لأهل الخبرة و التجارة فقط .. لو تكرمتوا !!!!!!!!!!!!!!

[e3lami]

انا انسان ودي اشتغل بصراحة و راس مالي 2000 د.ك أبي مو مشروع انا
مو طماع ابي امشيريع مضمون يزيد راس المال اللي عندي و ربحه حلو و
مضمون .. و ابي نصايحكم و استشاراتكم الثمينه اللي مالنا غنى عنها

 

[الاحمـد]

للرفـــع

وانا من شماليـك اخوي
نبي مشيريـع حلـــو
وخل نشوف الاعضاء الكرام يمكن يفيدونا

 

[(فزاع)]

اخوي اعلامي ..
بخصوص رآيي اهو انك تشتري اسهم استثماريه ..
بحيث ان كل سنه تنزل لك ارباح وتستفيد منها ..
ورآس المال محفوظ بقيمة السهم ..
وهالشي يكون افضل من اي وديعه بالكويت ( بيت التمويل 8.6% ) ..

وهذي نصيحه لك يا ابنآخي ..

تحياتي لك ..​

 

[بوناصر العجيل]

والله ياخوي انا واخوك الاحمد ندور من شهر محد فادنا الكل لاهي

كل مشروع يبيله جهد شوي وتعب

وعلى حسب الفكره بس وينها

انا انطر معاك

 

[ميثاق]

دور على الوافديين هم اهل المشاريع الصغيرة

 

[e3lami]

متشكرين يا شباب .. ادري و الله الاسهم الاستثمارية زينة لكن ابي بيع شراء تجارة حلوه فيه شغل ودي اكرف و القى العائد و متشكرين ثاني مرة ..

 

[louzany]

؟

والله ولد عمي اذا لك خلق اشتغل علي المواد القرطاسيه يعني الي حاس انها تستهلك بسرعه تيبها من الصين وتوردها هني افضل انا مبلش فيها والله يرزق بس شوف الاسعار وقارن بين العينات

 

[بن شاطر 50]

نصيحه اخوى أشتغل باللى تعرفه وتفهم فيه وبداية الميل خطوه ( يعنى انت ابدأ لو بشئ بسيط وتشوف نفسك كل مالك تطور فيه

 

[وسيط عقارى]

والله ياخوى الرزق على الله

المبلغ يمكن يكون قليل لفتح مشروع بسبب الغلاء

فى المحلات فى الوقت الحالى والديكور وووالخ

لكن تبى رائ شارك صديق تثق فيه علشان يزيد المبلغ وتقدر

تفتح محل تكون موفر له اجار سنه قدام . واهم شئ انت شتعرف

اخوى كل مصلحه فيها خير لكن يبيلها مجابل ( عندك مثلا )

محل ملابس اطفال .. محل العاب .. محل كمبيوتر .. محل عقارى

بالتوفيق لك اخوى ولاتنسى الدعاء

 

[متداولة محترفة]

شوف اخوي مبلغك جيد لمشروع صغير بس الحين قولي شنو اهتمامتك شنو الأشياء اللي تعرف فيها وتحس انه محد يقدر يغشك فيها جاوب على السؤال هذا وان شاءالله اقدر اساعدك

 

[rakan_yes]

عندي الحل

روح لاقرب مكتب طيران احجز على المغرب وبعدها روح لتايلندن طق فيها فره ابو يومين او ثلاثه
وهنيه تكون بردة على روحك بهالصيف

2000 دينار شتسويلك بالكويت هالايام

والله مو تصغير ك لاكن ابين لك ان هالمبلغ مايسوي لك شيء هالايام صدقني

 

[شاطى الراحة]

اخوي اعلامي ..
بخصوص رآيي اهو انك تشتري اسهم استثماريه ..
بحيث ان كل سنه تنزل لك ارباح وتستفيد منها ..
ورآس المال محفوظ بقيمة السهم ..
وهالشي يكون افضل من اي وديعه بالكويت ( بيت التمويل 8.6% ) ..

وهذي نصيحه لك يا ابنآخي ..

تحياتي لك ..​

كلامك 100%

 

[سعمران]

اخوى أشتر خيشة ثوم الجبل وجم غلن خل تفاح أيرانى ودرامين بلاستك .. وسو طرشى .

وبيعه على ربعك على جيرانكم ... أبسط فيه عند المساجد يوم الجمعه . عند مقصب العاصمه بالشويخ .

