لاطوفكم سوالف

[ابو سالم1]

السلام عليكم شرايكم بالزيادة الخمسين وصندوق المعسرين

ننطر الرد وراح نخلية مثل الشات من سالفة الى سالفة طبعا خاص حق هذا القسم البيع والشراء بما انا صرنا ربع

نسمع الرد منكم

 

[كويتي اصلي]

مرحبا بو سالم


ومرحبا للجميع


والله يا اخى هالموضوع يقطع القلب فيه ناس محتاجه وهالمزايده مو للمواطن والله لتاجر

المشكله يعطونك خمسين

والتاجر يرفع كل شى اقل شى 10 بالميه يعنى لو تلاحظ تروح فيها انت والخمسين

اذا الحكوومه تبى تفيدنا تشترى يا المديونيات او الفوائد وبس

اهنيه ما يكون لتاجر عذر يرفع الاسعار وانا هذى وجهت نطرى واسف على الاطاله

 

[نوط بو 1000]

أنا أقول شعره من الخنزير مكسب (و إنتوا بكرامه)

و الحمدلله على كل حال

 

[بني سعد]

تبي الصراحه
قسما بالله وهم قسما بالله

انا انا مثلا عزوبي ومعاشى 300 دينار فا الحمدلله والشكر
ترى البلد مو حارمنا من شىء لكن يوجد ناس مخربه على البلد هذا المعطاه
الحمدلله احنا بخير موبعازت الزياده لكن نحن الكويتيون مبذرون جدا ولا نحمد الله على هذى النعم

 

[ابو سالم1]

كويتي اخوى هذى الوضع من زيادة الى زيادة المفروض نصير عيال بن زيادة ههههههههههههه يمعود صدقنى الحل بالمقاطعة لونتفق ونسوى حملة ضد كنترى و طقتهم بس مشكلة ابو سعود 6666 والحيشان مستحيل يهدون الكنترى شلون عيل نحارب التجار

 

[بني سعد]

للعلم موبحاجه لا للخمسين ولا لصندوق الصراحه احنا بخير

ترى غيرنا بيوتهم على طراد اللى رايح مصر

 

[جورج المطيري]

عاش بوسالم هذا موضوع راقي وسامحنى على صراحتى ما احب اجامل نشد على ايدك بخصوص هالمواضيع الحلوه الى تنفع الناس

 

[جورج المطيري]

؟

للعلم موبحاجه لا للخمسين ولا لصندوق الصراحه احنا بخير

ترى غيرنا بيوتهم على طراد اللى رايح مصر

اخوي انتا ماتبي شكرا وفرت غيرك يبي صح كلامى ولا غلط

 

[ابو سالم1]

ياخو بني سعد الحمدالله احنا بخير بس انت معاشك 300 دينار عزوبي ماعندك مصاريف بيت وجهال لو تعرف شنو يصير بالناس وقت العيد او وقت او وقت المناسبات او بداية الدراسة نتكلم عن الرواتب المتدنية الى شهاداة رابعة متوسط ورابعة ثانوى من غير معهد او شى شوف الاقساط قسط سيارة قسط مكيف قسط لاب توب و و و الخ اهو الى يعانى من غلاء الاسعار

 

[المستعمل]

بالعكس الخمسين زينه ... ولكن
يضبطون الاسعار اولا ثم يزيدون على كيفهم
ضبط الاسعار اولا

 

[كويتي اصلي]

الاسعار ما راح تنضبط لسنتين والله لانه كله فى زياده وصعبه تركد هالسنتين

وعلى طارى الكنترى انا والله صدمنى الانديا اجيت العيش بوابه الهند 30 دينار

ول اى والله انحش ياحى التموين والله

هههههههههههههههههههههههههههههههه

 

[ابو سالم1]

سالفة قديمة حصلة فى لندن

يسولفلى واحد من الربع وزير بريطانى سابق يقولى يا بو سالم قبل زادو سعر البيض تغريبا 10 فلوس بس بعملتهم يعنى يعنى شى بسيط الناس اعترضو وقامو المعارضة وسوو اعلان للناس مقاطعة البيض صار تكدس بالبيض واصر الاسواق و البقالات لاتستقبل سيارات البيض صار تكدس فى مزارع البيض البيض صار يخرب ويخسرون عليهم اكياس قمامة عشان يقطونة قالو الحل نوزعة مجانا صارو الناس حتى بالمجان ماياخذونه لين اعتذرو للشعب ونزلو سعرة اقل من قبل

