وتبون الكويت تصير مركز مالي !!

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
السلام عليكم ورحمة الله وبركاته

...
في الكويت..
قبل أيام أجرت سيارة من إحد المكاتب حق واحد عزيز يبي يفتر ويقز ويشوف معالم الكويت الخلابة..
وقبل لا أوقع على عقد التأجير انصدمت من العقد اللي مو باقي إلا يحط شرط إنك ما تسوق السيارة..
قلت حق الموظف انتوا من صجكم ؟؟
قال لا تحاتي السيارة مأمنة تأمين شامل..
توكلت على الله ووقعت العقد والكمبيالة..
وبعد 3 أيام اتصل علي ذاك الشخص العزيز وقال لي آنا الحين بمواقف الفنار والسيارة مدعومة وما أدري منو داعمها شسوي ؟؟
قلت دق على 777 وشوف شنو يصير لك وبلغني..
دق عليهم وقالوا له روح المخفر لأنه الحادث ضد مجهول..
يومين آنا مع الشخص العزيز بالمخفر عشان ناخذ ورقة نوديها الخبير الفني ويعطونا ورقة حادث..
الحمدلله خلصنا ورحنا "للمقصب" أقصد المكتب اللي كان منبسط عالآخر ويقول "منين آكلك يا بطه"..
طبعاً قام يتمسكن وبصوت حزين يحسسك إنه ضايق خلقه عالسيارة وإنك وقفت رزقه..
وفجأة كشر عن أنيابه..
قال فتح ملف في التأمين 25 دينار + إيجار لين ينتهي التصليح 15 دينار يومياً + 50 % من قيمة التصليح !!
قلت له ما تبي أشتري لكم سيارة ؟؟
قام يتنحنح.. وقال هذا القانون وشنو تبيني أسوي لك ؟؟ وإنت عطلت لي سيارة..
قلت له بس آنا ما دعمت !! السيارة اندعمت واهي واقفة ؟؟
قال هذا القانون..
منو يتكلم بالقانون.. صج مشكلة إذا شسمه قام يتكلم بالقانون :p
طبعاً دفعت وآنا ما أضحك والعوض على الله..


...
في أمريكا..
قبل أكثر من سنة أجرت سيارة في لوس أنجلوس وما خليت مكان ما لفيت فيها..
من لوس أنجلوس إلى سان دييغو إلى لاس فيغاس لين وصلت سان فرانسيسكو ودعمني واحد واتصلت على الشركة..
قالوا تمشي السيارة ؟؟ قلت اي.. قالوا إذا تمشي كمل طريقك وإذا ما تمشي خلك بمكانك واحنا نجيب لك سيارة غيرها..
ولما سلمتها بالمطار محد قال لي هات بنس واحد زيادة !!



ويقولون نبي الكويت تصير مركز مالي !!
انتوا أول خلوا المحققين يتكلمون عدل مع الأوادم وبعدها قولوا نفكر نسوي الكويت مركز مالي..
الواحد فيهم تقول كأنك طاقه يوم كان صغير ويبي يطلع الحرة..
سبحان الله هالمحققين أهمه بس اللي فاهمين ولا في أحد يفهم غيرهم..
لا حليتوا مشكلة نفسيات المحققين ومشكلة المراجعات وطوالتها..
بعدها عدلوا قانون التأمين اللي يبلع ويلهف لهف بدون فايدة لنا..
وتالي قولوا الحين ممكن نحاول نسوي الكويت مركز مالي..
الا إذا..
تبون اللي يزور الكويت يفتر ليل نهار بتكاسي الكويت اللي قامت تنافس تكاسي لندن فهذا شي ثاني..
هالشخص العزيز زين عنده أحد في الديرة والا لو غيره شنو يسوي ؟؟
يقعد بالكويت لين تخلص سيارة المكتب من التصليح ؟؟
زين لو مو حاسب حسابه وفلوسه على قده.. ينسجن ؟؟ آنا خابر السجون صارت للكويتين بس
تالي لا حليتوا هالمشكلتين قولوا يمكن نصير مركز مالي..
هالمشكلتين لهم أبعاد ما تتخيلونها..
ولو تصير معاي بأي دولة أسب وأتف عالساعة اللي طبيت فيها هالدولة..
عيل ديرة رايح لها حق شغلة أقزرها بمخافر وتحقيق على بو اندعمت سيارتي بموقف سيارات !!





أخوكم/ ويلاه
 

(فزاع)

عضو نشط
التسجيل
18 ديسمبر 2007
المشاركات
4,472
الإقامة
.. الكون ..
ما اقدر اقول الا .. ويلاه عليج يا اكويت ..

هذي الكويت صل على النبي ..
 