 

[جورج المطيري]

اخوي انا محتاج شريك بمشروع شركة لها 11 فرع قيد التاسيس محتاج بس راس مال اكمل المشروع اذا تحب تشاركنى حياك بشرط تثق ثقه عمياء وبيني وبينك الله المبلغ المطلوب 4000 الاف دينار
المردود انشالله بيكون بالنصيفه

 

[ميدار الكويت]

انا والله افيدك وخر عن الاسهم ونت بخير اذا تبي مشروع حطلي ايميلك بالخاص عشان اظيفك بالمسنجر بس على شرط اذا ماتبيه لا تتحجا عنه اوكي واذا تقدر تزيدهم شوي خير وبركه

 

[agla_alnas]

اخوي الرزق على الله وأنا اشتغل براس مال 300 دينار ، وحاول انك انت اللي تدور على اللي يناسبك
لان اول وتالي انت اللي راح تربح انشاء الله واذا فيه خساره انت تتحملها مو احنا
مبلغ الفين اكثر من زين ترى

 

[yoleses]

يمكن تنقد بس راس مالك حيل حلو ومثل ماقال الاخ بداية الميل خطوه
رجائا لحد يعقب على موضوعي لان مابي استفيد من تعقيبكم نهائيا
انا موجه هالشي للاخ الي طالب مساعده
والارزاق بيد الله
روح تايون او تايلند في عندهم تلفزيونات بلازما صغيره يعني احجام من 10 - 15 - 21 بوصه باسعار ماتتخيلها يمكن تتفاجئ باسعارهم هالنوع من التلفزيونات رخيص حيل حيل حيل عندهم وكذا مصنع
يعني مبلغك يجيبلك التذكره ومصاريف السفره 3 ايام + كذا جهاز وعلى فكره الكل يسمع ويردد مثل البغبغاء فلاتسمع كلام ناس سامعه شوف ناس جربت والي جرب وخسر يمكن مو مكتوبه له او اهو ماحط خطه قبل المشروع سواها خبط لزق او شخص نحس ماعلينا
طريقة تصريفهم في الف طريقه المطاعم الكبيره والشركات ومحلات الديكور واي محل بالكويت ياخذهم خاصة الاحجام الصغيره ياخذون كميات يسون فيهم ديكور حتى لو بسوق الجمعه او حتى لو المستعمل هذا في اسوء الاحوال .
شحنهم عندك طريقتين الاسرع اهي تعرف احد بالجمارك وهالشي اعتقد في بعض القوانين الجديده تساعدك مثل الشخص الكويتي بإستطاعته يجيب كميه لعدة سفرات وهذا شي حلو جزاهم الله خير روح اسالهم مايقصرون يعطونك مليون طريقه ، الثاني اذا الله وفقك تجيبهم عن طريق شركة واعتقد ياخذون رسوم بسيطه حيل عشان يعطيك الاعتماد وانت محتاج بس صورة اعتماد الشركه بالجمارك وتجيب البضاعه يااما انت تدفع عليهم وزن وتجيبهم معاك بطيارتك او ادزهم بالشحن والكيلو حاليا مرتفع وهم ماكو شي وزنهم خفيف
واتمنى لك التوفيق حبيبي .
جرب موخسران شي حتى لو هالالفين اطلع بالسفره 150 دينار وعليك الحساب على الاقل اسمه شغل تحياتي

 

[الجبري555]

يالغالي تبي نصيحتي في يوم من الايام كنت نفسك براس مال صغير واليوم الحمدلله فضل من الله اخذ محلات ضمان وجتهد واذا تبيني ادلك انا حاضر منها تتعلم السوق على اصوله

 

[بوالعيس بيك]

السلام عليكم

اخوى أشتر خيشة ثوم الجبل وجم غلن خل تفاح أيرانى ودرامين بلاستك .. وسو طرشى .

وبيعه على ربعك على جيرانكم ... أبسط فيه عند المساجد يوم الجمعه . عند مقصب العاصمه بالشويخ .

فعلاأخوي كلامك صحيح 100%خاصه وان المبلغ كبيرجدا2000دينار

 

[ابو حسن!]

اخوي.... اشتر اثياب رجالية وبيعها بالجملة في السعودية وبعون انا شوف ربحك واجد زين... لأن الخلق لكويتي كلش مرغوب ومرموق عندنا بالقطيف بس سوي لك علاقات حلوة او قرايب او كذا تدري افتح لك محل بالسعودية ((ثياب كويتية على كيفك)) وشوف كيف الناس رح تشتري ولا تنس ذكر الله... في الحديث الشريف ( استنزلوا الرزق بالصدقات) ومني لك أكثر من ( لا اله الا الله ) ( استغفر الله ) والله بيفتحها عليك