طق وانحااااااش

الموضوع في 'السوق الكويتي للأوراق الماليه' بواسطة heart, بتاريخ ‏19 يونيو 2008.

  1. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    سلام عليكم

    اول شي اخواني تقبلو مني هالكلام ترى عليمي وما اعرف شي بالبورصه ولا انا مخضرم ولا فلته
    ولا كنت اعرف عنها اي شي قبل اربع شهور ولازلت عليمي

    ثاني شي بقول لبو محمد الوافي الله يرحم والديك انا ستفدت من توصياتك الكثير سواء بالربح المادي ولا المتابعه للتوصيات الممتازه

    شباب انا دخلت على توصيه بومحمد جزاه الله عنا الف خير ورحم الله والديه ووالدين المسلمين
    ب310 شفت انه عليه تحذف على ال320 وانا والله يشهد عليمي ما اعرف بس من مشاركات الشباب الي يقولون لاتطمعون خلكم قنوعين بعته ب315

    وترى في ناس انا شفت توصياتهم واهمه مخضرمين جان تذكرون احد المخضرمين وصى على
    ابراج توصل 850 وانكسر بالعالم شوف جم واصل

    وقبلها شخص يعرفونه الشاب وصى قبل لا تنزل منا من 1960 لغايه ال980 تخيل وماكو بيع كله عرض بالحد الادنى مبقى واحد من الي شروا ما غلط عليه طبعا اهوه وغيره مالهم ذنب ذنب الشخص الي اتخذ القرار بس يبقى للتوصيات والمشاركات اثرها النفسى حتى الشخص المحترف

    بومحمد توصياته متخرش الميه على قوله المصاروه
    ورجل جزاه الله الف خير عنا يبيلنا الخير يكفي انه مجابل الصفحه وكم الاسئله الهائل

    يعني في ناس ودها لو قبل لا تعطس تسال بومحمد وغيره من الاخوه الي جزاهم الله خير يبون الخير لاخوانهم بالمنتدى

    خلو عنكم الطمع وتذكروا هالقاعده من واحد والله عليمي ولا افهم بالشارت ولا بالتحليل الفني قبل لاشفته عبالي تخطيط قلب الي شاري السهم :d

    بدنياك خلك شجاع ورجل موقف لانها رجوله

    وبالبورصه طق وانحااااااش
     
  2. السعد محمد

    السعد محمد عضو مميز

    التسجيل:
    ‏26 أكتوبر 2005
    المشاركات:
    4,021
    عدد الإعجابات:
    3,079
    المشكلة بالدنيا مكفخ

    وفي البورصة مكفخ
     
  3. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0

    دش نادي حديد خخخخخخخ:d:d:d

    تسلم على الرد
     
  4. لسه فاكر

    لسه فاكر عضو جديد

    التسجيل:
    ‏8 يونيو 2008
    المشاركات:
    523
    عدد الإعجابات:
    0
    كلامك عين العقل والمنطق بس المشكلة ماكو قناعة :)
     
  5. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    ما طار طيرا وارتفع الا كما طار وقع ,
    تصدقنى مرات تضبط معاك واكثر المرات راح تتوهق ، وعلى قولتهم مو كل حمله بولد
    هذه البورصه ما فيها شئ أكيد 100 % ولكن الاكيد انك ممكن تخسر حلالك بغلطه أو توصية غير مدروسه .
     
  6. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    تدري يا السه فاكر ياما قلت هالكلمه لروحي لما كنت شاري بنك بوبيان ب670 من اللقافه الزايده الي فيني يكون مغامر نزل نزل لغايه ما وصل ال590 و

    لسه فاكر بوبيان يديلك حنان
     
  7. لسه فاكر

    لسه فاكر عضو جديد

    التسجيل:
    ‏8 يونيو 2008
    المشاركات:
    523
    عدد الإعجابات:
    0
    حبيبي heart لا نسى للصبر حدود وكان زمااان :)

    شفت شلون الكلام شي بس وقت الصجية نسوي شي ثاني
     
  8. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    والله يا صديقي لسه فاكر بوبيان مستخدم معاه اسلوب حياتي رقم777 ال يقول

    اخرها معاك شلون قولي ريح قليبي يا ((بوبيان))
     
  9. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    هذا الشئ اللي محد توقعه من بنك بوبيان انه ينزل الى 580 فلس
    والله قهر
    ولكن ان عرف السبب بطل العجب ،،، منو رئيس مجلس الاداره ؟؟؟؟؟
    ابو الاكتوارى وقاطع الارزاق وحاسد الشعب الكويتى على كل زياده عندما كان وزير للماليه ، وكان يعطى يمين ويسار للدول الصديقه والعدوه وكان يعطيهم بالملايين من خزينة الكويت ، واذا قالوا ان الكويتى يحتاج 50 دينار !!! زعل وهاج وماج وحمر وجه أرتفع ضغطه ، لان المستفيد من هذه الزياده هو المواطن الكويتى ، وكان دائما يهدد ان الدوله تعانى من عجز مالي وعجز اكتواري ولا يمك للدولن ان تسدد معاشات للمواطنين فى المستقبل ،،،،
    طبعا هذا الشخص هو الوزير السابق للماليه بدر مشارى الحميضي !!!!
     
