لاهل الخبرة

[سوق خضرة]

ابي رخصة تجارة عامة بشرط تكون كل الامور قانونية وابي رقم مدني للشركة وابي افتح لها حساب جاري بالبنك ؟


وبالنسبة للمكتب وين احصل مكاتب اجارهم رخيص ؟


منو الشقردي اللي يفيدنا وله الحلاوة ​

 

[باب عوود]

تبي تستخرخ الرخصه يديده
او تبي تسأجرها

 

[سوق خضرة]

تبي تستخرخ الرخصه يديده
او تبي تسأجرها

لا والله نبي جديدة وبحطها بأسم الوالد وانا شريكه ​

 

[سوق خضرة]

ها شباب محد عنده خبرة ​

 

[بوناصر10]

ابي رخصة تجارة عامة بشرط تكون كل الامور قانونية وابي رقم مدني للشركة وابي افتح لها حساب جاري بالبنك ؟


وبالنسبة للمكتب وين احصل مكاتب اجارهم رخيص ؟


منو الشقردي اللي يفيدنا وله الحلاوة ​

اخوى سوق خضرة عندك مكاتب اللى فى مجمع سلمان الدبوس فى خيطان اللى فيه البنك التجارى الدور الاول قبل فتره كان فى اكثر من مكتب واجاراتهم معقوله جدا او مجمع فهد الدبوس اللى فى خيطان واذا ماحصلت فيهم فى اكثر من مجمع حواليهم


وبنسبه حق الرخصه حطلك مندوب وعطه توكيل بعمل رخصه فقط

ولازم يكون عندك رصيد بنكى اذا رخصه معرض 5الف ومؤسسه افتكر اكثر


وعندى لك طريقه اسهل اشتر رخصه جاهزه هم احسن ايحولها بس الوالد على طول بس نصيحه لك قبل لاتشترى تاكد عليها عماله اومخالفات تجاريه اوغيرها وان شاءالله فدتك بشى بسيط

وبنسبه حق الحلاوه معرفتك كافيه وان شاءالله تتوفق

اخوك بوناصر

 

[سوق خضرة]

اخوى سوق خضرة عندك مكاتب اللى فى مجمع سلمان الدبوس فى خيطان اللى فيه البنك التجارى الدور الاول قبل فتره كان فى اكثر من مكتب واجاراتهم معقوله جدا او مجمع فهد الدبوس اللى فى خيطان واذا ماحصلت فيهم فى اكثر من مجمع حواليهم


وبنسبه حق الرخصه حطلك مندوب وعطه توكيل بعمل رخصه فقط

ولازم يكون عندك رصيد بنكى اذا رخصه معرض 5الف ومؤسسه افتكر اكثر


وعندى لك طريقه اسهل اشتر رخصه جاهزه هم احسن ايحولها بس الوالد على طول بس نصيحه لك قبل لاتشترى تاكد عليها عماله اومخالفات تجاريه اوغيرها وان شاءالله فدتك بشى بسيط

وبنسبه حق الحلاوه معرفتك كافيه وان شاءالله تتوفق

اخوك بوناصر

كفو يابو ناصر بارك الله فيك ورايتك بيضاء وما قصرت ​

 

[al-karrar]

طويل العمر اذا تبي رخصه تجاره عامه ومقاولات لازم تسوي شهاده رصيد بقيمه 250000 ربع مليون ويسونها لك مكاتب تخليص المعاملات والرخصه مع المحل اجار لمده شهر كلها ب 500 دينار ويخلصونها لك بعشرين يوم

تحياتي

 

[al3zeez]

طويل العمر اذا تبي رخصه تجاره عامه ومقاولات لازم تسوي شهاده رصيد بقيمه 250000 ربع مليون ويسونها لك مكاتب تخليص المعاملات والرخصه مع المحل اجار لمده شهر كلها ب 500 دينار ويخلصونها لك بعشرين يوم

تحياتي

اخوي صاحب الموضوع رجاءا انتبه للنقطه الي بالاحمر
ونصيحه لاتعطي فلوسك كامله الا لمن يخلص شهاده الرصيد لانها العله الوحيده والي يخافون منها مكاتب تخليص المعاملات

 

[سوق خضرة]

