شنو البديل لحرامية شارع الزينه ؟

الموضوع في 'اعلانات بيع وشراء متفرقة' بواسطة سعمران, بتاريخ ‏17 يونيو 2008.

حالة الموضوع:
مغلق
  1. سعمران

    سعمران عضو جديد

    التسجيل:
    ‏16 مارس 2008
    المشاركات:
    356
    عدد الإعجابات:
    0
    السلام عليكم

    من المعروف انه اللى يبيعون بشارع الزينه اكبر نصابين وحراميه وأنا هنا لا أتحجى عن شراء بضاعه معينه منهم فهذى السالفه مقدور عليها ..

    فالواحد يقدر يفتر على جم محل منيه لما يحصل السعر الأرخص لنفس البضاعه ونفس الماركه ..

    لكن أنا أتكلم عن لعبتهم اللى ما ينافسهم فيها أحد وهى حينما يخرب مسجل السياره وتوديها لهم للتصليح فيطلبون أسعار عاليه للتصليح وغالبا ما تكون الشغله الخربانه بسيطه وما تكلف يا تكون بكره خربانه أو واير مفتلت أو شيء من هالنوع .

    فشنو البديل اللى ممكن الواحد يودى مسجل سيارته للتصليح غير شارع الزينه ؟؟
     
  2. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    يا حلو السعمران والله
    خوش نك عليك بالعافيه
    اخوي صدقني ما راح تستفيد إلا من الوكيل
    اخذ مسجلة سيارتك وودها الوكاله الاصليه مالتها وخلهم يصلحونها فقط لا غير
    صج غاليين شوي لكن شغل نظيم ومضمون على الاقل
     
  3. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    حولي مقابل السنترال..

    شخبار الباندا حصلته و إلا للحين..؟! يمدحون سوق الحمام
     
  4. بوحمود1

    بوحمود1 عضو نشط

    التسجيل:
    ‏28 يناير 2008
    المشاركات:
    525
    عدد الإعجابات:
    0
    مكان الإقامة:
    الحبيبة الكويت
    نفس الشئ ، افتر عليهم لما اطيح بواحد رخيص

    والله يعيننا وياكم على الاسعااااااااار
     
  5. العجمي123

    العجمي123 عضو جديد

    التسجيل:
    ‏9 يناير 2008
    المشاركات:
    274
    عدد الإعجابات:
    0
    شوف ياخوي انا مابي اعيد المقارنه بين لكويت والسعوديه :)
    لكن انا عن نغسي لبغيت شي لسيارتي اقرب مالي الحفر شاريع الزينه مورخيص الا بسعر التراب وانتم بكرامه
    ليتات وهي ليتات ب30 ليتين بالكويت ب70 :) تبي روح وجرب :) انا اتكلم عن زينة السيارات مو خراب السيارات يعني سالفة طق القير لا لكويت شيوديني الحفر :) اتمنى وصلة المعلومه
     
  6. كنكون

    كنكون عضو جديد

    التسجيل:
    ‏27 يونيو 2006
    المشاركات:
    603
    عدد الإعجابات:
    0
    انا قبل سنتين تقريبا خرب مسجل السياره ( حوت ) قالو مايصلحه الا جم واحد بشارع الزينه غيره ماكو يقولون المرسيدس مو اى واحد يسويه المهم رحت لجم واحد كلهم دزونى على شخص معين المهم قالى تصليحه اقل شي 80 دينار ويمكن اكثر لمن افحصه وشوف يمكن يوصل ل 150 يقول ماتدرى المهم قلت مانى مصلحه ولا القا محل بكستانى خلف شارع الزينه ووقف عنده وقوله السالفه قال لحضه وفحص وقعدت السياره عنده يمكن نص ساعه ولا فيوز محترق ويبدله والاخ يقول 80 وقابل للزياده هذا شي من لاشي
     
  7. rakan_yes

    rakan_yes عضو نشط

    التسجيل:
    ‏24 مايو 2007
    المشاركات:
    2,073
    عدد الإعجابات:
    0
    السلام عليكم

