لمستخدمي كفيك للتداول الكتروني...الاهليه للوساطه

[بصرك]

اخواني انا مشترك من فتره بسيطه
بس الى الان عن طريق البروكر
بس كانه معقد وناقصه امور كثيره
ارجومن الاخوه المتمكنين منه شرح نظام التداول الاكتروني في كميفك
والنقاط الايجابيه والسبيه ودمتم

 

[بصرك]

بانتضار الردود ياخوان

 

[Bo Mostafa]

سلام عليكم أنا أنورك ولا يهمك

 

[Bo Mostafa]

الإجابيات : إن ما تصير صفقة إلا على حدود رصيد المحفظة
وتقدر تشوف العملية تنفذت ولا لا
وتقدر تشوف ورقة المقاصة في أي لحظة
وتقدر تسوي إجراء عملية قبل التداول ولمدة معينه شهر شهرين أكثر
وتقدر تشوف الأسعار الحظية ويفرق عن البورصة 3 إلى 4 ثواني بس
وتقدر تشوف الأوامر كلها وأسهم معين

السلبيات : ممكن يثقل النظام عندهم
وممكن ينقطع النت عندك

أنصحك تبحبش في الموقع تره سهل وراح تعرفه

 

[بصرك]

اخوي مصطفى مشكلتهم اذا بحط امر بيع الساعه12ليلا
مايجط حق بكره ولازم تذكر الفتره

 

[بصرك]

بعدين موقع بورصة سوق الكويت اسرع منه
واذا بقط على المعروظ شلون
وهل البروكر اسرع اوهم بحط الاوامر قب يفتح السوق

 

[fah00d]

السلام عليكم ..

أنا مشترك في كفيك .. والصراحه الخدمه ممتازه جدا

اكثر قائمتين تستخدمهم

1- قائمة (الوضع المالي) لمعرفة رصيد محفظتك وكم لك وكم عليك والاسهم اللي عندك ونسبة الأرباح أو الخسائر المحققه والغير محققة.

2- قائمة (الصفقات) >> اجراء الصفقات .. لاجراء صفقة معينه لسهم معين واسعار الطلب والعرض موضحه عند اختيارك أي سهم مراد اجراء صفقه عليه.. وامكانية وضع طلب حسب التاريخ .. يعني تبي يحطلك نفس الطلب من اليوم ليه بعد شهر ماكو مشكله بس اللي عليك انك تحدد التاريخ .

أما متابعة السوق عن طريق موقعهم فلا أنصحك لان الأبديت المستمر على الاسعار شوي بطيء وماترتاح وانت تتابع .. وانصحك باجراء الصفقات فقط ومتابعة أسعار السوق على موقع Kuwaitse.com

ملاحظة: اذا اردت اجراء صفقه وناقصك مبلغ معين مثلا 100 دينار تقدر تتصل عليهم يضيفونلك المبلغ وراح يبين على طول عندك بالموقع .. وبعدين لاتنسى عاد تروح البنك تحولهم المبلغ

 

[بصرك]

طيب انا مشكلتي وياهم مسوي ربط بين حسابي وبيتك
فتتاخر مرات من بيتك والمقاصه وفعلا مره باعولي خساره
الشغله الثانيه في المحفظه مره بعت بخساره ماذكرو لي ان عندي خساره في المحفظه من سهم بعته اناكنت خسران فه الف ونص
بعدين الاجل مايحطون نسبة الربح والخساره
الشغله المهمه اذا بغيت احط اوامر البيع الساعه 12باليل يقولي السوق مغلق واذا حطيت تاريخ اليوم الي بعده مايقبله لازم احط يوميين

 

[Bo Mostafa]

اخوي مصطفى مشكلتهم اذا بحط امر بيع الساعه12ليلا
مايجط حق بكره ولازم تذكر الفتره

ماكو مشكلة بعتقادي حط الأمر إن شاء الله حق 5 أيام أحسن لك
وهذا الشىء موجود في تحديد الفترة إضغط على الروزنامة وضبط الأيام
وحتى يكون لك الأولوية بالدور وأكبر دليل على كلامي بعد يومين وماتنفذ
الأمر ما تقدر تعدل على الطلب لأن الأمر ماخذ رقم للعملية ومربوط مع نظام البورصة
فقط تقدر تلغي الطلب وتحط طلب مره أخرى على سعر أو كمية غير إذا فرضنا

شركة الوطنية للوساطة المالية عندهم نفس الموقع بس بألوان غير
وتوهم صار عندهم برنامج جديد تنصبه عندك وشوف الأوامر طيارة ما شاء الله وأعتقد أم الأهلية أو كفيك الحالية كشركة للوساطة المالية راح يكون عندهم نفس الشىء
على فكرة بالوطنية للوساطة المالية عندهم تداول بالكسور بعد
وكفيك راح يصير عندهم هالشىء بعد أيام ممكن

تقبل تحياتي / بومصطفى

 

[Bo Mostafa]

بعدين موقع بورصة سوق الكويت اسرع منه
واذا بقط على المعروظ شلون
وهل البروكر اسرع اوهم بحط الاوامر قب يفتح السوق

أصبر عليهم شوي أعتقد راح يصير عندهم برنامج مثل ما قلت قبل وراح يكون سريع كلش

إذا تبي تقط على المعروض سهل حط السعر نفس المعروض عند إجراء صفقة وبعدين أذا مسوي أمر فوق وتبي تتم الصفقة على المعروض روح عدل الأمر وغير السعر بسعر المعروض وخلاص

وبعدين القط على الطلب
والأخذ من المعروض

مو جذي تقصد بس ما عليه الموضوع يتم بالتعديل سواء تبي تشتري أو تبي تبيع

تقبل تحياتي / بومصطفى

 

[بصرك]

شكرا انا للان مومعتمد عليهم اعتماد كاملا ولا مره بعت اوشريت بالالكتروني
ناطر شوي يضبطونه