حفار قبور

عضو مميز
التسجيل
20 يناير 2007
المشاركات
5,611
لو معطيه سيارتك أبرك

وبعدين جملة الكويت مركز مالي معناتها ( الكويت مركز تابع لجمهورية مالي الأفريقية ) :)
 

Falcon

عضو نشط
التسجيل
2 مايو 2002
المشاركات
798
الإقامة
Kuwait
ممكن الكويت تصير مركز مالي ...بس لما الأمطار تنزل بعز الصيف و درجة الحرارة 25 ... و بالشتاء الثلج يغطي شوارع الكويت و الحكومة تحب الشعب و قلبها على تطوير كيان الدولة و يصير عندنا انفتاح في الاقتصاد و تقدر تفتح حساب في البنوك الاجنبية.... و ممنوع العمالة اللي يحملون شهادة أقل من ثانوية ..لأن الكويت تتعامل بالأنظمة الالكترونية و ما نبي غير متعلمين من العمالة ....

جنه كمت أخورها.....يبى أبي خط تلفون تكفوننننننننننننننننننن يا وزارة المواصلات حطوووووو خطوط تلفون لمنطقتنا .......و لا عيبببببب مو حرام أقل شئ ادفع 100 دينار شهريا لشركة زين

و أخيرا الحمدلله على كل حال
 

LONG TERM

عضو مميز
التسجيل
28 ديسمبر 2004
المشاركات
1,978
الإقامة
الكويت
هذا القرار ..موجود وهو عدم تحمل شركات التامين كامل مبلغ التصليح

في حال ضد مجهول...... حامبها حراميها


انا لو منك ما ابلغ عن حادث ضد مجهول ..... اشوف اي واحد من الشباب


واقوله انا بدعمك .... والتصليح على شركة النصب التامين..لان التامين شامل ..
 

boabdulmohsen

موقوف
التسجيل
28 أغسطس 2007
المشاركات
150
مكاتب السيارات مشكلة قديمةو مالهاحل الا بالرقابة التجارة والالزمة

بالتأمين الشااامل 000

مركز مالى وتجارى رغبة وصعب تحقيقها لان الى ابدى منها الكهرباء والماء

والمستشفيات 0000 وبعدها نفكر بالمركز المالى والقصارات 00

وسلامتكم000
 

ksr911

عضو نشط
التسجيل
20 أكتوبر 2006
المشاركات
1,135
آسف يا خوي على اللي حصل لك

بالتأكيد هناك مشكلة في قطاعات كثيرة في الدولة

لكن يا خوك ، حضرتك ما تكلمت عن المشكلة الرئيسية

ألا و هي الوعي

لما أقدمت و وقعت على عقد التأجير مع الكمبيالـــــــــــــة اللي على بياض
هل كنت تعي ما تقوم به و تعي تبعاته..... أنت قمت بتوقيع ورقة يمكن كتابة أي رقم بها !!!!!!!!!

لو كان لدى الناس وعي و يقومون بحساب نتائج قراراتهم قبل اتخاذها ، لما قام مالك مكتب التأجير و أمثاله باستغفال أحد و لوقف عمل مكتبه

يا أخوان التأمين ليس له علاقة بالمشكلة التأمين أنواع و كل نوع له القسط المناسب لحجم مسئولية شركة التأمين، فاذا كان مالك مكتب التأجير قد قام بعمل تأمين تكميلي و المعروف بالشامل على سيارات المكتب فبالتأكيد كان بأقل القسط.......... و نعود على المستأجر مره اخرى بقلة الوعي فكان من المفروض طلب معرفة نوع التأمين الشامل

عموما لديكم شركات عريقة لتأجير السيارات مثل هرتز/ثرفتي/بدجت/.... و غيرهم يقومون بتأجير السيارات بسعر أعلى نوعا ما لكن بدون استغفال !!!!

الوعي يا اخوان الوعي
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
ويلاه اكيد ماجر من مكاتب التاجير

والله العظيم قمه النصب هذيل

الي يبي ياجر بالمطار في شركات كبيره لتاجير السياراة ما اتوقع عندهم توقع كمبياله وخرابيط الشريطيه
 

modeer

عضو نشط
التسجيل
16 نوفمبر 2005
المشاركات
175
لو معطيه سيارتك أبرك

وبعدين جملة الكويت مركز مالي معناتها ( الكويت مركز تابع لجمهورية مالي الأفريقية ) :)


ذبحتني هالجمله ... خخخخخخخ

وانا اضم صوتي لأخوي ويلاه .. ادارة التحقيق من اسوأ ادارت الدوله
والمشكله انها واجهه قويه للكويت .. طبعا مو الكل البعض (الكثير)
العوض على الله يا ويلاه ...
 

المحسود

موقوف
التسجيل
1 أغسطس 2004
المشاركات
909
ايضاا حصل معنا في دبى قمنا بتأجير السيارة و عندما قمنا برد السيارة في اليوم المحدد في الثامنة مساءا حسب الموعد المتفق عليه اخذ منا فلوس لليوم الثاني +تأمين و قال لنا اذا مو عاجبكم روحوا اشتكوا و حتى ما وصلنا الفندق قال روحوا الفندق بالتكسي حتى في دبى في امور غريبة تحصل و صاحب المحل عراقي (الاتفاق غير موجود على العقد) و غلط علينا بالنهاية دولة خرسانية و عليك التحليل امريكا و بس و اوروبا و بس
 

