شباب ابي نصيحة منكم

الموضوع في 'إستراحة المنتدى' بواسطة ابو سالم1, بتاريخ ‏17 يونيو 2008.

  1. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    شباب عندي مبلغ 30 الف دينار افكر ادش البورصة ولا عمرى جربتها او احط المبلغ فى وديعة فى احدى البنوك ابي نصايحكم ابي استثمر المبلغ ابي منكم الافادة اذا احد عندة فكرة
    جزاكم الله الف خير انشالله
     
  2. احمداني

    احمداني عضو جديد

    التسجيل:
    ‏19 مايو 2008
    المشاركات:
    578
    عدد الإعجابات:
    0
  3. باب عوود

    باب عوود عضو نشط

    التسجيل:
    ‏31 ديسمبر 2007
    المشاركات:
    3,570
    عدد الإعجابات:
    4
    مكان الإقامة:
    كيفان دار السعد
    اخي الكريم بوسالم
    البورصه رايحه فيها هذي الايام
    سو لك مشروع تجاري صغير او حطهم وديعه افضل لك
    الله يوفقك
     
  4. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    راي من راي اخوي باب عوود

    سولك مشروع تجاري ابرك صج البورصه من وراها خير احيانا
    ولكن تفرحك مره وتخفس فيك 5 مرات

    ودامك طلت النصيحه عندي لك اقتراح وسط

    قسم المبلغ نصفين

    النص الاول


    ادخل بالاسهم ((((اكتتاب فقط))))) هناك اكثر من 4 شركات ستطرح للاكتتاب العام خلال سنه والولها شركه الاتصالات الثالثه يشهر 7 اظن

    النص الثاني


    اشتر ارض بمصر او بالسعويه
    الاراضي رخيصه وخاصه بالسعوديه هالايام
    طايحيين بالاستراحات((مثل اسطبلات الخيل عندنا)))
    اشتر 600 متر وقسمها 2
    وابني عليها جم دوانيه مع ملحقاتها وسلمها لمكتب اداره املاك تطلع تقريبا
    24 الف ريال بالسنه ولا مضاربه في بروصه لها قمه وحده وما يندرى وين قاعها
     
  5. فايز1978

    فايز1978 عضو نشط

    التسجيل:
    ‏14 يوليو 2004
    المشاركات:
    630
    عدد الإعجابات:
    0
    شوف اخوي اول شي اذا تبي تدش البورصه لاتدش عمياني لازم تعرف امور التحليل الفني والتحليل الساسي

    ثاني شي الاسهم فيها خطوره كبيره ولكن فيه قاعده تقوول كل ما زادت الخطوره زادت الارباح لذالك اذا قلبك جامد ادرس الامور اللي قلتها لك ودش السووق ولا تسمع كلام احد لانة السووق فيه كلام كبير وسلامتك
     
  6. مطاري

    مطاري موقوف

    التسجيل:
    ‏22 مايو 2008
    المشاركات:
    110
    عدد الإعجابات:
    0
    هلا

    اخوي مع احترامى لك الاخوان اسمع كلامى انا
    عطنياهم استثمرهم لك راح اطلعلك الف دينار كل شهر صافي وانتا قاعد فى بيتكم
    لمدة سنة والفيس من الفيس وايت
    شرايك
     
  7. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    اشكركم اخوانى على جميع النصائح والدال على الخير كفاعلة
    عسالله يوفقكم انشالله
    ننتظر باقى النصائح من الاخوان وعسالله يجعل نصائحكم فى ميزان حسناتكم انشالله
     
  8. متفائل محبوب

    متفائل محبوب موقوف

    التسجيل:
    ‏24 يناير 2008
    المشاركات:
    204
    عدد الإعجابات:
    0
    نصيحه لاتدخل السوق الكويتي خل الفلوس هذا للاكتتاب احسن لك
    حتى لو تشتري بطايق فيهم واذا حبيت تدخل الله يكون بعونك
     
  9. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    نصيحة لوجه الله
    افتح لك حساب بوديعة الكوثر ببيت التمويل
    عوائد شهرية 5% اقل شي وتزيد كل شهر
    وطبعا ارباح وديعتك شهريا تنزل بحسابك
    يعني اذا عندك 30 الف وديعة احسب 5% يطلع لك شهريا مبلغ 1500 دينار اذا ماني غلطان
    وهذي بعض المعلومات
    والحد الأدنى لفتح حساب وديعة الكوثر هو 10 آلاف دينار ويمكن فتح حساب الوديعة في أي يوم من الشهر، ويتم احتساب الأرباح شهريا منذ بداية الشهر وحتى نهايته، وتعلن الأرباح في الأسبوع الأول من كل شهر، وفي حال فتح الوديعة بعد اليوم الأول من الشهر يتم احتساب الأرباح من اليوم التالي لفتح حساب الوديعة، على أساس عدد الأيام المتبقية منذ ذلك التاريخ وحتى نهاية الشهر.
     