    ممكن مداااااخله

    اخواني شوفوا

    اي محل بالكويت ينظر لنا ككويتين وبصراحه
    اننا مانفهم
    وانا باعتقادي انه فعلا بس من منظور معين وهو
    انكم اذا حطيتوا السياره عنده رحتوا يا اما واحد من الربع يمركم وتروحون معاه او تمسك تلفوونك وتسولف ليمن تخلص سيارتك او اقرب مطعم تقعد فيه ليمن يخلص السيااره

    لالالالالالالالالالالالالالالا

    خلك على راااااااسه اوووووووووقف مافيها شيء تتعلم شيسوي بسيارتك ولو انك ماتفهم شغله لاكن سو نفسك تعرف الشغل
    وانت عاد قيم الشغله
    ليش 150 دينار لا
    حدك 20 دينار وتخب عليه

    لاتعطونهم وجـــــه وتبوسون فيهم مثل ماني شايف اغلب الشبااب طايح له تبوس في العمال الي بالزينه عشان ينزل له 500 فلس شدعوه
    لاتحترمه واخذ حاجتك وطنش
    عموما
    لاتروح للمحل وانت غشيم بالموضوع الي تبيه سو نفسك تعرف وبالتفصيل يعني

    تقبلوا تحياتي
    ابورااشد
     
  8. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0

    100%
     
  9. الحيشان

    الحيشان عضو جديد

    التسجيل:
    ‏13 يناير 2008
    المشاركات:
    432
    عدد الإعجابات:
    0
    السلام عليكم كلامك 100% اخوي wooow وانا عن نفسي ما اروح شارع الزينه ما عنه قريب علي بس اتعنى وروح الصناعيه الفحيحيل وايد ارخص اسعارهم وراح تحس بلفرق وايد جرب منت خسران وفيهم مصداقيه وايد احسن من شويخ ومشكورين
     
  10. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    والله ياخوي البديل هو ال C D والحين نادرا ما يستعملون الاشرطة ،،، نزل من النت كل اللي تبي ،،، تحياتي ،،،
     
  11. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    نفس السؤال:D
     
  12. سعمران

    سعمران عضو جديد

    التسجيل:
    ‏16 مارس 2008
    المشاركات:
    356
    عدد الإعجابات:
    0
    يزاكم الله خير اخوانى على مشاركاتكم ونصايحكم

    واما بالنسبه للأخوه اللى يسألون عن موضوع الباندا وشصار عليه فللأسف فأن البعض من المشرفين من أعداء الفرح والبسمه على شفاه الصغار قد قاموا بحذف الموضوع ولكن البحث لا يزال جارى واللى يقدر يفيدنى بهالخصوص أكون ممنونله ويراسلنى على الخاص .
     
  13. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    أخوي سعمران إنت تتكلم من صجك ؟

    الله يهداك هذا باندا مو بوجي..

    قيمته بالملايين و مهدد بالإنقراض لدرجة إن لما ينولد واحد يحطونه بالأخبار لأنه يعتبر حدث نادر..!!

    على بالي كل هالمده تتغشمر طلعت ماخذ الموضوع جد ، لا و بعد متأثر من حذف الموضوع .
     
  14. غيلان 1

    غيلان 1 موقوف

    التسجيل:
    ‏7 نوفمبر 2007
    المشاركات:
    606
    عدد الإعجابات:
    0
    فيه محلات باكستانيين بخيطان الورده البيضا

    اللي بخيطان صج غالين شوي بس يقزرونها
     
  15. حطوير

    حطوير موقوف

    التسجيل:
    ‏23 مارس 2008
    المشاركات:
    277
    عدد الإعجابات:
    0
    ياليت علي غاليين بس
    ياليت حراميه
    الا يحطون لك قطع رايحه فيها
    الي يقول ركب سي دي اخوي احنا مال اول ما نعرف للدغم
    اذا ما ارفس الزرار ما استانس


    الف شكر يا راعي البانده وان شاء الله تلاقيه
     
  16. بودعيج

    بودعيج عضو جديد

    التسجيل:
    ‏16 مايو 2008
    المشاركات:
    13
    عدد الإعجابات:
    0
    والله فكرة الحفر اعجبتني اللي عندنا غالييييييييييييين على الفاضي
     
حالة الموضوع:
مغلق