ياخوان كم تكاليف شحن السيارة من امريكا ؟

[Q8i11]

تاهو الشكل القديم
أسعار المكاتب عندنا غير معقولة
السيارة قيمتها بامريكا 4 الاف دينار يروح يبيعها 7 الاف , و اللي ب 3 يبيعها ب 6
بس ابي اعرف كم تكاليف شحن السيارة من أمريكا
و دمتم

 

[!وحيد الجزيره!]

سعرها 2000 دولار عن طريق البحر يعني تقريبا 530 دينار وتآخذ لها شهرين او ثلاثه على ما توصل

 

[Q8i11]

جزاك الله خير أخي وحيد

ياخوان هل يوجد أي تكاليف أو رسوم أخرى تستحق الذكر ؟
أبحث عن تاهو Z71 موديل 2005 أو 2006

 

[عزوز الكويت]

مواصفات السلامه واللوحات بالجمرك الكويتي اعتقد ماتتعدا ال 80 دينار

بس تاكد ان كانت الموديلات القديمه تدش

 

[Q8i11]

مشكور اخوي عزوز

طيب ياخوان تعرفون مكاتب تجلب السيارة التي أختارها من ebay
مقابل نسبة معينة لا تتعدى ال 5% و ادفعها و هم يتكفلون بهذة الأمور
وشكراً

 

[ahmedo smith]

ولد عمي في مكتب ebayفي المنطقة الحرة في الشويخ بس نصابين لاتعامل معاهم اي شي تطلبة يدبلون السعر اطلب من مركز سلطان يطلبلك اي شي تبي من السايت بس bay naw onlyاو من مصدر موثوق خمس نجوم يعني

 

[Q8i11]

ولد عمي في مكتب ebayفي المنطقة الحرة في الشويخ بس نصابين لاتعامل معاهم اي شي تطلبة يدبلون السعر اطلب من مركز سلطان يطلبلك اي شي تبي من السايت بس bay naw onlyاو من مصدر موثوق خمس نجوم يعني

مشكور اخوي احمد
انا ما اشوف الا سيارات الديلر وكلاء معروفين بامريكا بإي باي و بخمس نجوم
ولا آخذ السيارة بدون تقرير auto check

بس شلون طريقة مركز سلطان و كم ياخذون ربح ؟
و هل يتعاملون بالأقساط إذا أمكن ؟
و شكراً

 

[كنكون]

ولد عمي في مكتب ebayفي المنطقة الحرة في الشويخ بس نصابين لاتعامل معاهم اي شي تطلبة يدبلون السعر اطلب من مركز سلطان يطلبلك اي شي تبي من السايت بس bay naw onlyاو من مصدر موثوق خمس نجوم يعني

اخوى شلون طريقه الطلب من مركز سلطان وجم العموله

 

[sanad2007]

قوه لي صديق يجيب سيارات نظيفه من امريكا وماعنده مكتب ولا شي


اذا حبيت اخليه يدور لك واذا لقا اردلك خبر

بس ماشاء الله عليه يجيب مواتر شغل نظيييييييييييييف

انا اشتريت منه زد اكس

شنو المواصفات اللي تبيها

تبي z71 ابو سله كبيره ؟ وكشافات مدوره ؟

 

[ارماندو]

السلام عليكم 00 ياليت اخوي سند تسأل صديقك عن التاهو 2006 مثل ماقالو الاخوان000 شكرا اخوي

 

[abdullah6868]

انا عندي حساب في اي بي وعندي شحن داخلي يشيل سيارتكم من البائع وعندي شحن للكويت واحط سيارتك مع سياراتي في حاوية 9734896

 

[Q8i11]

ماشاء الله الإخوان عند وجهك
الله يعطيكم العافية

ياخوان ماني طيب و أخوّه بالأمور هاذي نبي شيء رسمي و مكتب و عقود بدون مجاملات
هل يوجد مكاتب تشتغل بهالأمور رسميا كوسيلة تجارة و ليس عن طريق معرفه
بشرط اختار سيارتي من إي باي و أعرف سعرها بأمريكا بنفسي بدون ما يجي واحد يقص علي بدون عقد أو شروط
نبي شيء رسمي مقابل ربح معقول