  10. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    السلام عليكم ورحمة الله

    الاخ بو سالم

    الوقت هذا حساس بالنسبة للسوق بسبب الارقام القياسية اللي حققها اللمؤشر السعري وضخمته بسبب الاغلاقات الوهمية

    نصيحتي لك اذا مو مستعجل انطر ارباح الربع الثاني بشهر 8 ان شاء الله ونشوف الوضع العام للسوق وراح ابين لك الشركات اللي تستحق الاستثمار بناء على نمو ارباحها

    ربح يطوفك ولا خسارة تعور القلب

    واذا مستعجل فيه شركتين يصلحون بالوقت الحالي بشرط تنطر عليهم سنه
     
  11. شجاعي

    شجاعي عضو نشط

    التسجيل:
    ‏1 يوليو 2007
    المشاركات:
    235
    عدد الإعجابات:
    0
    اخوي انا بقولك شنو صار معاي

    كان عندي 34 الف كاش

    احترت شلون استثمرهم

    الوقت ممل والاغراءات يمين ويسار وصرت اسحب ارقام بسيطة باعتقادي انها ما تضر المبلغ الكبير ( فقران ) .. لحاجة هنا ولضرورة هناك في نظري ونظر أم العيال وهي ما تتعدى الكماليات (( كويتي )) ..

    الين لحقت اخر شي على اكتتاب السور و الوطنية للطيران والعالمية للشحن الجوي وبعد التخصيص ردوا لي الفائض وصرت اصرف الباقي على أنه خلاص استثمرت فلوسي باكتتابات نافعه

    وعينك ما تشوف الا النور .... صرت اتحرى المعاش من ثالث يوم من الشهر وفلوسي مجمدة بالاكتتابات وهذا انا داخل السنة الثالثه وصابر انتظر الفرج من الله عز وجل بالادراج القريب
    مع العلم ان ربعي مكتتبين بعد لكن من مبلغ وفروه من معاشاتهم لمن سمعوا بقرب الاكتتاب
    ولا صار فيهم الاحباط اللي جاني ( يعني تقدر من معاشك توفر سيولة لعدد بطاقاتك انت وعيالك للأكتتابات الجاية )


    اسمع مني نصيحة مجرب مل من الانتظار

    عندك الاسهم القيادية ..واللي الحين اسعارها تغري للشراء ..

    كل سهم تسمع انه قيادي انظر الى سعره وتوزيعته آخر السنة وكم وصل قبل لا يتفصخ

    اشتره بسعر اليوم .. وانتظر لآخر السنة ست او سبع شهور من الآن تلقى فيها رزقه حلوة
    وانت وحسبتك تبي تبيعه قبل تستلم ارباحه وقبل يتفصخ وترجع تشتريه بمثل هالوقت من السنة الجاية بكيفك او انك تاخذ ارباحه النقدي والمنحه وتكون مستثمر معاه .. من غير أي خوف


    مثلا لو اشتريت (( صناعات )) بسعر اليوم 1360 وانتظرت لآخر السنة ووصل سعره إلى 1800 (( مانبي نطمع )) وبعته قبل تستلم أرباحه تكون ربحت 440 فلس .. على كل سهم اشتريته

    نقول 30 الف كويتي اشتريت 20 ألف سهم بسعر 1.360 يطلع عليك 27.200 دينار كويتي
    وبعدين بعت الــ 20 ألف سهم بسعر 1.800 يكون المبلغ 36 ألف دينار كويتي يعني ربحك خلال ست او سبع شهور باذن الله يكون 8.800 دينار

    أنا أقول توكل على الله وأسأل عن الاسهم القيادية اللي لها توزيعات مجزية منح ونقدي وأقرأ في المؤشر نت وتعلم من غيرك المصطلحات اللي تسمعها لأول مرة في عالم البورصة
    ومثل ما قلت لك ترى الوقت يمللك والدينار لا راح ما يرجع بالسهوله
    وأنا ان شاء الله من ابيع اسهم السور وباقي اسهمي اللي اكتتبت فيهم راح اسوي هالطريقة اللي عرفتها من ربعنا هني في المؤشر نت ونصيحة أخيرة .. اكثر من الدعاء


    اسأل الله تعالى أن يبارك لك في مالك ويرزقك الرزق الطيب الحلال

    واسأل الله الرزاق الكريم أن يرزقك من فضله

    وتقبل تحياتي لك
     
  12. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..

    عدل كلامك ..
     
