استفسار عن دكتور ممتاز لللانف

[بني سعد]

السلام عليكم

عذرا عذرا على الموضوع
لكن اخواني انا عندي الحاجز الانفي به انعواج ولهذا محتاج دكتور تمام اعمل عنده العمليه وياريت من يعرف دكتور تمام بالعمليات الانف يوجهني له
للانه رحت كذى دكتور الصراحه يخوفون فكرت اروح ايران الشباب يقولون روح ايران لكن فكرت قلت اشلون اعطي نفسى حق ايران والوضع يخوف وانا ولا مره رحت ايران فخفت ياريت اسمع نصايحكم بتوجيهي حق دكتور تمام
لعمل لي عمليه شكرا لكم

 

[بني سعد]

تكفون طالبكم

 

[الفايدة للجميع]

يا هلا وغلا فيك بني سعد أخي أسمع نصيحتي منو اللي قالك أعمل عمليه أكيد دكتور يبي فلووس

اولا أغلب البشر اللي تشوفهم أمامك يمكن نسية 70 الى 80 بالميه بهم أعوجاج أو أنحراف

بالحاجز الانفي وأنا واحد منهم .

لكن الاعوجاج أو الانحراف بالجاجز الانفي اذا كان ملفت للنظر ويحرجك أمام الناس أو يسببلك

مشاكل مثلا ضيق في التنفس أو أستمرار حساسية الانف كأنك مزكوم أو فيك

أفلونزا مستمره بهذه الحاله سو العمليه وعسى الله يشافيك ويعافيك

أما دكتور زين زين ما أعرف...والله هذه المعلومات اللي أقدر أخدمك فيها

 

[بني سعد]

انا عندي انعواج شديد داخل الانف بالشكل الخارجي لايبان والاكسجين ضعيف يصل للمخ هذا
اللى عندي

 

[قلم حر]

اذا ضروريه العمليه

انصحك بدكتور احمد مقدمي طبعا بطهران

 

[بني سعد]

حياك الله اخوي قلم حر انا ولا مره ذهبت الى ايران وعلشان جذى اخاف اروح الى ايران

 

[acton]

روح لندن دكتور غرانت في مستشفى كروم ويل
http://www.cromwellhospital.com/cen...pecialists/specialist_details.aspx?Person=384

 

[بني سعد]

شكرا لك اخوي

انا هنا محتاج اعملها بالكويت غير الكويت ما اروح

 

[اليوفى]

انصحك بالدكتور عبدالله العلى

وسلامات

 

[بو راس يابس]

انصحك بالدكتور عبدالله العلى

وسلامات

أأيد هالاقتراح ( بومحمد العلي واقطع ) وعيادته ما تضيع ميدان حولي بالزاوية تقاطع الدائري الرابع والاستقلال ...

 

[بو راس يابس]

أغلب البشر بهم أنحراف وأنا واحد منهم .

أفاااااااااااااااااااااااا ،، انخدعنا فيك طول هالمدة

تقبل مني هذي الدعابة ​

 

[بني سعد]

انصحك بالدكتور عبدالله العلى

وسلامات

رايح الان له وارجع لك خبر

 

[بني سعد]

تمام كل شىء تمام حط لى موعد العمليه يوم 25-6 شكرا لك

 

[متفائل محبوب]

تمام كل شىء تمام حط لى موعد العمليه يوم 25-6 شكرا لك

أخي العزيز اغلبنا مافيه اعوجاج وضيق التنفس اسبابه
اما امور نفسية وتفكير او ربوا لكن غير باين يعني خفيف جدا
وسؤال انت متزوج اولا؟؟؟؟؟؟؟
لكن انا عندي احساس لو تسوي العمليه بترجع مثل حالتك مابتستفيد شي ابدا لاته انت عايش بالكويت والكويت منتشر فيها الحساسيه والي فيك حساسيه انا سويت عمليه وبعد ماسويتها ماتغير شي هذا انا مثل اول
لمه قريت بالاعوجاج بالانترنت
يقولك ان الي فيه حساسيه او ربوا يصير خشمه الحاجز كأنه منعوج
لانه الحاجز هذا ماهو عظم او شي صلب هو يتأثر بالحساسيه بالزكام وبالامراض الانفيه ولمه تعرض نفسك لطبيب غير مختص بالجيوب يشوفه معوج فقط
والله يشافيك يارب وتوكل على ربك ان شاءالله خير لك يارب ​

 

[بني سعد]

ان شاء الله متوكل على الله ان شاء الله

 

[بني سعد]

انصحك بالدكتور عبدالله العلى

وسلامات

شكرا لك اخي العزيز تم عمل العمليه ولله الحمد

طبعا الدكتور عبدالله العلى ما شاء الله عليه فنان وشكرا له

صوره امس وانا تحت البنج



http://www.bnitamem.com/vb/showthread.php?p=716100#post716100

 

[الفايدة للجميع]

الحمد لله على السلامه وما تشوف شر

 

[بني سعد]

الله يسلمك عزيزى الغالي

 

[شجاعي]

الحمدلله على سلامتك اخوي بني سعد

انا شهر 5 اللي فات سويت عملية في الانف والجيوب الانفية ازالة غضاريف زايدة ولحميات كبيرة وتعديل الحاجز ( شكليا ما يبين الاعوجاج ) لا قبل ولا بعد العملية بس كنت متضايق من ضيق التنفس وصعب علي اتنفس من انفي قبل لكن الحين الحمدلله احس اني مرتاح من ناحية التنفس
وطبعا الجيوب الانفية تمر فوق العين اتصدق بعد نظفها من اللحميات ما صرت احس بالصداع اللي كان يجيني قبل في كل اسبوع تقريبا لازم اكل بندول اقل شي ثلاث مرات بالاسبوع
الحين ولله الحمد ما احس بالصداع الا اذا ارهقت نفسي بالسهر او بعض المشاوير والتنفس الحمدلله مية مية وصرت انام مرتاح -- صحيح اني تأخرت على ما سويت العملية لكن الحمدلله كل شي تمام الحين


سويتها عند بروفيسور مصري كان في جدة زيارة ثلاث ايام بالمستشفى السعودي الألماني
اسم البروفيسور ... رضا كامل

وله زيارة في مستشفى المواساة بالسالمية الايام هذي اعتقد


http://www.youtube.com/watch?v=8C4T...ess.com/2007/10/14/post-graudation-doctors-1/







حمدلله على سلامتك
أجر وعافية

 

[zoya_y]

الحمدلله عالسلاامه ...