ياشباب هلا بهذا الموقع تصير بيعات؟ اللى قاعد اشوفها ان العرض اكثر من الطلب!!! وبعض الناس تخرب البيعات ولا راح تشتري داش الموقع علبالهم ان الموقع مسرحيه او ملاهي ياجماعه ارجو من الناس الى ودهم يسولفون او ينتقدون وعندهم كبد بالكلام فيه مواقع تعلم الواحد اشلون يسولف مع الناس ويحترم الاخرين وعامل الناس كما ان تحب ان يعاملوك لان فيه ناس محتاجه ودها تبيع بس بعض الشباب يدش ينتقد ويكسر سلع العالم وهم موفاهمين شي وشاكرلكم على مروركم
الله يعطيك العافيه .. عن جد كلامك 100 % لكن اللي يخربون معروفين ؟؟ والكل يتجاهلهم بس بصراحه شدني العنوان (( ممنوع اصطحاب الاطفال ))
تسلم يا الغالي على الموضوع وآنا معاك في كلمة . وأتمنى يكون في حل للناس اللي ذكرتهم عشان يمنعوهم من دخول الموقع على طول . يعطيك العافية وبالتوفيق .
للاسف انت بالانترنت تمر عليك اشكال من كل صوب فيه الزين وفيه الشين ولو بتقعد تهتم حق كل شخص بينقد ولا بخرب شغلك صدقني ماراح تخلص وبتعور راسك على الفاضي لو ربك كاتب لك بيعه او انك تشتري السلعه صدقني لو مهما يصير بتكون من نصيبك وكل ما شفت احد خرب عليك بيعه قول الحمد لله ممكن تكون خيره وهالاشكال الي تقول عنها ربك موجود وبحاسبها بحيل الله وموفقين جميعا
ياجماعه لو كل واحد يسوم يحط رقم تلفونه تتثبت السومه واللي مايحط تلفونه تنلغي السومه يكون افضل ولا شرايكم
عجبني عنوان الموضوع وقلت ياليته صج يتطبق بالمنتدى عموما اخوي في ناس هني نفس ماقلت تبي تسولف وتبي تتطنز وتخرب الموضوع وفي ناس للامانه تبي تبيع سواءا للحاجه او غيرها خل الايام الي طافت اليوم انا بايع جهاز تليفون وقبل شوي بايع هارديسك بمعنى في ناس جاده بالشراء مو الكل يبي يخرب الموضوع او يسولف والله يوفق الجميع
كلامك عدل 100 % صراحه هالاشكال اللي تتكلم عنهم يسببون لي حساسيه ويفقعون المراره ،،،، وياليت يكون فى قسم تحت اشراف المشرفين والمراقبين يذكرون فى هالقسم اسماء الاعضاء المشاكسين والمتلاعبين بالبيع والشراء والتشهير بهم علشان مايكررون هذه الاعمال ويكونون عبره لكل من يعتبر