هل نقدر ان نطبق هذا وماتوقعكم لو نتفق على محاربة التجار بالسلاح العقلي

 

[ابو سالم1]

برب اصلى ورد و النك عندكم

 

[نوط بو 1000]

سالفة قديمة حصلة فى لندن

يسولفلى واحد من الربع وزير بريطانى سابق يقولى يا بو سالم قبل زادو سعر البيض تغريبا 10 فلوس بس بعملتهم يعنى يعنى شى بسيط الناس اعترضو وقامو المعارضة وسوو اعلان للناس مقاطعة البيض صار تكدس بالبيض واصر الاسواق و البقالات لاتستقبل سيارات البيض صار تكدس فى مزارع البيض البيض صار يخرب ويخسرون عليهم اكياس قمامة عشان يقطونة قالو الحل نوزعة مجانا صارو الناس حتى بالمجان ماياخذونه لين اعتذرو للشعب ونزلو سعرة اقل من قبل

هل نقدر ان نطبق هذا وماتوقعكم لو نتفق على محاربة التجار بالسلاح العقلي

سالفتك هاذي يا بو سالم صعبه تصير عندنا..

البريطانيين غالبيتهم نفس المستوى المعيشي و على قلب واحد و قول و فعل..

لكن إحنا ذبحنا الحسد محد يتمنى الخير لغيره كل من يقول أنا و من بعدي الطوفان..

أذكر قبل زيادة ال١٢٠ لما طلع كلام إن الزياده بتكون أكثر لأصحاب الرواتب المتدنيه و تقل كل ما إرتفع الراتب..

وايد تضايقوا مع إنهم مرتاحين مادياً حيل و قالو ليش جذي نبي زياده مثل الفقارى مع إنهم مو محتاجين زياده أصلاً لكن هاذي مشكلتنا العيب فينا إحنا لا بالحكومه و لا بالمجلس للأسف.

 

[ابو سالم1]

اى والله صاج ياخوى نوط بو 1000
المشكلة حتى اسقاط القروض يقولون ماكو عدالة وقالهم واحد ياخى انظرو لهم نظرة رحمة بس الميارات الى تروح برا محد يعترض عليها يعترضون على ربعهم واخوانهم بس
شنو المشكلة اذا اسقطو القروض عن الكويتيين عليهم والله بالعافية يستاهلون اخوانا وربعنا وهلنا احسن من تروح حق اعدائنا الى حرقو اعلام الكويت تاريخ 2 \ 8 \ 1990 ماننساهم

 

[نوط بو 1000]

اى والله صاج ياخوى نوط بو 1000
المشكلة حتى اسقاط القروض يقولون ماكو عدالة وقالهم واحد ياخى انظرو لهم نظرة رحمة بس الميارات الى تروح برا محد يعترض عليها يعترضون على ربعهم واخوانهم بس
شنو المشكلة اذا اسقطو القروض عن الكويتيين عليهم والله بالعافية يستاهلون اخوانا وربعنا وهلنا احسن من تروح حق اعدائنا الى حرقو اعلام الكويت تاريخ 2 \ 8 \ 1990 ماننساهم

لا ياخي لا يسقطونها ما نبي منة أحد..

بس عالأقل يشترون المديونيه و يفكونا من فوايد البنوك الحراميه إللي الحكومه كانت تتفرج عليهم يمصون دم الشعب الكويتي..

و بالتالي فلوس الحكومه بترجع لهم على داير مليم و بترجع لخزينة الأجيال القادمه إللي صاروا شماعة الحكومه.

 

[كبرياء]

اذا المره اللي طافت ارفعو سعر البيض والعيش شوفو الحين مع زيادة ال50 شنو راح يزيدون

اعتقد ان اغلب الكويتيين راح يتعودون عالمووش والعدس

 

[ابو سالم1]

بترول لاكن مادفينا من البرد

[/url][/IMG]

 

[LOOK]

حسد الكويت لو يوزعونه على الصين زاد

من قائل هذى العباره ؟

 

[ابو سالم1]

اهلا اخوى لوك منور