداخليه الكل يعلق ويطلعون عذاريب ويعممون الكلام على الوزاره بكبرها

لا تستغرب لأن كثرة السلبيات تعطي هكذا انطباع:) والسبب كثرة الفساد بين العسكر، ما تدري ان الشر يعم والخير يخص:)

قبل كنا نخاف من الشرطه حتى لو مو مسوين شي بس نشوفهم نخاف
اما الحين كل من هب ودب قام يتكلم ويتطنز ويسولف ومحد يحاسبه

نعم، قبل الشرطي قبل الغزو له هيبته وما تتجرأ ترد عليه اما الحين ايضا اكرر بسبب اغلبية الغير مؤهلين لأن يكون عسكري وبسبب عدم احترام النجوم اللي على كتفه وعدم احترام القانون كثرة الفضايح عن الضباط وتبين مايهة تفكيرهم للمصالح !!
ماتدري التكاسي اللي بالشوارع ملوت منو؟ ما تدري ان اغلبيتهم لضباط بالداخليه ومن خلالها تتم التجاوزات والواسطات!!


الكلام هذا مو علشاني منتسب لهالوزاره بالعكس والله
لكن يحز بخاطري لمن اشوف ......... يتكلمون بشي اكبر منهم
وشكرا واسف على الاطاله

اعلم ياخوي
ان كل عسكري يحترم نفسه ويحترم النجوم اللي على كتفه هذا محد يقدر يمسه بكلمه لأن فرض احترامه على الناس وفيهم منهم وايد، اما بالنسبه للي يتكلمون عن الداخليه فأمر طبيعي انا كمواطن اني اعلق على عسكر الدوله او حماة الوطن وادري انهم غير مؤهلين على حمايتي وعلى ايدهم قاعد يصير بعض انواع الفساد (ما تقرأ جرايد؟؟).

اقرأ الردود باللون الازرق
عزيزي
ارد واقول موضوعنا مواصفات العسكري المثالي لأن العسكري طبيعة عمله تحتاج عدة مؤهلات ابتداء من البنيه ثم الشهادة.
 

al3zeez

عضو نشط
التسجيل
7 أكتوبر 2007
المشاركات
589
الفساد بالديره خلص ومابقى غير الشرطه؟؟؟؟؟
يا اخي كلامك ينطبق على كل مجال
نفرض الدكتور اذا هو اثول ومو عارف شغله شلون بيحمي ارواحنا
والممرض نفس الشي وانا شايف اهمال الممرضين لوين يوصل (جمسع المستشفيات بحكم دوامي طبعا)
وكل وظيفه الواحد يعتمد عليها مو بس الداخليه
وللحين انا مصر ليش كل موضوع ينكتب عن الداخليه الكل يهاجم ومافي احد شريف يذكر لنا شي طيب فيهم
 

jamalll

عضو نشط
التسجيل
23 أبريل 2007
المشاركات
1,492
الإقامة
الكويت
!!!!!!!!!!!!!!!!!!!!!!!!!!!!!!!!!!!!!!!

الفساد بالديره خلص ومابقى غير الشرطه؟؟؟؟؟
يا اخي كلامك ينطبق على كل مجال
نفرض الدكتور اذا هو اثول ومو عارف شغله شلون بيحمي ارواحنا
والممرض نفس الشي وانا شايف اهمال الممرضين لوين يوصل (جمسع المستشفيات بحكم دوامي طبعا)
وكل وظيفه الواحد يعتمد عليها مو بس الداخليه
وللحين انا مصر ليش كل موضوع ينكتب عن الداخليه الكل يهاجم ومافي احد شريف يذكر لنا شي طيب فيهم



!!!!!!!!!!!
 

نوط بو ربع

عضو نشط
التسجيل
24 يناير 2006
المشاركات
488
الإقامة
الكويت ما قبل 1978
آنا يتراوالي انه هالصيني توّه شاري هالقميص والثور ناسي يشيل الدبابيس
 
أعلى