سرعة...؟

[Bu-NaNo]

السلام عليكم

انا عندي مشكلة و انشالله الاقي لها حل عندكم

عندي باجيرو موديل 2008 و ذبحني صوت التنبه مال السرعه فحبيت اعرف اشلون ينشال؟

هل في مكان معين اروحله يشيلونه؟

و شكرا

 

[rakan_yes]

عندي وانا بورااشد

فاااا عليك

شوف الطريقه الصحيحه

لك ام ولك اخ ولك اب ولك اخت ولك بنت ولك ولد
ولك بلد ولك وضيفه ولك شهاده ولك بيت ولك صديق ومالك صديقه

لاتدع السرعه تبعدك عنهم



شرايك بالحل

تقبل تحياتي
ابورااشد

 

[البواردي]

والله جان زين تروح الوكاله تقولهم طولو على الصوت بعد لان يزعجني اذا اسرعت وابيه يزعجني اكثر عشان لا اعدم عيال الناس اللي بالشارع
اخوي العزيز
السرعه ما منها فايده ابد
سرعتك 120 نفس 140 نفس 160 نفس الـ200 وراح توصل بفارق بسيط جداً
انا شخصياً اروح العبدلي درب ساعه ونص بسرعة 120 ودربي ساعه وثلث بسرعة 160 فوالله الذي لا إلاه إلا هو امشي 120 واتأخر 10 دقايق احسن من ال160 واذبح احد بالشارع او اني اصير معاق وعاله على اهل بيتي
وبعدين عندي بنيه اسم الله عليها شحلاتها واحبها وتحبني ودي كل يوم اشوفها واستانس معاها لذلك قررت اني ما امشي إلا تحت الـ120


عسى الله يسلمك ويسلم الجميع

 

[عزوز الكويت]

عندك بنيه الله يخليها لك ويزوجها لك

بس جنه بفيوز وينشال

 

[liger79]

السلام عليكم ورحمة الله وبركاته
ياخوي الشباب ما قصروا بالسرعه وسلبياتها والله يحفظنا ويحفظكم ويحفظ امة محمد
اللهم آمين ...
آنا اعرف هالطريقه بالسيارات الامريكيه الحديثه .. عن طريق اعاده برمجة السياره بالوكاله وفيها مشكله انه في حال فصل البطاريه يرد الصوت من اول ويديد وتحتاج برمجه اخرى والمبلغ صراحه مبالغ فيه تقريبا من 25 دينار الى 75 دينار وتختلف من شركة الى اخرى .
ولكن في طريقه ثانية عن طريق ازالة الفيوز من ظفيرة الفيوزات وفيها مشكله بعد وهي
ماراح تفصل الصوت بال 120 بس ... ولكن معاه صوت التنبيه عند التشغيل و ممكن ليتات العداد والطبلون ... وقد تختلف من سيارة الى اخرى .
وبرأيي ان صوت السرعه المستمر طريقه غبية من الشركات لانها تربك السائق وتخليه متوتر
والدليل انه اغلب السيارات الحديثه صارت تعطيك تنبيه واحد بأنك تعديت السرعه المسموحه .
والله الحافظ ... وبنفس الوقت اعقلها وتوكل .

 

[صن-]

عندي الحل وانا صن- ارفع على المسجل حدة واتحداك اذا سمعت الصوت

 

[kw_tahoe]

عندي وانا بورااشد

فاااا عليك

شوف الطريقه الصحيحه

لك ام ولك اخ ولك اب ولك اخت ولك بنت ولك ولد
ولك بلد ولك وضيفه ولك شهاده ولك بيت ولك صديق ومالك صديقه

لاتدع السرعه تبعدك عنهم



شرايك بالحل

تقبل تحياتي
ابورااشد

الصراحه كلامك يا بو راشد ذهب مرصع في ألماص وانا اقول شوف الكلام المقتبس
انشالله الله يردك عن نية شيلة صوت

صح السانك يا بو راشد كلامك طيب

 

[I T C]

كفوووو

عندي الحل وانا صن- ارفع على المسجل حدة واتحداك اذا سمعت الصوت

كفو والله ياصن ....

 

[infinitish]

مشكورين على الردود بس سويتونى الحين انا الصايع اللى يدوس و يستهتر بالشارع... عيب عليكم يا جماعه ترا كل اللى طلبته منكم اذا اتعرفون اشلون و بس فليس له داعى هل الكلام و ترا فعلا لو احد يسمع جرس الانذار يفجر الراس.

 

[I T C]

اخوى

مشكورين على الردود بس سويتونى الحين انا الصايع اللى يدوس و يستهتر بالشارع... عيب عليكم يا جماعه ترا كل اللى طلبته منكم اذا اتعرفون اشلون و بس فليس له داعى هل الكلام و ترا فعلا لو احد يسمع جرس الانذار يفجر الراس.

اخوى شيل فيوز السرعه وخلاص ريح بالك...

 

[Bo-SaNaD]

ياسبحان الله الناس تنصحك وتقول عيب عليكم بدال ماتشكرهم صحيح ( ان لم تستحي فصنع ماشئت ) اخوي البواردي الله يخليلك بنيتك وتتربى بعزك ويحفضها لك اما انت اخوي اللي تبي تشيل الصوت انا اعرف محل يشيلها بالشويخ اب 150 دينار تدفع هالمبلغ وطوالي صليبيخات ( الله يحفظك مو قصدي ادعي عليك ) لكن هذي ضريبه السرعه وانا خوك الركاده زينه وراك عيال وراك اهل السرعه مامنها فود يالحبيب وخل الصوت يزعجك عشان ينبهك اذا تعديت السرعه والله يستر عليك ويحفظك سيدي العزيز وسامحنا ترا نادر ماتلقى ناس تنصح من قلب

 

[Bo-Jarrah]

اخوي المحلات وايد

بس الباجيرو اذا عديت ال 120 يخوف والله !!
وانت على راحتك

 

[Business Man1]

ترا الباجيرو بالسرعة مو شي

مرة حسيت انه البدي يهتز وشوي يقلب
دير بالك