كيف انزل شارت بالمنتدي

[ابوعبدالله 66]

أرجو المساعده لو سمحتوا كيف أضع شارت بالمنتدى علما بأني استعمل برنامج SnagIt 9 حاولت اني اضع شارت بالمنتدى ولم استطع ممكن أحد يساعدني بالطريقه المفصله لأني عليمي بالكمبيوتر

 

[(فزاع)]

http://www.indexsignal.com/vb/showthread.php?t=109247

ان شاءلله يفيدك هالموضوع ..
واذا ما فهمت قول لي وانا اشرحلك بنفسي ..


تحياتي لك

 

[ابوعبدالله لابتوب]

سبقتني شاكر لك سرعة تجاوبك صج انك كوبرا دائما سباق على الخير

 

[ابوعبدالله 66]

http://www.indexsignal.com/vb/showthread.php?t=109247

ان شاءلله يفيدك هالموضوع ..
واذا ما فهمت قول لي وانا اشرحلك بنفسي ..


تحياتي لك

مشكور وما قصرت وشلون على التعامل مع البرنامج SnagIt 9

 

[(فزاع)]

سبقتني شاكر لك سرعة تجاوبك صج انك كوبرا دائما سباق على الخير

الله يسلمك .. يطولي بعمرك ..
كلامك اعتبره وسام اعلقه على صدري ..

مشكور وما قصرت وشلون على التعامل مع البرنامج SnagIt 9

والله يا اخوي ما اعرف اسم البرنامج ..
لكن في طريقه ثانيه ..
تلقى بالكيبورد دقمه مكتوب عليها prtsc sysrq اضغط عليها ..
وبجذي انت جنك قاعد اتصور الشاشه اللي جدامك ..
تروح عند برنامج الـ paint وتسوي paste عليه ..

ان شاءلله قدرت افيدك ..

تحياتي لك

 

[kuwaitey]

اخوى على شان اشرح لك الطريقه انت عندك برنامجSnagIt 9

يعنى منزله عندك على الجهاز وشغال ولا بعدك مانزلته على جهازك

على العموم بحاول اشرح لك شى بسيط وان شاء الله الباقى بتعرفه بروحك

1- اضغط على ايقونة البرنامج من سطح المكتب وخلها شغاله تشوف علامتها تحت يم الساعه

2- اختار الجدول الفنى اللى تبى تنزله او الصوره ومن ثم اضغط على علامة prtsc sysrq

- او افتح البرنامج وشوف تحت على ايدك اليمين .. تحصل دائره لونها احمر ويمها صورة كاميره

- اضغط عليها وبعدين .. قم بتحديد الصوره اللى تبيها

3- بعد ماتحدد الصوره تشوف فوق بنفس الصفحة اللى فيها الرسمه اللى قمة بتحديدها

تحصل كلمة فايل فوق على ايدك اليسار ..
- اضغط على علامة صح
- راح تطلع لك مربع اختار دسك توب يعنى سطح المكتب
-اضغط عليها واكتب اسم الصوره اللى تبيه وراح تحصلها على سطح المكتب

4- على شان تقدر ترفع الشارات فى المنتدى

قم بعملية فتح موضوع انزل تحت بنفس الصفحة اللى تكتب فيها الموضوع بتحصل كلمة ارفاق ملفات من المشاركة

=======================

انا مبين لك كل شى بصور اتبع الخطوات اخوى واى استفسار انا حاضر

بس الحين بطلع وبس ارجع ان شاء الله برد على اى استفسار اذا عندك

وان شاء الله قدرت اشرح لك وفيدك

 

[kuwaitey]

تكملة الشرح

وعذرنى يا الغالى اذا ماقدرت اوصل لك الطريقه صح

 

[TAKE-OVER]

اخوي طالما انه عندك برنامج سناغت 9 الرائع
اذا فتحت الشارت
اضغط مفتاح PrtSc الموجود بالكيبورد
بعدها افتح برنامج سناغت 9
وعطه لصق
وبالحاله هذي يكون الشارت تحت خدمتك تعمل اللي انت تبيه بالشارت من تحليل
و بعد ما تنتهي من عملك بالشارت
خزن الصوره على سطح المكتب
و اكتب اللي تبيه بالمنتدى
واضغط اضافة ملف بالمشاركه
واختر الصوره من سطح المكتب
واعتمد المشاركه
انتهى
عاد خلنا نشوف تحليل طيب منك

 

[ابوعبدالله 66]

Copra
kuwaitey
TAKE-OVER
بصراحه يعجز اللسان عن شكركم الله يوفقكم ويسدد خطاكم ويزقكم من أوسع بيبانه وبصراحه تستحقون الدعاء