  13. شجاعي

    شجاعي عضو نشط

    التسجيل:
    ‏1 يوليو 2007
    المشاركات:
    235
    عدد الإعجابات:
    0
    مشكور اخوي الكوبرا

    ولك تحياتي
     
  14. duwailah

    duwailah عضو جديد

    التسجيل:
    ‏13 ابريل 2008
    المشاركات:
    215
    عدد الإعجابات:
    0
    مكان الإقامة:
    KUWAIT
    انا رأيي تقسم المبلغ .. يعني لو مبلغك 30 الف دينار .. تدش بمبلغ خمس الاف دينار وتضارب على اسهم معينه وتشوف السوق وشلون تتحرك الاسهم وتتفاعل مع الاخبار .. وبنفس الوقت تاخذلك دوره بالتحليل الفني تتعرف عليها شلون تحدد نقاط الدعم والمقاومه والترندات ونقاط الدخول والخروج .. ويكون عندك كاش 25 الف حق الفرص الثانيه وتدعيم حق الاسهم اللي تشتريهم .. بس احذر احذر السوق حاليا صاعد ويسكر هايات جديده وممكن يعكس اتجاهه بأي وقت .. عشان جذي انا اقولك لو تعرف شلون تحلل الاسهم ممكن تربح .. اما اذا تبي تدش عمياني انا رايي انك تقضب فلوسك احسن لك ..
     
  15. اليوفى

    اليوفى عضو جديد

    التسجيل:
    ‏20 مارس 2007
    المشاركات:
    326
    عدد الإعجابات:
    0
    مكان الإقامة:
    الكويت
    الامتياز للاستثمار
     
  16. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    انا أقولك شي حط 10.000 وديعه :D والباجي اشتري فيهم أراضي برا الكويت بالأردن أو بعمان أو اي دوله
     
  17. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    شكرا اخوانى على النصائح الى الان محتاجين الكثير من اهل الخبرة
    ننتظر باقى المشاركات ان وجدت ونشكر كل الاخوة الذين شاركو بالنصائح
     
  18. مبروك

    مبروك عضو نشط

    التسجيل:
    ‏12 أكتوبر 2004
    المشاركات:
    230
    عدد الإعجابات:
    11
    مكان الإقامة:
    الكويت
    اسمع وانا اخوك والنصيحة بجمل

    حطهم وديعة لمدة سنة وطول هالسنة تعلم فن التحليل الفنى وداوم على السوق لو بالاسبوع مره اومرتين لين ماتاخذ على جوهه وهواه واذا استلمت الارباح وقتها دش بقلب جامد وتوكل على الله ترى السوق مثل البحر خيره كثير والله يعينك على اهواله
    والله يوفق الجميع

    اخوك مبروك
     
  19. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    وايد ناس سووها وتوهقوا .. وانقطوا على صخر ..!
     
  20. بوو عبدالرحمن

    بوو عبدالرحمن عضو جديد

    التسجيل:
    ‏31 مايو 2006
    المشاركات:
    244
    عدد الإعجابات:
    0
    حبيت اشارك وان شاء الله تستفيد

    1- بالنسبة للأراضي برة الكويت خاصة عمان والسعودية ما انصح فيهم لان وايد ناس توهقوا فيهم

    2-أنصح بسوق الجت للاسهم اللي تتحول بالاسم على سبيل المثال
    سهم استحواذ بسوق الجت85 وسعر الاكتتاب فيه 110
    نفرض نزل السوق 110
    30000دك/0.85 فلس=350000 سهم تقريبا

    نفرض نزل السوق110

    350000*0.11=38500

    هذا ربح 8500 تقريبا خلال سنه

    وخللك شغال على سوق الجت

    3-تقدر تشتري شقة وتأجرها بحدود 250 دينار

    4- البورصة دوخة وانصح بعدم دخولها كل يوم متابع وكل يوم سهم صاعد سهم نازل ما تسوى

    5-اذا فيك صبر الاستثمار الناجح بالنسبة للاسهم هي الاكتتابات

    6- اشتر سيارات مستعملة من البحرين وبيع بالكويت وعلى ما اعتقد في مزادات في شباب وايد طايحين فيها يشترون سيارات من امريكا برخص التراب وبيعون بالكويت بربح لا يقل عن 1500 دينار على كل سيارة

    7- العقار بالبحرين لازال فرصة ذهبية يفضل السفر وتروح مكاتب عقارات بالبحرين لا تتعامل مع شركات بالكويت سمعت ان الجسر اللي بين البحرين وقطر بيخلص خلال سنتين بعدها شوف الاسعار

    8- في محلات بالكويت تمليك بحدود 40-50 الف هذي فايدتهم ثابته وما فيها خسارة من 400 الى 500 دينار

    9- 30 الف وزيد عليهم 40 الف واشتر بيت (الرقة-الظهر-الفردوس-الجهراء) واجره :( سجله باسم الوالد او الوالدة بعد جم سنه البيت صافي لك ومن اجاره هم فايدة لك

    10-خلهم وديعة او بصندوق استثماري قوي على سبيل المثال وديعة في بيت التمويل او صندوق الدار العقاري سمعت انه قوي

    والله يرزقك