 

[Biz-Link]

تاهو الشكل القديم
أسعار المكاتب عندنا غير معقولة
السيارة قيمتها بامريكا 4 الاف دينار يروح يبيعها 7 الاف , و اللي ب 3 يبيعها ب 6
بس ابي اعرف كم تكاليف شحن السيارة من أمريكا
و دمتم

السيارة اللي قيمتها في امريكا 4000 دينار تكلفك على الاقل 1000-1200 دينار.
من نقل بري للميناء- تامين-شحن بحري-رسوم وكيل الشحن في الكويت-رسوم الميناء -التخليص-هيئة الصناعة -تامين ولوحات .(هذا الواقع وليس اجتهادات او سواليف ) .

اما ان سيارة تاهو تكلفتها 4000 دينار وتباع ب 7000 دينار فلا اعتقد ذلك . على ايدك خوش ربح ولك عمولة 500 دينار على كل سيارة .

 

[Q8i11]

السيارة اللي قيمتها في امريكا 4000 دينار تكلفك على الاقل 1000-1200 دينار.
من نقل بري للميناء- تامين-شحن بحري-رسوم وكيل الشحن في الكويت-رسوم الميناء -التخليص-هيئة الصناعة -تامين ولوحات .(هذا الواقع وليس اجتهادات او سواليف ) .

اما ان سيارة تاهو تكلفتها 4000 دينار وتباع ب 7000 دينار فلا اعتقد ذلك . على ايدك خوش ربح ولك عمولة 500 دينار على كل سيارة .

صدقت أخي Biz-Link
مكاتب السيارات عندنا ربحهم ضئيل جدا ربما يربحون بالسيارة الواحده 20 أو 25 دينار فقط لا غير و كأنهم يعذبون أنفسهم لكي يستفيد الأخرون و يحبون لأخوانهم المسلمين كما يحبون لأنفسهم
و لا يلعبون بالعداد
و يذكرون الله كثيراً و يسبحونه بكرةً و أصيلا , و يحقون الحق و يبطلون الباطل إن الباطل كان زهوقا و مع كل سيارة يعطونك تقرير مجاني من autocheck أو Carfax و يضمنون لك أن السيارة غير ملعوب بعدادها أو غرقانه أو مدمره بالكامل و معاد تصنيعها , حاشا لله فهم يخافون المال الحرام

تجارنا و مكاتب السيارات عندنا أشرف تجار و مكاتب سيارات بالعالم لدرجة أني اتحداك تجيب مكتب واحد لاعب بالعداد بسيارة جاية من أمريكا

تجار السيارات عندنا شرفاء لدرجة أنه لا يوجد قانون يمنعهم من التلاعب بالعداد أو بالسيارة لأنهم ليسوا بحاجة لشهادة أحد

الله يكفينا شرهم هالتجار

http://cgi.ebay.com/ebaymotors/Chev...29132065QQcmdZViewItem?hash=item170229132065&

 

[Faris]

اخوي فى محل بحولى أمام مكتبة جرير على ما اظن يجيب سيارات واكترونيات بسعر جدا رمزى . بس ما أذكر إسم المحل ايش !
ولكن راح تشوف المحل عليه دعاية كلمة ايباي وامازون .