  10. لسه فاكر

    لسه فاكر عضو جديد

    التسجيل:
    ‏8 يونيو 2008
    المشاركات:
    523
    عدد الإعجابات:
    0
    أنا أشوف انه بوبيان استثماري يعني انسى برهه من الزمن (حلوة برهه:))
     
  11. سويلم

    سويلم عضو نشط

    التسجيل:
    ‏6 سبتمبر 2005
    المشاركات:
    522
    عدد الإعجابات:
    217
    اضرب واهرب
     
  12. balalee6

    balalee6 عضو جديد

    التسجيل:
    ‏30 مايو 2008
    المشاركات:
    20
    عدد الإعجابات:
    0
    أغرف و امش
     
  13. قدساوي مدريدي

    قدساوي مدريدي عضو جديد

    التسجيل:
    ‏22 يونيو 2007
    المشاركات:
    243
    عدد الإعجابات:
    0
    اهم شي بالبيت شلونك عساك رافع الراس
     
  14. حبيبكم

    حبيبكم عضو نشط

    التسجيل:
    ‏23 مارس 2008
    المشاركات:
    1,020
    عدد الإعجابات:
    0
    انا مرة حاولت أضرب واهرب و اشتريت منا بضارب عليها و قلت صعود 20 فلس و أبيع و عينك ما تشوف إلا النور و جني أنا الثل اللي نزل السهم ليما وصل 1040 و بعت بخسارة جااااااااااااااايدة كسرت ظهري و اخذت كل اللي حوشته و دخلت على راس المال.
    يعني جيت باضرب و اهرب جان أنضرب.:D
    بس الله كريم وان شاء الله نعوضها ( درس لي علشان ما أدش على سهم مهبول مثل منا قابضة ... قبضت على فلوسي :( )

    أغرف هذي صعبة انك تهرب بعدها :D
     
  15. الدنيا حظوظ

    الدنيا حظوظ عضو جديد

    التسجيل:
    ‏8 أغسطس 2007
    المشاركات:
    294
    عدد الإعجابات:
    0
    يا قلبي و يا هارتي

    ثق تماما ان أغلب المضاربين نفس تفكيرك ... ولا تتوقع إنك صايدها ورايح عن بال غيرك !!!

    الكل يقول هالكلام لكن اصبر وتصير مثل الجميع !!

    تشتري سهم بـ 250 وتبيع 270 ...... ويصعد السهم إلى 550 وعينك تشوف وتحول!!

    والمرة الثانية تشتري سهم 140 وتبيع 144 ويطير 300 في أقل من اسبوعين ... ويصير في قلبك قهر .... وتبدأ تلوم نفسك : ( أنا ليش بعت ... السهم عليه أخبار طيبه ... وواضح جدا إنه صاعد.... يا شين اللقافة ...وغيرها من ألفاظ التحلطم)

    المرة الثالثة
    تشتري السهم 400 ويصعد 410 ... تقول تو الناس تو الشغل يحمى .... ينزل السهم 400 .... 390 ....إلى 160 فلس !!!!!!! تعال شوف لها حل !!


    ما دام اسمك بني آدم ... معناتها ان الطمع متمكن في قلبك

    بالتوفيق
     
  16. فنان999

    فنان999 عضو جديد

    التسجيل:
    ‏6 مارس 2008
    المشاركات:
    901
    عدد الإعجابات:
    0
    من خلال تجربة خاصة للشخص الغير محترف حتي لا تروح الفرصه علية لا بد من:
    معرفه سطحية عن وضع الشركة المالي
    معرفة مجلس الإدارة
    معرفة ربحية الشركة
    معرفة المشاريع المستقبلية

    اذا عرفت هذه الأشياء اقدم علي السهم ولا تخاف واذا خون السهم فيك عاقبة

    شلون تعاقبة عاقبة بالصبر حتي يذعن غصب طيب و لا تبيع بخسارة

    ودمتم
     
  17. اللافي 22

    اللافي 22 عضو جديد

    التسجيل:
    ‏7 يونيو 2008
    المشاركات:
    398
    عدد الإعجابات:
    0
    عظ دشداشتك ونحاش
     
  18. صايدها

    صايدها موقوف

    التسجيل:
    ‏5 يوليو 2006
    المشاركات:
    365
    عدد الإعجابات:
    0
    واذا السهم عاض على دشداشتك شلووووووووون
    ماكو الا تقط دشداشتك وتنحاش مفسخ هههههههه
     
  19. صايدها

    صايدها موقوف

    التسجيل:
    ‏5 يوليو 2006
    المشاركات:
    365
    عدد الإعجابات:
    0
    ماينفع ياقلبي
    بورصتنا تمشي بالعكس
    شوف بيان وشوف م للاوراق العكس تماما سهم خسران طاير حد اعلا وسهم ربحان مغرز ويرد غري
     
  20. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    الدنيا حظوظ هذا واقع الحال مثل ما قلت وكلامك صحيح وواقعى
    انا مره اخذت سهم سنه كامله ما صعد وكنت حاط عينى على سهم ثانى سنه كامله ما نزل كله يصعد ،،، رحت بعت السهم الاول وشريت السهم الثانى !!! تدرى شنو صار ، صعد السهم اللي بعته من اول يوم ونزل السهم الى شريته والى يومك فى نزول وكل يوم ينزل عن الثانى
    اكثر من جذى قهر ، وين اضرب واهرب ، الا انضرب على راسك واقعد وانت متحسر ومقهور .