أنحش وهرب والتصحيح القادم

[مليون دينار]

هذه العبارات نشوفها من بعض أخواني الاعضاء يكتبونها

أنحش تري السوق نازل

هروب وخلك بالأمان

التصحيح قادم خلك حذر


بس للأمانه السوق صاعد أو نازل ما نقدر نتفرج وما نشتري سهم حتى لو نشوف المؤشر نازل 500نقطة هم راح ندخل ونشتري السهم اذا كان سعره مغري

السوق صار جزء من حياتنا اليوميه

نسولف في الأسهم

ونفرح بصعود السهم

ونعصب اذا نزل السهم

ونخاف اذا نزل السوق

ونهرب من الدوام علشان نجابل السهم

ونشتري جرايد علشان نشوف أخبار الشركات

ونشاهد التلفزيون علشان نشوف الأخبار الاقتصاديه

ونتابع المنتديات ونشوف التحليل والأخبار السريعة والتوصيات ( وبعضها تطبيل وبعضها تخويف ) :d

حتي وحنا نايمين نحلم بالسوق مره تحلم وتشوف سهمك معلق تقول حسافه ياريت صج ومره تشوف سهمك نازل تقول أشوه حلم

والحين الساعة 4ونص فجرا تصدقون كنت حلمان بالسوق :d

 

[سايق الخير74]

والمشكله انه كل هالحالات اللي تفضلت فيها تعيشها وانت ربحان او خسران يعني فيك فيك صدق من قال إنها إدمان.

 

[ahmedh]

ماشالله عليك...تكتب وانت نايم حلمان!!

لايكون نايم على الكيبورد

حقيقه كلامك 100% وانا اوافقك الراي... يعني السوق قادم على تصحيح شنسوي مثلا؟؟؟ نبيع بخساره؟ ولا نبيع اسهم ندري انها راح ترتفع عقب هالتصحيح؟؟

اذا صار التصحيح نصبر ونصير خوش اوادم على مايتعدل الوضع

مشكور على الموضوع

 

[ALSALEM]

وجهة نظر حلوه وانا اقول السوق مافي صاعد نازل
السوق فرص وبس

 

[FAWAZ-1]

السوق .. بالمختصر اهو سهمك

تابع سهمك ..راقبه .. شوف اخباره .. واذا كثرت عليه الاشاعات لا تردد في بيعه ... خصوصا اذا كنت ربحان فيه

اذا كان السوق اخضر ومشلع ... وسهمي احمر .. لا وقوع بعد ... شنو استفيد !!

اما اذا كان السوق احمر ومقوع .. وسهمي اخضر ويلمع من التعليقه .. اسوي نفسي ماشوف المؤشر
بالمختصر مثل ماقلت ... السوق اهو سهمك

 

[(فزاع)]

وجهة نظر حلوه وانا اقول السوق مافي صاعد نازل
السوق فرص وبس

100% ​

 

[محاسب^المستقبل]

ممكن شرح يعني شنو تصحيح ؟

 

[(فزاع)]

ممكن شرح يعني شنو تصحيح ؟

التصحيح نوعين ..
نوع شفناه بايام الدراسه ..
ونوع شفناه بالبورصه ..

اثنينهم يخوفونك ..
واثنينهم ما ودك اتشوفهم ولا اييولك ..

لأن بكل حال من الاحوال راح تحس بهبوط قلبك ..!​

 

[قنوع ؟]

تفاءلوا بالخير تجدوه

والسوق له نظره الاسبوع القادم

 

[جمبازي]

السوق صاعد ...سهمى نازل ..يعنى خسران


السوق نازل ..سهمى صاعد ..يعنى ربحان


مضارب ..وحاس السوق بيطيح (انتظر )محد طاقنى بعصا

او ادخل واطلع بنفس اليوم .


مستثمر ..وحاس السوق بيطيح ..شيهمنى ..اخرتها بيرد يصعد ؟


السوق عباره عن صعود ونزول ....تقبل الحالتين وتوقعهم فى اى وقت

وخلك مستعد دائما ..لاى طارىء


سوق المال مو محل ..عارف جم لك جم عليك

سوق المال حرب اسعار والشاطر الى يكسب

 

[(فزاع)]

السوق صاعد ...سهمى نازل ..يعنى خسران


السوق نازل ..سهمى صاعد ..يعنى ربحان


مضارب ..وحاس السوق بيطيح (انتظر )محد طاقنى بعصا

او ادخل واطلع بنفس اليوم .


مستثمر ..وحاس السوق بيطيح ..شيهمنى ..اخرتها بيرد يصعد ؟


السوق عباره عن صعود ونزول ....تقبل الحالتين وتوقعهم فى اى وقت

وخلك مستعد دائما ..لاى طارىء


سوق المال مو محل ..عارف جم لك جم عليك

سوق المال حرب اسعار والشاطر الى يكسب

كلامك المفروض ينكتب بماء الذهب ..
عند بوابة المقاصه ..!
علشان جذي انا مستغرب من اللي يخاف من التصحيح ..!​

 

[ناصر الخالدى]

انا اقول القول المعروف ان كل شى توفيق من رب العالمين
وعسى ربى يوفقكم

 

[أسد سليمان ملك]

التصحيح نوعين ..
نوع شفناه بايام الدراسه ..
ونوع شفناه بالبورصه ..

اثنينهم يخوفونك ..
واثنينهم ما ودك اتشوفهم ولا اييولك ..

لأن بكل حال من الاحوال راح تحس بهبوط قلبك ..!​

جمد قلبك ياريس

 

[sds2]

يا اخوان انا اشوف لما ينزل السوق 50 او 60 نقطه بعضنا قام يخرع بعض ويقووول التصحيح انا اقول والله اعلم ( لسه بدري )

 

[aliii]

صفحة المنجمين




.

 

[(فزاع)]

جمد قلبك ياريس

قلبي جامد وخاصه يوم دريت ان صانع السوق ( ما غيره ) شاف افلوسنا جنها ورق ..!​

 

[أسد سليمان ملك]

قله اذا مايبيهم في ناس ناطرين تحت

 

[sds2]

اتقووووو الله ياجماعه لا تبيعون الناس مافي الا كل خير

 

[saber ayoob]

لا تصحيح لا هم يحزنون

صارلنا فوق السنه واحنا بانتظار التصحيح المنتظر. انا شخصيا قبل كم شهر سيلت ونطرت لما كثر الكلام عن حتمية التصحيح بعد انتهاء اعلانات الربع الاول والنتيجه ماكو الا العافيه.

السبب المحافظ مستفيده واى تصحيح ما راح يكون في صالحهم. ومن هيك يمارسون الاقفالات الوهميه كل يوم للحفاظ علي اسعار اسهمهم اللي اهي بالنهايه اسهمنا.

المخلص: الاسبوع القادم بيرجع الارتفاع الحقيقي مع الاقفالات الوهميه اللي الكل يهاجمها مع انها اهي محافظه علي اسعار اسهمنا من الانخفاض.

 

[اللافي 22]

1. 
   
   ​

يجماعة لاتخلون الناس يبعون اسهمهم

ترى ماكوا شيى الوضع زين

عندى معلومات عن السوق مااقدر اذكرها

بس اطمنكم ماكوا شى

شهر 8 نار