وموفق خير

 

[Q8i11]

حبيبي فارس
مشكور يالغالي
ياخوان أشوفه و أرد لكم خبر عن عمولته

 

[althnaianQ8]

يا شييييييييين الشريطيه اذا تدخلو في الموضوع

 

[canada]

اخواني الاعزاء هناك ملاحظه مهمه السياره التي جيبها من امريكا يجب ان يكون لها متعهد بضمانتها
هده واحده والثانيه ان يتعهد بضمانها لمدهلاتقل عن سنه و الثالثه ان لا يكون عمر السياره اكثر من 5سنوات انا اعلم هنا سيارات ارسلت الى الخليج ماتسوى 2000 ممكن الموتر غير جيد ممكن التران غير غير جيد هناك متهد لدينا في دبي يمكن الاتصال به ويمكن تذهب ترى السيارات بعينك تحياتي للجميع والحذر واجب نسالكم الدعاء

 

[Biz-Link]

صدقت أخي Biz-Link
مكاتب السيارات عندنا ربحهم ضئيل جدا ربما يربحون بالسيارة الواحده 20 أو 25 دينار فقط لا غير و كأنهم يعذبون أنفسهم لكي يستفيد الأخرون و يحبون لأخوانهم المسلمين كما يحبون لأنفسهم
و لا يلعبون بالعداد
و يذكرون الله كثيراً و يسبحونه بكرةً و أصيلا , و يحقون الحق و يبطلون الباطل إن الباطل كان زهوقا و مع كل سيارة يعطونك تقرير مجاني من autocheck أو Carfax و يضمنون لك أن السيارة غير ملعوب بعدادها أو غرقانه أو مدمره بالكامل و معاد تصنيعها , حاشا لله فهم يخافون المال الحرام

تجارنا و مكاتب السيارات عندنا أشرف تجار و مكاتب سيارات بالعالم لدرجة أني اتحداك تجيب مكتب واحد لاعب بالعداد بسيارة جاية من أمريكا

تجار السيارات عندنا شرفاء لدرجة أنه لا يوجد قانون يمنعهم من التلاعب بالعداد أو بالسيارة لأنهم ليسوا بحاجة لشهادة أحد

الله يكفينا شرهم هالتجار

http://cgi.ebay.com/ebaymotors/Chev...29132065QQcmdZViewItem?hash=item170229132065&

انت اخترت اعلى سعر في السوق ( وقد يكون مجرد عرض ) وليس سعر البيع للجاد في الشراء / وتركت الاسعار الاخرى وهي بحدود 5500-5750 دينار .

وبعدين حطيت سعر سيارة في امريكا وليس جميع التكاليف واالي لن تقل عن 4800-5000 حسب طريقة الشحن .

لازم يكون الطرح موضوعي لان بعض الناس تصدق وما تفكر بس مع الخيل ياشقرا .

احسن شيء تدور محل يجيب لك سيارة مقابل عمولة وانت تدفع كل شيء

وتكون مسئول عن السيارة لانك اشتريتها من الانترنت بنفسك .

واكيد يكون السعر اقل من السوق بحدود 500-750 دينار ( طبعا لازم تنتظر على الاقل 3 اشهر لوصول السيارة .


الله يوفقك ويبعد عنك اصحاب المكاتب والشريطية

 

[Biz-Link]

اخواني الاعزاء هناك ملاحظه مهمه السياره التي جيبها من امريكا يجب ان يكون لها متعهد بضمانتها
هده واحده والثانيه ان يتعهد بضمانها لمدهلاتقل عن سنه و الثالثه ان لا يكون عمر السياره اكثر من 5سنوات انا اعلم هنا سيارات ارسلت الى الخليج ماتسوى 2000 ممكن الموتر غير جيد ممكن التران غير غير جيد هناك متهد لدينا في دبي يمكن الاتصال به ويمكن تذهب ترى السيارات بعينك تحياتي للجميع والحذر واجب نسالكم الدعاء

مع احترامي لك - اي شخص يرغب في شراء سيارة من الخارج ( امريكا) ويرسل الفلوس يعتبر انسان ساذج . اللي يحب يشتري سيارة عن طريق وسيط يجب ان يكون الوسيط موجود في بلد المشتري ويكون شركة او مكتب ويقوم المشتري بتوقيع عقد مع المكتب ( المحلي) وياخذ ايصال بالمبلغ .

اما غير ذلك فهو مخاطرة كبيرة ليس لها اي داعي .

good luck