Bo Mostafa

عضو نشط
التسجيل
27 ديسمبر 2005
المشاركات
3,621
الإقامة
كلنا للكويت
صج ويلاه
الكويت كلها يبيلها تأمين شامل أصلا ً
وبعدين إذا صلح الرأس سلم الجسد
أصل التشريع فيه الخلل
لأن الذي يشرع يوصل المجلس شرط يقرأ ويكتب فقط
خلها على الله
مجلس سب مسابب والكل حاقد وحاسد ودون المستوى
يبيلنا تعديل أصل التشريع والمشرعين الخايفين على البلد
وبدون محسوبية محابات
بس شنقول الله هم لا إعتراض
وتحل الأسباب
وبعدين نوصل ما توصلت إليه دول الخليج
 

UNIX

موقوف
التسجيل
9 أبريل 2007
المشاركات
7,556
ذبحتني هالجمله ... خخخخخخخ

وانا اضم صوتي لأخوي ويلاه .. ادارة التحقيق من اسوأ ادارت الدوله
والمشكله انها واجهه قويه للكويت .. طبعا مو الكل البعض (الكثير)
العوض على الله يا ويلاه ...

المحققين أكثرهم = فشلة كلية الحقوق (جامعة الكويت) + خريجين أتعس جامعات مصر و الأردن + واسط قوية لإدارة التحقيقات.

فيهم خير هذا الميدان يا حميدان خل يدخلون القطاع الخاص حق التلجم :)
 

لسه فاكر

عضو نشط
التسجيل
8 يونيو 2008
المشاركات
523
روحوا شوفوا منفذ النويصيب والسالمي .. المفروض يكونون واجهة دخول المركز المالي للكويت .... حلويييييين ما شاء الله :)
 

free777

عضو نشط
التسجيل
19 أكتوبر 2007
المشاركات
490
الإقامة
kuwait
شركات التامين كلها حراميه العيب على الحكومه ما تحط قانون صارم على الشركات بس القانون يمشى على الفقاره (ديره مؤقته )
 

سابر ألاغوار

عضو نشط
التسجيل
1 يناير 2008
المشاركات
307
المحققيييييييييييييييييييييييييييييييييييييييييييييييييييييييييييييييييين..وما ادراك ما المحققين..يا جماعة هذول ينتمون الي فئة حاقدة علي كل شي في البلد (اعني الاكثرية) وهمهم الوحيد شلون يصرفون الشاكي ويحولونه حق مخفر آخر او الزام اللي بعد زامهم المهم ما يستلمون معاملته والشاطر فيهم اللي يصرف اكثر عدد ممكن من المواطنين ويتفاخر بين ربعه بهالشي ...واعتقد ان السبب في هذا كله هو ان اكثرهم حاول الالتحاق في سلك القضاء وفشل فرضي بهالوظيفة علي ان ينتقم من كل شئ :eek:
 

kuwaitse2008

عضو نشط
التسجيل
28 أبريل 2008
المشاركات
137
الكويت حاليا ليست مركز مالي بعدين لو تامينك شامل كل المطلوب منك ورقة محقق و اليوم اعلنوا خط ساخن للمحققين على العموم انشالله تصير بس ننطر انتهاء نظام البيروقراطي ولكن حاليا الكويت طاردة للاستثمار و الدليل الbot و اللعب والبوق من شركات كبيرة مثل الوطنية و المنطقة الحرة و شوبيز حتى تشجع الكويت عدم استثمار فلس في الكويت وتذهب ملاين الكويت خارجها لعدم الثقة و تفشي الرشوة و الواسطة و السرقات و تقطيع الاشجارو النخل و تدمير الدواوين من غير تعويض تخبط في التنظيم و الادارة ولكن مع كل هذا يوجد تصليح لكنه بطئ
 

real stock

موقوف
التسجيل
18 أغسطس 2006
المشاركات
1,225
أن شاء الله تصير مركز مالي بسنة الطفحه لو دامت لغيرك ما أتصلت عليك حسبي الله و نعمه الوكيل البترول ؤصل أسعار قياسيه و أحنه مكانك سر. يطالبون بزيادت 50 و أسقاط القروض أو فايدت القروض و السلع و المواد الغذائيه كلها صارت غاليه و يون يقولون كل اليوم و الثاني أغرضنا الدوله الفلانيه و أصقطني ديون الدوله التاليه و ألي متي يا جماعت الخير يطبق المثل علينا ديست الفرج ما تحب ألي التيس الغريب خيرنا حق غيرنا مولنا يا حسافه علي الكويت صارت بيد زمره من التجار يا حسافه.
 

gdeem

عضو نشط
التسجيل
30 سبتمبر 2007
المشاركات
115
كذبة 2008 مركز مالي وراح تكون كذبة 2009 مركز جيبوتي

على رأي أخونا حفار قبور جمهورية مالي

وأنطر متى تخلص جمهوريات أفريقيا
 

info

موقوف
التسجيل
10 مارس 2006
المشاركات
111
يا جماعه مايحبونه فهمووو

الله لا يوفقهم لا بالدنيا ولا الاخره قولو امين
 
أعلى