طويل العمر اذا تبي رخصه تجاره عامه ومقاولات لازم تسوي شهاده رصيد بقيمه 250000 ربع مليون ويسونها لك مكاتب تخليص المعاملات والرخصه مع المحل اجار لمده شهر كلها ب 500 دينار ويخلصونها لك بعشرين يوم

تحياتي

اخوي صاحب الموضوع رجاءا انتبه للنقطه الي بالاحمر
ونصيحه لاتعطي فلوسك كامله الا لمن يخلص شهاده الرصيد لانها العله الوحيده والي يخافون منها مكاتب تخليص المعاملات

بارك الله فيكم وما قصرتوا

يعني شورتك اعطيه المبلغ بعد ما يخلص كل شي ويطلع الرقم المدني للشركة ؟؟


وهل احد يعرف مندوبين حق هالسوالف ينورنا ؟​

 

[al3zeez]

اخوي المكتب ماراح يرضى انك تعطيه اخر شي لازم دفعه
انت من الاول اتفق معاه نفرض يبي 500 راح يقولك يبيلنا اسبو او اسبوعين علشان نخلص الاجراءات وبعدين نسوي شهاده الرصيد ونأجر المكتب
لا تقوله الفلوس بالاخير لا
100 توقيع العقد وانت راح ادبر 100 على ما يطوف الاسبوع او الاسبوعين الي هو طالبهم وبشهاده الرصيد انت راح تكون موجود بالبنك وعطه 200 وال100 الاخيره بعد تأجير المكتب
بهالطريقه والله تظمن راحتك
لان اتفه كلمه عند هالمكاتب بعد اسبوع والاسبوع يجر اسابيع وشهور
والله يوفقك بس الاقامات موقفينها الحين ترى انطر يفتحونها لا يطلعون قرار جديد ويكسرون فيك

 

[al3zeez]

على فكره اقسم بالله توني انتبه لكلمه ( الي يفيدنا له الحلاوه)
حلاوتك خلها لك انا بساعدك بس ووالله لو منتبهلها من الاول جان مارديت عليك

 

[متحدون]

اخوي سوق خضره

انا توني خالص من الرخصه

وصراحه الله يعينك على الدوخه

شوف انا اعرف مكتب مضمون ويطلعه لك وهو رجال اذا قال كلمه ثقه

والله انا لا عرف ولا شي بس الرجال ماقصر يعني انا كلمة اصحاب تخليص المعاملة ومحصلة الى واحد اللي ثقه

وعلى فكره هو معتمد ويقدر يطلع لك شهادة الرصيد

لان وربي رحت حق كذا مكتب وكل واحد يحط لي اسم صاحب المكتب اللي اقولك عنه

وياخذ منك بداية الامر مبلغ بسيط واذا جهز الرخصه يسلمها لك

وهذا رقم المكتب

2644690 - 6868889

 

[سوق خضرة]

على فكره اقسم بالله توني انتبه لكلمه ( الي يفيدنا له الحلاوه)
حلاوتك خلها لك انا بساعدك بس ووالله لو منتبهلها من الاول جان مارديت عليك

لا لا يالعزيز والله ادري بنيتك وادري ان الموضوع كله غشمره بسالفة الحلاوة والله فاهمك عدل الله يجزاك الف خير ورايتك بيضا وما قصرت اخو عزيز طال عمرك لا تصير حساس خلها غشمره

واذا طلعت الرخصه لك الحلاوه ​

اخوي سوق خضره

انا توني خالص من الرخصه

وصراحه الله يعينك على الدوخه

شوف انا اعرف مكتب مضمون ويطلعه لك وهو رجال اذا قال كلمه ثقه

والله انا لا عرف ولا شي بس الرجال ماقصر يعني انا كلمة اصحاب تخليص المعاملة ومحصلة الى واحد اللي ثقه

وعلى فكره هو معتمد ويقدر يطلع لك شهادة الرصيد

لان وربي رحت حق كذا مكتب وكل واحد يحط لي اسم صاحب المكتب اللي اقولك عنه

وياخذ منك بداية الامر مبلغ بسيط واذا جهز الرخصه يسلمها لك

وهذا رقم المكتب

2644690 - 6868889

ذيب امعط طال عمرك على اسمك ​

 

[سوق خضرة]

للرفع